8 8 صحيح من الغباء ان البنت تتكلم عن اي شي بالماضي ! مهما كان .! عالعموم انا جدا متعطافه معاكم .. بس بسئلك سؤال وجاوبيني بصراحه انتي عارفه هو وش الي عرفه عن ماضيك ! نعم عزيزتي عارفه لانه لمن عرف واجهني بكل شيانا قاعده اقرا مو فاهمه شي ولا فاهمه وش الي اكتشفه !! مررررررة وااااضح الاستاذ بروفشنال كومبيوتر طلع كل شي بضغطة زر بس الي فهمته انه عرف زميلتك بالمدرسه وبعدين زعل وتغيرت نفسيته !! هدي مدري عنها يعني وين الشك والخيانه هنا !! ؟؟؟؟؟ علمي علمك بس لانها البنت الله يستر عليها وبعدين يحذرني من كلللللللل صحباتي فيه شي ماقلتيه لنا تكلمي فضفضي ! اااااااااااااااااااااااااه ودي اتكلم وافضفض بس ماني عارفه اش اقولللاذا بس السالفه والزعل عشان عرف صاحبتك ! وش فيها هالصاحبه ؟ وايش الي ممكن يعرفه من خلالها عنك ! ؟؟؟ مااذكر شي محدد بس العالم الي بتحسدك ممكن تقول اي شيوليش اصلا ينبش وراك ؟! مااعرف بس هو يقول انه الامور انكشفت لوحدها وبعدين بدأ هو ينبشبليز جاوبيني ! عشان افيدك اكثر انا متعاطفه مع قصتك وحابه افيدك اكثر ! |
أختي الكريمة شفت مشاركتك ووصفك لحال خطيبك حقيقة ايش الشيء الذي يدفع خطيبك ليتصرف معك هذه التصرفات ..؟!! خطيبك واضع فكرة في باله وقناعة أنه يجب ان يبحث في ماضيك ليبحث عن علاقة سابقة او عابرة أو شيء يخص اخلاقك أو حتى عرضك وشرفك ؟!!! لذلك لن يهدأ له بال أبداً وسيظل يفكر بهذه الطريقة وأنت شاهدت وسمعت كيف يحور كل علاقاتك بغيرك بأنك كنت على علاقة أو أنك كنت بصحبة من لها علاقة بشاب ،،،،،!!!!! فيفكر مثلاً لو درست بفصل واحد مع (فلانة) والتي هي سيئة الأخلاق، فانت على الأقل تأثرت بها في مرحلة ما، أو ما صاحبتها إلا ،،،،،،،، !!!!! وهكذا لو اكتشف مشكلة لأحد اقاربك أو صديقاتك وكانت مشكلة قديمة، فسيبحث عن اي احتمال عن أو ارتباط لك بهم !!! وهكذا لن ينتهي هذا الشك حتى يعترف ان ما يفكر فيه هو جنون وليس تفكير إنسان عاقل وهذا أظنه صعب تغييره ،،،،،،، ثم للأسف ان هذا تفكير نسبة ليست بالقليلة من الشباب تجاه الفتيات عندما يتم الإرتباط بهن ،،،، غير فكرة "ماذا لو اكتشفت انها غير عذراء ليلة الدخلة"... إلخ من الأفكار التي تتعلق بالشرف والعرض !!!! لذلك ما دام خطيبك بهذا الشكل ،،،، فإن واصلت معه وارتبطت به ،،، فالله يعينك على شكه وعدم احترامه لك فالأنسب له ولك أنك تتركيه وتشتري راحة بالك مع رجل آخر يقدرك ويثق بك ويحترمك عزوبي بس رجل |
طيب انا بقولك عن نفسي انا احب فتاه وعرفت بالصدفه انها كانت لها علاقه بغيري وانها من زمان تركته ومافي احد بقلبها غيري طبعاً كان تعارفنا عن طريق العمل فقط ولا بيننا اي شي عدا الاتصال ببعض عرفتها اكثر واكثر وحبيتها اكثر من اول بواجد المهم عرفت البنت على اهلي وصارت وحده من بناتهم المهم كم مره اجي بتقدم لها رسمي وسبحان الله يحصل سبب ويأخرنا لين اخر مره قلت لاهلي الحين لازم نتقدم بشكل رسمي وسبحان الله قبل ما اتقدم لها بسبوع اكتشفت ان لها علاقه بزميل في العمل و فيها حب وتواصل عن طريق رقم غير الرقم الخاص فيها انا بصراحه تذمرت كثير وتعبت كثير وصارحتها وليتني ما صارحتها وانهيت العلاقه لاي سبب.. وجلست تقول غلطه و و و و و مراح تتكرر وللاسف اكتشفت مره ثانيه انها رجعت له بصراحه انا ماقدرت اواصل معاها ما ادري كيف اوصف لك شعوري انا ماكرهتها لا والله العظيم اني احبها لحد الحين ودايم احاتيها واخاف عليها بس كذبها علي وحلفها بالباطل سبب لي مشكله عدم الثقه وانا بصراحه اللي على قلبي على الساني فا ليش اني اتعب نفسي واتعبها معاي بسوء الظنون والاتهامات انا صحيح ماسامحه والله اعلم فيني بس كل ما تذكرت الموقف تجيني حاله غريبه غريبه غريبه مع العلم كان عندي استعداد اني اروح لزميلي واقوله ترى فلانه مثل ماتكلمك وتحبك برضو تراها تكلمني وتحبني ولا وتقسم قسم غليظ بحبها لي بس قلت الله يستر عليها وعلينا وخليها لعل يكون هذا الانسان من نصيبها انا لي فتره بعيد عنها ولا في اي تواصل بيني وبينها والله العظيم اني دايم ادعي لها بالتوفيق والهدايه .. وللعلم انا ما كنت افتش او ادور كانت تصير الاشياء قدامي .. وللاسف قبل ما اعرف ان لها علاقه بزميلي سألتها اكثر من مره قلت يافلانه انا حاس ان في انسان غيري في قلبك وكانت تحلف وتقسم والمشكله برمضان حتى اخر مره سألتها وقلت لها يافلانه انا حاس ان في شي بينك وبين فلان وجلست تحلف وتقسم وتقول انت مريض وشكاك حتى اهلك تشك فيهم وسبحان الله بعد اسبوعين انكشف وضعها وكان احساسي صحيح ... الحمد الله على كل حال ولعل في الامر خيره لي ولها ان شاء الله وفي النهايه المسألة مسألة قسمة ونصيب من عند رب العالمين .. |
الرجل ينسى كل شئ ويسامح إلا الخيانة كلنا نمر بمشاكل مع أزواجنا وننساها ونكمل حياتنا عاادي وكأن شيئاً لم يكن // إنتوا الآن تفكروا بالحب والرغبة والشوق وكل شي وانا مريت بظروف قبل زواجي جلسنا 4 سنين ولهانيين على بعض ونحارب عشان نتزوج وبعد الزواج كل شئ تغير 180% .. خلالاص يشبع الانسان من الحب والوله والشوق والعاطفة نبدأ نتعامل مع بعضنا بنفس شخصياتنا وطباعنا ... والروتين يغلب على المتزوجين في كل شي // أتوقع اي مشكلة بتصير راح يقلك انتي وانتي وانتي .... صح ؟؟ خصووصا انك قلتي خطيبك متأثر من زوجته الأولى .. وقام يفتش من ورآكي ( صحباتك / لاب توب / جوال ) كل شئ قام ينبش فيه .. لانه للاسف انسان مريض وشكآك حتى لو ماكان فيكي شئ ولامسك شي برضه ماراح يكفيه / بيجلس طول عمره ينبش بيمنعك من كل شئ ( زميلات / نت / جوال / سوق / أهل / كل شئ ) استخيري استخيري استخيري والله العظيم يا اختي الحياة الزوجية قبل الزواج تختلف عن بعده لاتتوقعي بيجلس كل شوية بحضنك ويطلب السماح واحنا الحريم عاطفيات ونبغى كل شي رومنسية وكلام حلوو مانتحمل اقل شي // ان شاء الله ربي يكتب لك اللي فيه الخير وانا من رأيي خلاص تنهي كل شي وربنا يعوضك // بس أرحع أقلك استخيري / ولاتتوقعي الحب بيجلس زيي ماهوا |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|