ويقول عليه الصلاة والسلام ( تُنكح المرأة لأربع لمالها ولحسبها وجمالها ولدينها فاظفر بذات الدين تربت يداك)
وأنت تبي تطلقها عشانها محتشمه !!!!!!!
أنت عندك ماشاء الله متاع من متاع الدنيا وتبي تطلق !!
اللي عنده مثلها يسجد سجود شكر لله أنه منّ عليه وأرزقه أنسانه ملتزمه دينه
يكفي تغيب عن بيتك وأنت مطمن واثق
أن طلقتها فكن على يقين بأن الله سبحانه وتعالى بيعوضها خيراً منك ..
عن أنس بن مالك رضي الله عنه قال : قال رسول الله صلى الله عليه وسلم : « يأتي على الناس زمان القابض على دينه كالقابض على الجمر »
معليش الصراحة واناجالسة اقرأ واعيد واقرأ واعيد الين استوعبت اللي مكتوب بالموضوع والله إني مصدومة بجد من هالموضوع اخي الفاضل ابو ياسر بارك الله فيك وادام الله عليك وعلى الجوهرة الثمينة اللي عندك السعادة اخي الفاضل انت تحب زوجتك ومقتنع فيها وتمدحها ونصيحتي لك كما قال الرسول عليه افضل الصلاة والسلام إظفر بذات الدين تربت يداك زوجتك إمرأة تخاف الله وتتقيه وكل همها رضى الله وطاعته والمفروض تفخر بها بين اهلك وتفاخر بها وتمدحها وتثني عليها وعلى لبسها وحجابها ودينها وطاعتها لك مو تمنعها وتضيق عليها في الزيارات علشان ترضي اهلك واهلك يرضون الناس اللي تتكلم عن زوجتك اخي الفاضل رضى الناس غاية لا تدرك وانت المفروض تكون زوجتك بكيفك انت مو بكيف اهلك هذا شئ خاص فيك انت وزوجتك ليش انت تسمح لهم يتدخلون في لبسها معناته بكرة راح يتدخلون في اشياء في حياتكم اكثر من امور اللبس انتبه لمثل هالأمور انت لازم يكون لك شخصيتك واستقلالك في حياتك ورأيك في امور حياتك الزوجية وماتسمح لأي كائن كان إنه يتدخل في حياتك الخاصة وافرح وانبسط واستانس دام زوجك بتلك الأخلاق الراقية الحين اسألك بالله الذي لا إله إلا هو وين افضل واجمل عندك زوجتك تلبس ساتر وهي بصحتها وعافيتها وسعادتها معاك وانت راضي عنها ولا إنها تلبس مثل ما تبغى انت وااللبس اللي يرضي اهلك وربنا يبتليها بمرض يفقدها عافيتها وصحتها بسبب عين او حسد على لبسها وعلى لون بشرتها وعلى جمالها من بيفيدها لو اصابتها عين ماصلت على النبي اهلك بيعالجونها بيوقفون جنبها بيشيلونها بيخدمونها احد بيرعى لك طفلك او يهتم فيه انت بتلاقي الراحة والسعادة اللي أنت فيها الحين عايش والله ما احد فكر فيك ولا فيها ولا حتى في طفلك لو مرضت لسمح الله واصابتها عين وبهذلتها ومرضتها وشوف وخذ لك لفة على مواقع الرقاة وشوف اسباب الحسد والعين عند النساء وش كان السبب الرئيسي في إصابتهم بها غير اللبس والكشخات فأحمدالله واشكره ياخوي على صحة زوجتك وعلى تدينها وطاعتها لك وعلى راحتك وسعادتك معاها وانت رجل إن شاء الله والنعم فيك ماراح تتأثر بكلام احد عن لبس زوجتك ولو قدرت تلجم كل من جاب طاري زوجتك او لبسها عندك بيكون افضل وقول لهم زوجتي بكيفي وعاجبتني بلبسها وانا راضي عنه ولو سمحتوا لا أحد يجيب هالسالفة مرة ثانية قدامي وتحسسهم بزعلك وضيقتك من كلامهم ماراح عاد يعلقون او ينتقدون لبس زوجتك هم ماتمادوا بالكلام على زوجتك إلا يوم شافوك ساكت وراضي وتسمع لهم في الكلام ترى الحرمة تفخر بالزوج اللي يدافع عنها ويذب عنها في ساعة الضيق خصوصا إن زوجتك على حق وتمشي على الصراط المستقيم وانت لك الأجر والثواب من رب العباد لو اعنتها وساعدتها ووقفت جنبها في وقت مضايقة اهلك لها في لبسها ثم ياخوي هم وش دخلهم فيها قول لهم مالكم شغل بزوجتي او لبسها هي بترضي ربها وانا راضي عليها دام إن الله راضي عليها وانا ما ابغى زوجتي تلبس اللبس اللي تقولونه إلا لي انا شخصيا واغار عليها ما ابغى احد يشوف منها شئ غيري سكتهم يا اخي سكتهم ترى مالهم حق ينتقدون لبسها دام إنه لبس طيب ولبس يرضي الله يا اخي اللبس العاري حرام ومايجوز تلبسه الزوجة إلا لزوجها انت تبغى رضى الله عليك ولا رضى اهلك وجماعتهم ترى يوم الحساب تذكر يفر المرء من امه وابيه وصاحبته وبنيه مافيه امي قالت لي اختي قالت لي لا كل واحد يتحاسب بعمله ماراح ينفعك احد ساعتها الزم زوجتك وافرح واسعد بها وافتخر بتلك الدرة الثمينه غيرك يحلم بربعها وبربع اخلاقها يتمنون في هذا الزمن الزوجة المحافظة الملتزمة بدينها من كثر اللي يشوفونه صاير في المجتمع من انحلال في اللبس إلا مارحم الله
اخي الفاضل يشهد الله إن لي فترة ماكتبت رد في المنتدى بهذا الطول ولا شاركت في هذا القسم من فترة لاكن موضوعك هو اللي خلاني اشارك واكتب رد طويل ويعلم الله إنه لمصلحتك ولسعادتك انت واسرتك ولا نبتغي لكم إلا السعادة في حياتكم والأجر والثواب لنا ونسأل الله ان يسعدك ويريح بالك بتلك الزوجة الجميلة ماشاء الله تبارك الله ولا حول ولاقوة إلا بالله وربنا يوفقكم ويصرف عنكم كل شر وسوء يارب
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
❗❗❗❗❗
انت من جدك تتكلم
الحين صار الستر والحشمه مشكله
الله يهديك
واهلك اش لهم في لبسها وحشمتها
الا بالعكس الله يسعدها وينور لها طريقها
ويوفقها دنيا واخره
رضا الناس غاية لاتدرك ..
ورضا الله غاية لاتترك .. ؟!
__________________
علـق القَلب بـ الخالق وأجعل الحُب اﻷعظم له
أما البشر فـَ غداً ربما تبغض من أحببت وتحب من أبغضت
فﻶ تبالغ بـ مشاعرك وﻵ تعلق قلبك بهم | ♥"