حبيبتي قلوب ..

تعرفين ليش زوجك يطول بالزعل ؟؟؟ مو علشان تجين وتعتذرين له ... لان الاعتذار يوم يتكرر بدون فايده يصير
ما له طعم .. زوجك يطول بالزعل بالرغم من جهودك اللي تبذلينها علشان يرضى لانه يعرف انك بترجعين لنفس
التصرفات ونفس الاسلوب .. زوجك يطول بالزعل لان ما بينكم لحظات حلوه يشتاق لها ..

احيانا الانسان قبل لا يشوف عيوب غيره لازم يشوف عيوبه .. وقبل لا يحاسب غيره لازم يحاسب نفسه .. انتي عرفتي
اخطائك طيب شو تنتظرين ؟؟ ليش ما تباشرين في اصلاحها .. ما دام تعرفين ان زوجك شمالي وتثقين بهذا الاختبار
حاولي توسعين ثقافتك في هالشي .. لو شوي بس قريتي هذا الاختبار بتمعن بتعرفين ان سلوك زوجك اللي تسمينه
انتي برود ما يعتبر برود .. زوجك يحاول بسكوته وبتهربه من النقاش معاك انه يصغر المشكلة لانك انتي في ذاك
الوقت تحاولين تكبرينها ..

الحياة الزوجية تكون سعيده بمخــــافة الله وبالثقــــــة والاحترام والتقدير والتفاهم والتعاون والمشاركة
الابتسامه التعامل بالطيبة والاخلاق العاليه .. قدري النعمة اللي عندك ترا النعمة زواله

بدون لا تتكلمين كثير ولا تناقشين خلي زوجك يحس بتغييرك .. حطي لنفسك برنامج ..
وحدديه بالايام .. يعني اعطي نفسك اسبوع .. ويكون تحدي انك ما تزعلين زوج ولا تزعلين انتي ولا تنكدين عليه
بأي شي ..

واعملي التالي :

ابدإي يومك بالاذكار .. وصحي زوجك بدون زعل وبابتسامه .. جهزي له الفطور وافطري معاه .. ودعيه بدعوه
وابتسامه وخلاص حتى لو استمر بالزعل عادي هذي تراكمات مو معقولة بتزيح بيوم وليله ..

بعدها انسي زوجك وركزي على بيتك .. من تنظيف وغيره .. وانتي الحين محظوظة ما شاء الله لان عندج وقت فراغ
كبير اشغلي نفسك بهواياتك واهتماماتك .. شوفي شو عو الشي اللي تحبين تسوينه مثلا الطبخ ( ادخلي واعرضي
طبخاتك في المنتديات او اعملي موقع خاص فيك واعرضي طبخاتك ) تحبين الرسم ( ادخلي مواقع اجنبية فيها تحدي
للرسم ويكون جماعي وطلعي ابداعك ) تحبين المكياج ( سوي لك موقع واعرضي طرق المكياج ) وهكذا

لما يوصل زوجك .. استقبليه بابتسامه وترحيب .. جهزي له الحمام .. والعشاء .. اختاري السوالف الحلوه معاه
مثلا اليوم سويت كذا اليوم عرفت المعلومه الفلانية .. اعرفي شو هي اهتمامات زوجك .. وشاركيه

حببي زوجك بجلسة البيت بدل ما تجبرينه يتأخر بالشغل .. جهزي مسابقات مع زوجك والفايز يطلب اللي يبيه
وانتي وابداعك .. اكثري من ( يعطيك العافيه .. الله لا يحرمني منك وغيره من كلمات الحب والغزل والمدح )

جربي هذي الطريقة اسبوع بس بتشوفين انك انتي ارتحتي اكثر من زوجك .. اذا تضايقتي من زوجك من شي معين
تعلمي تفتحين الموضوع معاه بهدوء .. قولي له ( حياتي اليوم انا تضايقت من موضوع انت سويته واشرحي ) وعطيه
الثقة .. لا تحاسبينه مثل الطفل .. الرجل طفل باحتياجاته مو بعقله ..

اللحظات هذي بدون اطفال اجمل اللحظات .. استغليها علشان تسطرين ذكريات حلوه معاه .. يعني مرة بالشهر جهزي
مفاجأة حلوه ليالي رومانسية او غيرها من افكار لتغيير الروتين وتجديد الحب ..
تعاونوا وتشاركوا في اعمال الخير .. لما يوصل من الدوام دلكي كتوفه او راسه او رجوله .. تعلمي تاخذين اللي تبينه
من زوجك بطيب خاطر وبرضاه من غير ما يحس احيانا ..

هذي هي متعة الحياة الزوجية حبيبتي .. جربي اسبوع اذا نجحتي بالاختبار كافئي نفسك بأي شي تحبينه سبــا
صبغ وقص شعر او ملابس جديده وهكذا .. او اطلبي من زوجك بكل هدوء وذكاااااء اللي تبينه

صدقيني بتلاحظين ان زوجك بيرضى عنك بدون لا تعتذرين .. وحاولي تستمرين على المنوال مع بعض التغييرات
بين الفترة والاخرى .. وبتشوفين حياتك كيف بتصير بإذن الله ..

ونصيحه لا تسألين زوجك شو رايك بالتغيير او غيره خليه يلاحظ بنفسه لانه زوجك خلاص مل من كلامك ويبي يشوف
فعل فاثبتي له انك قادرة على التغيير .. ولما تلاحظين انك تغلبتي على تصرفاتك السلبية والنكد والانفعال والحساسية
حزتها بس تقدرين تناقشين زوجك بعيوبه وتطلبين منه يصلحها ايضا بأسلوب ..

هذا اللي عندي حبوبه .. والله يوفقك ويسعدك ويجمع بينكم بالمحبة والخير