لا اريد السكن مع ضرتي ( حلت المشكلة الرد 51) - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
قديم 03-12-2011, 09:21 PM
  #1
ريم الصبوره
عضو جديد
تاريخ التسجيل: Sep 2011
المشاركات: 42
ريم الصبوره غير متصل  
Unhappy لا اريد السكن مع ضرتي ( حلت المشكلة الرد 51)

السلآم عليكم ورحمه الله ..

اطلب منكم المشوره بهالشي اللي مآرقني ؟
وممكن زوجي يقرا كـلآمي لآني انا وياه كتاب مفتوح ولآب توبنا واحد بس مافي مشكله
اقرا يازوجي ياغالي
انت تعرف مكانتك بقلبي
بس مسأله انك تحطني مع ضرتي بمكان واحد اعذرني
اروح لآهلي ولآاسكن معها ؟

السالفه ياجماعه ان الشقه اللي احنا فيها يبغاها صاحبها
وراح نطلع منها بعد اسبوع ..

..

والان بصدد اننا ننتقل لشقه ثآنيه بس يبيلها ترميمم مده شهر تقريبآ ..

زوجي قالي راح احطك عند ضرتك لحد ماتخلص شقتنا لآنه صعبه اروح استآجر ونقل عفش وتركيب وهالشي راح يكلف ومدري ايش ..؟

طيب ليش انا ؟
ليش ماهي تنتقل ؟
انا انسانه غيوره ولآحدود لغيرتي
ياناس ياعالم من تتحمل تسكن مع ضرتها لها غرفه وضرتها غرفه
وكل شي مشترك .
انا بشر يازوجي الغالي
ارحمني ارجوك
عساني اطق خيمه واسكن فيها لين يخلص بيتنا ولآاسكن مع زوجتك ..

تنازلت كثير وتحملت وتعبت ليه تجازيني بهالشي ؟

وش فيها اذا اخذنا شقه مفروشه ؟

يقول احنا اولى بالايجار

طيب هي راح تدفع لها ايجار ؟


قلت له ذهبي وكل ماأملك لك بيعه وسكني بشقه لحالي رفض

الحق مع مين ياجماعه الخير

كل وحده من خواتي تحط نفسها مكاني

جالسه ابكي من القهر ةالحسره اللي فيني

والله اندب حظي اسمح لي يالغالي فعلآ اندب حظي ..

تمرمطت وانا ماكملت سنه من الزواج ؟


انصحوني وادعو لي ربي يسخر لنا صاحب البيت اللي انا فيه ويزيد في المده يعطينا شهر بس ..
يارررررررررب سخره لنا يااااااااااااارب انت قادر ع كل شي

من اليوم انا استغفر واقرا البقره لعل الله يكتب لنا الخير والرزق ..
حسسبنا الله سيؤتينا الله من فضله انا الى الله رآغبوون
دعواتكم ربي يسعدكم ..
قديم 03-12-2011, 09:53 PM
  #2
ليش كذا
عضو نشيط جدا
تاريخ التسجيل: Jun 2011
المشاركات: 696
ليش كذا غير متصل  
زوجك الله يهديه ينظر للموضوع على انه مساله حسابيه وهذا سبب الخلاف
القضية اسريه اجتماعيه تؤثر فيها الامور الماديه
هذا هو وضعها الطبيعي
المراه مش ممكن تتقبل هذا الامر
واللي مستغربه كيف الاولى تقبلت ؟؟
ما اخشاه ان يكون هذا الشهر نقطة انعطاف خطيره في حياتكما
او ربما يحصل فيه طلاق او اي شيء لاتحمد عقباه ,,,
الرجل ينبغي ان يغير طريقة تفكيره العقلانيه ,,, الحسابات والخطط ليست دائما الطريق الموصل للحل الاصوب ,,,
امر اخر اخشاه وهو ان تطول المده ,,,
ثم حلول اخرى وكلها موصلة لرضى الطرفين مع تنازل بسيط من احدهما ,,,
منها ان تبقي عند اهلك ,,, ومنها الشقة المفروشه ,,,
ومنها ان صاحب الشقة ربما ينتظركم شهر اخر وفكروا ان تدفعوا له مبلغا يرضيه ,,,
همسة لزوجك ,,, يارجل قدر المشاعر قدر المشاعر وخل الجلافه يارجل بعض النساء ماتتقبل ان يذكر اسم ضرتها حتى لو كانت مطلقه او متوفاه مابالك ان يسكن جميعا ’’’
__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم
قديم 03-12-2011, 09:56 PM
  #3
مسز داني
عضو المنتدى الفخري
تاريخ التسجيل: Aug 2008
المشاركات: 10,090
مسز داني غير متصل  
معك حق أختي
الله يربط على قلبك
لا تتنازلي عن رأيك و لا تضغطي على نفسيتك فيحصل مالايحمد عقباه ,,,
و خياراتك ماشاء الله كثيرة ..شقة مفروشة ,,بيت أهلك ,,فليختر أحد منها
تحياتي
__________________
[IMG]http://im68.***********/hCw6dK.jpg[/IMG]
( خيركم خيركم لأهله ، وأنا خيركم لأهلي ، ما أكرم النساء إلا كريم ، ولا أهانهن إلا لئيم
الدين المعاملة
قديم 03-12-2011, 10:02 PM
  #4
ملامح قمر ..]
عضو نشيط جدا
 الصورة الرمزية ملامح قمر ..]
تاريخ التسجيل: Aug 2011
المشاركات: 1,002
ملامح قمر ..] غير متصل  
الله يعينك من حقك والله وربي يعين زوجته الثانيه
بصراحه أرحم زوجات المعددين يعني حياتهم كلها قهر في قهر وغبينه الله يصبرهم
بس وش تقولين الله يعوضكم في الجنه ويبعد عنا

مدري وش أقول لك أختي الرجاجيل بعضهم يشوفون الحرمه حجر وتحملي بدون إحساس مايدون بعض الحريم تنهبل إذا زوجها تزوج كيف وأهي تعيش معها
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه
قديم 03-12-2011, 10:29 PM
  #5
احساس عمري
عضو مميز
 الصورة الرمزية احساس عمري
تاريخ التسجيل: Sep 2009
المشاركات: 743
احساس عمري غير متصل  
صعبة .. حتي لو متفقات صعبة ..
كلمة للزوج وياريت يقدر يطلع علي الموضوع ..
بعد عمر طويل ترضى لابنتك ان زوجها يقهرها ؟ يستنقصها ؟
اكيد لا لا ترضى ولن ترضى وبتاخذك الحمية علي بنتك قطعة منك ..
وبالمثل زوجتك .. لها اب لايرضى ولن ولم يرضى بقهر بنتة ..
ارحمو من في الارض يرحمكم من في السماء ..
__________________
[ ]
قديم 03-12-2011, 10:35 PM
  #6
Neat Man
كبار شخصيات المنتدى
 الصورة الرمزية Neat Man
تاريخ التسجيل: May 2011
المشاركات: 4,690
Neat Man غير متصل  
اقترح تسكنوا في شقة مفروشة حتى يتم تأثيت الشقة الجديدة.
__________________
ياصبحِ لاتِقبل !!
عط الليل من وقتك..
قديم 03-12-2011, 10:39 PM
  #7
مس سندريلا
عضو متألق
تاريخ التسجيل: Jul 2007
المشاركات: 1,691
مس سندريلا غير متصل  
اسمحيلي ...
ليش ماتكوني انتي وضرتك ببيت واحد ..
شـــــــــــــــــــــــــــــــــــــــــــــــو المـــــــــــــــــــــــــــــــــــانع ؟؟
زوجك قال لمده شهر يعني مو العمر كله
ولو جلستو مع بعض ...
تعاوني انتي واياها وحاولو التقرب من بعض
ليش ما تكون فرصه للتقارب وابعاد المشاحنات ...

والله لي قريبه متزوج زوجها وهيه الثانيه
ساكنات مع بعض وبياكلوا مع بعض وبيعنوا بعض
على شغل البيت ...
الثنتين ستر وغطا على بعض
كانهم اخوات مافي حدا بيشوفهن وبقول عنهن ضراير ابدا
بشهادة الاهل ...

مو لازم الضرة تكون مرة
على اعتقاد الاغلب

اعتبريها اخت ... صديقه ... حاولي انك ماتفكري
بسلبيه عنها ...

موضوعك لاتكبريه ومافي مشكله بالنسبه لي ..
ا
اذا المدة شهر بسيطة ....
ممكن تكون خير الك والها انكم تحبو بعض تتقربوا من بعض
والحياة تجارب ...

عيشي هالتجربه وماح تخسري اشي

كرمال زوجك اقل مافيها ....
راعي ظروفه .. لاتضغطي عليه

يعني هوة لو حالته ميسورة كان لوحده
امنلك سكن بدون ما تتشاركي فيه مع ضرتك ...
بدون مايوجع راسه بهالقصه ....
لكن باين انه محشور اشوي بالفلوس ....

طيب لفته صغيرة

ليش ضرتك مو معارضه طلب زوجك...........؟؟؟؟؟؟؟
ممكن هيه موافقه وحابه تتقرب منك اكثر ... احتمــال
او ممكن عشان زوجها كمان مو حابه تزيد عليه .. احتمــال اخر

فكري بعقلك مو بقلبك ولاتنكدي

على حالك وزوجك ولا تسببي مشاحنات بينك وبين ضرتك

والله مشكلتك ماهي مشكلله بالعكس

لكن انتي يمكن من ترسبات قديمة

انفعلتي بهالشكل ...

الله يهديكي للصواب
__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).
قديم 03-12-2011, 11:03 PM
  #8
مسز داني
عضو المنتدى الفخري
تاريخ التسجيل: Aug 2008
المشاركات: 10,090
مسز داني غير متصل  
سندريللا ,,,أختي لا يكلف الله نفسا إلا وسعها
إذا كنت متزوجة ,ضعي نفسك مكانها ,,لكن ضرتك لم تكن تسكن معك وزوجك قادر على شقة مؤقتة لكن لا يريد أن يكلف على نفسه و يبغى يوفر ,,على حساب نفسية (دون ادراك منه)

فماذكرتيه من مثال لضرتين , عايشات (((من أول))) مع بعض و مو بيسكنوا فترة و تعدي,,لكنها ستخلف ما تخلف,,
فكل وحدة (مما ذكرتيه)تاخذ احتياط لكبح الغيرة للتعايش(مدري شلون تقدرون جد يا نساء المعدد الله يعينكم)
..
لكن هنا هما منفصلتان و تبرمجت حياتهما و مشاعرهما على ذلك
و عموما لكل واحدة حق السكن منفصل
الرسول عليه الصلاة و السلام وضع لكل زوجة من زوجاته رضي الله عليهن ,منزل لوحدها
فراعي أختي . أن
لكل واحدة ,قدرة و طاقة و لا تعزفي لها على وتر المثالية فتظن هي و زوجها الذي سيقرأ
أنها تطلب (((فوق)) حقها ,,
أنما لا ..هي طلبت حقها ...لأن لا قدرة لها على التنازل
و ليس بعصي عليه أن يحققه أن شاء الله
__________________
[IMG]http://im68.***********/hCw6dK.jpg[/IMG]
( خيركم خيركم لأهله ، وأنا خيركم لأهلي ، ما أكرم النساء إلا كريم ، ولا أهانهن إلا لئيم
الدين المعاملة
قديم 03-12-2011, 11:20 PM
  #9
ريم الصبوره
عضو جديد
تاريخ التسجيل: Sep 2011
المشاركات: 42
ريم الصبوره غير متصل  
الله يجزاكم خير جميعآ ..

سندريلآ حبيب
انتي امراه وتعرفين الغيره بين النسآء كيف
حتى نساء الرسول ماخـلوا من الغيره
كيف نحنا

..
حبيبتي اللي يده في الماي مو مثل اللي يده في النار

انا ماقلت شي في زوجته الاولى فعلآ انسآنه طيبه وعيالها حسبة عيالي

بس الغيره الغيره تذبح خاصه انا عن نفسي تذبحني بقوه لدرجه البكآء ..

زوجي يقدر ع شقه مفروشه ..

بس يقول شهر ماتسوى

وانا مصره ع رآيي ماراح اسكن معها لو ايش

عساك ماتجربتي حياه المعدد
والله دايم اقول في نفسي اللي تبي الشقاء تاخذ متزوج
حتى لو هو اطيب الناس
ماتقدري تروحي ولآتيجي لآن كل شي محسوب
وتخافي الله في كل شي وماتبي زوجك يميل لك والثآنيه لآ
حياه متعبه متعبه بكل مافيها
يكفي الوحده اللي تكوني عايشه فيها يوم كلامل لوحدك لو صار لك شي محدا راح يدري عنك
> عن نفسي زوجي كل شوي يطمن علي ماأنكر

مشكوره ع حرصك حبيبتي ..
ومافي بوقتنا الحالي نسآء يعيشوا ببيت واحد لآن القلوب الحين تغيرت
وكل شي يفسر الف تفسير

دمتي غاليتي
قديم 03-12-2011, 11:20 PM
  #10
مس سندريلا
عضو متألق
تاريخ التسجيل: Jul 2007
المشاركات: 1,691
مس سندريلا غير متصل  
الحمدلله انا متزوجه
انا ردي من داخلي مو قصه ردود مثاليه بالعكس
وحطيت نفسي مكانها
لكن مو غلط انه الانسان يحاول يعكس تفكيره السلبي
الى ايجابي ... عن الاشخاص بالاخص
وانا ذكرت مثال للاخت حتى تعرف انه ممكن انها تسيطر على نفسها زي غيرها
ان امكن
شوي بهالشهر مو العمر ...
وهيه ذكرت انه زوجها مااقترح انه يسكنوا مع بعض هالشهر الا
بسبب الوضع المالي على ما اعتقد ...
وصحيح انهم الثنيتين اتبرمجوا على انهم يعيشو كل وحده لحالها
لكن الظرف مشى هالمرة على غير هواهم ليش
ما يتعايشو معه بس بهالفترة المحدودة مثلا ..
ممكن يكون لخير يا اختي .. ولا انا غلطانه
فرصه حلوة ليكونو الاخوة الصغار مع بعض مثلا
وللاخوات الضرارير برضه
والله مش عارفه كيف اوصل الفكرة
بس ع كل اذا هيه الامر عندها صعب لهدرجه
تصارح زوجها وتفهمه القضيه
وتعرف سبب موافقه الزوجه الاولى عن السكن معها
__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:03 PM.


images