روظة بوظبي السلام عليكم هل يوجد بين الازواج كرامه هل تتوقعي انه لو كان كرامه بين الازواج لسارة الدنيا كان اكيد نصف الازواج تطلقو على العموم اختي انا احترم كلامك واشكرك على الاهتمام وبسوي بنصيحتك والله يستر

هي بين الازواج فيه كرامه اذا وصل الموضوع لاهل ..
وزوجتك من البدايه مااحترمتك وسارت ورى امها.. امها بتعمر مثلن .. راح تتحمل سنوات ضيم عشان خاطر امها ..

فكر فيها وانت الحين طلقتها ... طلقه وحده رجعيه ...
اتركها تتادب وتعرف قيمتك خلك ثجيل وتذكر انك ولد عرب وناس ولهم سمعة طيبه
مابتقوم حرمه تقودك وراها وتذلك وتذل كرامتك
لاتطريها الكرامه جان الموضوع موضوع الكرامه
انا اقولك بدل الزوجه زوجه لك الاهل وسمعتهم مابدالهم اهل ..
والسموحه اكتفي بالهاقدر وانت موب ياهل وتعرف كيف تحفظ كرامتك او تترك نفسك مذلول ومالك حشيمه بسبه هاي

أنت ليه متردد انك تتزوج وحدة ثانية؟
إذا اولادك عارفين ان امهم مقصره ومو مهتمه
فما رح يزعلون منك

السلام عليكم
بصراحة اذا نفسك فيها وتبيها اتركها فترة ورجعها
واذا ماعاد تبيها تزوج وخلاص

أخوي ..عندي لك فكره وأن شاء الله تجدي معك..
بيوم خذ الأولاد وديهم أمهم..بس قبلها أكتب رساله بخط يدك وعطيها بنتك توصلها لها..

أكتب فالرساله..كل مشاعرك أتجاهها..وحزنك لفقدها..وحجم فقدها في البيت وتأثيره عليك والأولاد..
وأنتقي الألفاظ الرقيقه التي تستدر عاطفتها..مفعمه بمشاعر حبك لها..مليئه بالشوق والحنين..ووعود لها بحياه أفضل..

وأبتعد عن اللوم والعتااااب ..

وبكذا تكون فعلت ماعليك وحاولت جاهدآ مراجعتها ..وحتى لاتندم فيما بعد..

غصة فراق السلام عليكم ورحمة الله اشكرك انا بحاول جاهد انها ترجع للاولادها بس هي معنده وانا عارف ان الزمن بلينها المشكله ان اهلها مدلعينها يعني مو محسسينها بحيات المطلق انا ارسلة رسايل لها بس للاسف امها مصيطر عليها كثير الله يهديها ويهدي كل البنات

وعليكم السلآم ورحمة الله وبركاته..

أخوي..أنا ذكرت لك بخط يدك لأن راح يكون وقعها أكبر على زوجتك..صدقني مثل هالأساليب تجيب روسنا يالحريم..

مثلآ أكتب..ماشتقتي لعشنا..هو اشتاقلك وكل مكان فيه أفتقدك..
ماشتقي نجلس مع بعض مع أولادنا نتبادل الحديث والضحك..هم وأنا أشتقنا ومثل كذا..

وعن تأثير أمها عليها..صدقني تقتدر تأثر عليها بأذن الله بعد ماترجعووون..بالكلام الحلو وأسلوب المسايسه..
يعني تقولها ياغاليه ياعزيزتي ذي مملكتنا وحدنا.. أمك على عيني وراسي بس لازم ندير أمورنا بنفسنا دون تدخلات..

وجيبلها كتب أو كلآم لمشايخ.. أو مقالات عن أضرار تدخل الأهل بالبيت .يعني أقنعها بأسلوب ..

ياخوي حبك لها..وطيبتها زي ماذكرت..وأولادك وهم الأهم تستاهل منك ذا المجهووود..وأحتسب ذلك عند ربك فهو لن يضيعك سبحانه..

رائع كلام الأخت عضة فراق. غلشان تكسب ودها
الله يجمع شملكم وتردون لبعض

__________________
《اللهم استودعتك أطفالي الذي لا تضيع ودائعه》

غصة فراق السلام عليكم ورحمة الله اخاف ان لو كتبتلها رسالة تروح تعطيها امها وامها لسانها متبري منها الله يهديها ممكن تفشلني عند اهلي واولادي ارجوكي انتي بنت ابي اعرف اشلون الاسلوب الي ممكن اولادها ياثرو عليها او انا مايهمني لاكرمه ولا غيرهه لان الاولاد اهم من الف كرامه الكرامه ممكن ترجع بس الاولاد لاضاعو مصيبه الحين اهم شي انها ترجع عشان الاولاد مايدمرو انا ماخبي لسع احبها

افهمني تملكني السلام عليكم ورحمة الله اذا عندك كلام ممكن اكتبه بالرسالة لاتبخل علي فيه انت ولا غصة فراق الله يفرج هموم جميع المسلمين