انا تزوجت وعمري 25 ودام زواجي 6 شهور و حاليا عمري 26 انخطبت من اقارب امي وكان زوجي عمره 24 مطلق واول ماعرفت رفضت بدافع( وش ناقصني اخذ مطلق وانا بنت) لكن اهلي سألو عنه وكان مايعيبه شي ابدا وسبب الطلاق قالو مشاكل طيب مشاكل محد وضح لنا وقلنا نصيب والبنت مايبون يتكلمون عنها، واستخرت وارتحت وحنا ماعندنا شوفه لكن طلب وانا بعد طلبت وتمت الشوفه وكنا مرتاحين لبعض وكان مستعجل وحللنا وتملكنا ، وقال يبي الزواج بسرعه عشان يستقر ووو ولا تجهزت زين واشياء ماقدر اسويها وكان المده بين الملكه والزواج 29 يوم فقط ، وكان فيه مكالمات بيننا واحلام ورديه ، جاء يوم الزواج وكانت ليله العمر لي وكان الزواج عائلي ( ماشرطنا عليهم زواج ولا خرابيط ) وجا واخذني ورحنا لمدينته مسكنا خط سفر بيوم الزواج وكان طبيعي وصلنا الفندق وكل شي تمام واليوم الثاني قمنا وتغدينا ورحنا لبيتنا وبرضو للحين تمام ورحنا المطار عشان رحلتنا ومن هنا بدت معاناتنا او ( معاناتي بالاخص) يوم دخلنا المطار الا الرجال كانه مبدل ساكت ولا كلمه ولا شي قلت للحين مااعرف ومنحرجين وسافرنا ووصلنا ونفس الشي واليوم الثاني طلعنا ونفس الشي وتجرأت وسألته قال فيني ضيقه بدون سبب احس مخنوق توقعت اهله فيهم شي قال لا ولا شي من الله انا خفت وفي غربه وانكسرت وقلت اذا تبي نرجع عادي وافق وحجز ورجعنا للرياض وقلت مايهمني الا انت مادام كذا نرجع يعني مافرحت في شهر عسل مثل البنات💔 بس قلت عشانه تعبان ورحنا مكه واعتمرنا وكنت مخبيه على اهلي وبدو يحسون وعلمتهم واعتمرنا والرجال نفس حالته ( انا مااعرفه من قبل بس مكالمات فتره الملكه ولا اعرف قبل شخصيته ولا عرفت اتصرف) ورجعنا بعدها للرياض ورحنا لبيتنا وحطني وراح لاخوه وبدو يودونه لمشايخ بعضهم قال مس وبعضهم قال عين قديمه وبعضهم نفس وووو ، الي حصل نفور ماعاد يبيني ولا يحط عينه بعيني وكره اهله ووظيفته ولا ياكل ولا يحلق ولا يبي احد ، قالو لي اهلي ارجعي والله يعوضك ورفضت اترك حياتي كذا يمكن يتغير شي وكنت معه في بيتنا كل واحد في مكان نفور جدا وكنت مره اجي لاهلي ومره لبيتي الين جاء رمضان واستخرت وقلت له طلقني ماعاد اقدر استحمل وراح لشيخ وقال تحسنت باقي شوي عارض فيك واهله خذو له اثر الناس وصار يكلمني ويقول باخذك وكانه رجال ثاني فرحت وقلت لاهلي برجع مع انهم عارضو واستخرت ورجعت وفعلا حصلته متحسن لكن فيه اشياء بسيطه لا وغضيت النظر عنها وصرت ادف نفسي معه وسافرو اهله ورحنا معهم وكان مايبي اقرب منه ولا اكلمه كل شي من بعيد احيانا ارحم نفسي احسه يذلني وكان دايم يسأل حملتي وو كان بيموت على الاطفال وكنت ادعي ربي ابيه يفرح رجعنا وجاء العيد ورحنا لاهله وعيدنا وجت الدوامات ورحنا لبيتنا وهنا كانت اخر شي صارحني بانه للحين تعبان وجالس يضغط على نفسه بس ماعاد يقدر وقال لي بالحرف انا مااستاهلك انا الله مبتليني انتي تستاهلين واحد احسن مني😭💔 وانا ماقصرت عليه فرق تعبه كنت صابره جدا جدا لدرجه احيانا احس اني مو متزوجه رسميين كانه مو زوجي اشياء تمنيتها بس ماصارت لي وبعدها قال انا صبرت وخلاص اه قلت انا الي صابره انت رجال تطلع من البيت بس انا اموت باليوم اكثر من مره كنت بس اشتغل لايسولف ولا ياكل معي ولا شي، هنا انا انفجرت لاني كنت ساكته 6 شهور كان يوديني لاهله وقدام الناس بس ديكور كنت اسكت عشان اهلي واهله اذا سألو اقول بخير وفي تحسن وبعدها قلت الحمدلله ماحملت لانها بتكون مشكله ثانيه ، اخذت اغراضي ورحت لاهلي وطلقني بهدوء وبعدها علم اهله الي فجعهم الخبر ( انا وللله الحمد من عائله مشهود لهم بالخير والسمعه الطيبه وابوي عاش وتوفى وكلن يذكره بالطيب وامي امرأه قليل مثلها ربتنا على مخافه الله اولا وعلى الاخلاق والادب ، ) فكنت ونعم لاهل الزوج كنت اعامل خالتي افضل من بناتها وللله الحمد دخلت وطلعت من عائلتهم بالذكر الحسن وسلفاتي يذكروني بالخير ويدعون لي ،، لكن انا الطلاق والي مريت فيه كسرني واتعبني انا مالي الا كم يوم من تطلقت ورغم اني انظلمت لكن مادعيت على طليقي لكن طاب خاطري منه ولا تعلقت فيه وادعي الله انه يجبر قلبي ويعوضني خير منه ( هذي قصتي احسها غصه في قلبي ودي اكتبها وابي اخذ تجاربكم متى افكر بالزواج لاني احب الاطفال ودي بطفل 😭💔احس حاليا مااقدر نفسيا افكر بالزواج مع اني اذا تزوجت ثانيه باذن الله بيكون في نظري اول زواج لاني ماحسيت بالزواج مع طليقي ابدا )

الله يجبر بخاطرك ,قدر الله وماشاء فعل ♡♡

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

انظلمتي بهالزواج وانتي مالك ذنب.. هذا قسمة ونصيب
أسأل الله أن يعوضك زوجاً خيراً منه

__________________

طعنة العدو تدمي الجسد،وطعنة الحبيب تدمي القلب

الله يعوضك ويرزقك بالزوج الصالح
عليك بالدعاء اللهم أجرني في مصيبتي وأخلف لي خيراًمنها في أوقات الاجابه
عن النبي- صلى الله عليه وسلم- أنه قال: (ما من عبد يصاب بمصيبة فيقول: إنا لله وإنا إليه راجعون، اللهم آجرني في مصيبتي وأخلف لي خيرا منها، إلا آجره الله في مصيبته وأخلف له خيرا منها)،

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

الحمدلله على ما كتب والله يعوضك خير هي صدمة الطلاق اذا جا نصيب طيب لا تترددي لازلت صغيرة ومرغوبة والحمدلله ليس لديك أطفال تجربة ومضت والقادم أجمل بأذن الله

لا حول و لا قوة الا بالله
........

__________________
أشهد أن لا إله إلا الله و أشهد أن محمدا رسول الله صلى الله عليه و سلم

أكثري من اللهم أجرني في مصيبتي وأخلف لي خيراً منها

قدر الله وماشاء فعل اقدار مكتوبه وابتلاء من الله لك ولطليقك ، الحين ارتاحي فتره واذا جاء متقدم لك اسألي عنه عدل واكثري من الاستخاره والاستغفار ، مادام فيه رب موجود فأبشري بكل خير .

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

عوضك الله خير

اولا توّك في الحياة صغيره .. وثاانيا كل امر. المؤمن خير .. الحمدلله ما تطلقتي وعندك بيبي والعشره طالت .. هنا يكون الالم صدق .. وهنا تقولين عذاب نفسي وهنا صدق صدق تقولين انا صبرت وبصبر واصلا مالك غير الصبر

لكن الحمدلله ربي طلعك من هالزواج باقل الخساير .. ايش يعني دخل عليك وتطلقتي والله اذا ربي رزقك بغيره يكون هالشخص ما مر عليك ابد وما تعرفين كيف عوض الله لك .. شي ممكن ما حلمتي فيه .. فقط احسني الظن بالله

وصدق ( حطي في بالك صفات معينه ربي بيعووضك فيها ووالله ربي ما يخيب .. ربي لطيييف جدا ورحيم )

والله تبين الصدق .. طليقك يوجع حاله انتي ان شالله ربي بيعوضك

حاليا ايش تسوين ..
1/ دليت للموضوع كامل .. اكذبي على نفسك لين تصدقين قولي ما اذكر اني اعرست 😂

ولا اشووفك ماسكه كل يوم وحده من الناس وقايله لها قصتك .. خلاص ستووووب للموضوع وخلي اهلك يسوون استوب انه مو مل احد يجي وتشرحون له الموضوع .. انتو اكيد شرحتوا لفئه من الناس خلاص هي كفيله ببث السالفه للمجتمع

اذا احد سألك قولي الحمدلله .. راح الله يعوضه ويعوضني خير. شفيه والله الولد فيه عين بس وانتهى واي احد يسولف قولي (خلاص انتهى )..
2/ اسمعي مقاطع باليوتيوب لمشايخه تحبينهم. مثلا انا احب. عمر عبدالكافي ومحمد الشنقيطين عن حسن الظن وعن الصبر وما الى ذلك
3/ عيشي دور البنت اللي تنتظر بكره وفيه حب جديد وامل جديد
4 / عيشي لحظات مارسي هواياتك .. رقص رسم ...
5/الناس تسررقهم البسمه والفرح والنفسيه الكويسه .. خلي كل هذي فيك واحضري مناسبات كثير
6 / اكسري رعب اني تطلقت .. عادي قوليها مره وثنتين وثلاث .. اللي في خاطرك وجواك بيحسونه الناس فحاولي يكون داخلك قوي راضي انه انا ربحانه من هالطلاق .. لان كل هذا يووصل من خلال نبره صوتك وانحناء ظهرك ونظرت عينك

7/يااا غاليتي هذا عمر حلووو تكسبينه بقربك من امك حاولي تبرينها وتجلسين معها

8 / صديقاتي كثير كثير والله اللي تطلقوا وبالعكس كانت لهم خييييييره بزواج افضل ولا اشياء كانت مستحيله وممنوعه وصارت مبااحه جدا

9 / كل ماضاق صدرك توضي وصلي ركعتين واشكي لله مثل ما سولفتي لنا سولفي له واشكي .. والله ما اتوقع بعد هالركعتين بتكون نفسيتك سيئه او تبين تشكين لاخد بعده

10/ قلتها وبرد اقولها .. انه لا تجعلين رتم جوك واااحد... ديني مثلا ولا رقص مثلا نوعي ودوري عن الاشياء المضحكه واضحكي ع ليها وادخلي جووو فيها


وربي يوووفقك ويششششرح صدرك وصدورنا

__________________
أعلل النفس بالآمال ارقبها .. ما أضيق العيش لولا فسحة الأمل

كلامك بلللللللسم😭😭😭😭😭💔💔💔💔