شوف أخوي

أكيد عندك في مكان العمل زملاء كثر

وأكيد عندك أكثر من واحد قريبين منك وايد

اختر واحد من الطيبين من زملائك

واحد تتوسم فيه الخير والصلاح

واحكيله القصه

واطلب منه ، عن طريق خواته أو حد من الحريم في عايلتهم

يسألون عن البنت


إذا كانت زينه

توكل على الله واخطبها


والله يكتب لك الخير دايم يا رب

نيالها مقدماً

ان شاء الله هيه من نصيبك

__________________

شوف ياحبيب الشعب
اول شي استخير الله
ثاني حاجه بالنسبه لسؤلك هل الدخول عفوي ام لا
فأقول لك انته كيف شفتها؟ هل تحس انها كانت في وضع اللإستعداد للنضرة المفاجئه اولا
يعني كانت لابسه حلو... ووو.. .يعني هذا رأي ويمكن يكون خطأ...وأنا برأيي الشخصي انها عفويه
وفيه حل جاااااامد
اشرط النضرة الشرعية للبنت اللي اختاروها اهلك وأصر على ذلك
واذا شفتها بعدين قارن بين الثنتين احتمال الثانيه تعجبك اكثر انت ماشفتها لحد الأن
وصلي استخارة والله يوفقك

اقتباس:

المشاركة الأصلية كتبت بواسطة خبرة78 اشرط النضرة الشرعية للبنت اللي اختاروها اهلك وأصر على ذلك واذا شفتها بعدين قارن بين الثنتين احتمال الثانيه تعجبك اكثر انت ماشفتها لحد الأن

مع احترامي الشديد اخي ...

لكن بنات الناس لسن بضاعة ليقلب الخاطب فيها ويتخير ايها أجمل ومن ثم يقرر ..

اختي الكريمه اسيل
النضرة الشرعية حاجه من الدين وامر بيها رسول الله صلى الله عليه وسلم
ثانيا الرجل نيته الزواج وليس للتسليه ومن حقه يشوف ويشوف ويفكر الف مره ويشوف مره ثانيه وثالثه اهم حاجه ان نيته تكون صادقه للزواج وليس للتسليه لانه كما قلتي بنات الناس مولعبه
وبعدين النضره الشرعيه هي لصالح البنت ايضا حتى يساعد البنت ايظا في اتخاذ قرارها
والنضرة الشرعيه اقول لصاحبنا مههههههههههههههممممه وانتبه تكون مثليقالوله مافيه قلنا خلاص مافيه مافيه
وبالأخيرماشفتها الافي يوم الزواج وبغيت اتصل بالشرطهاشكي لهم
ولما سألت زوجتي لما ذا لم يرضوا بأن اشوفها قبل الزواج قالت((ليش احنا طماطم بالسوق وإلاإيش عشان تبغى تشوف وتنقي اللي احسن))

اقتباس:

المشاركة الأصلية كتبت بواسطة خبرة78 اختي الكريمه اسيل النضرة الشرعية حاجه من الدين وامر بيها رسول الله صلى الله عليه وسلم ثانيا الرجل نيته الزواج وليس للتسليه ومن حقه يشوف ويشوف ويفكر الف مره ويشوف مره ثانيه وثالثه اهم حاجه ان نيته تكون صادقه للزواج وليس للتسليه لانه كما قلتي بنات الناس مولعبه وبعدين النضره الشرعيه هي لصالح البنت ايضا حتى يساعد البنت ايظا في اتخاذ قرارها والنضرة الشرعيه اقول لصاحبنا مههههههههههههههممممه وانتبه تكون مثليقالوله مافيه قلنا خلاص مافيه مافيه وبالأخيرماشفتها الافي يوم الزواج وبغيت اتصل بالشرطهاشكي لهم ولما سألت زوجتي لما ذا لم يرضوا بأن اشوفها قبل الزواج قالت((ليش احنا طماطم بالسوق وإلاإيش عشان تبغى تشوف وتنقي اللي احسن))

السلام عليكم أخي الكريم ..


كلامك صحيح ولا عليه غبار ..

أين اعتراضي إذن ؟؟؟


أعترض ان يقبل على النظرة الشرعية لأكثر من بنت في نفس الوقت ثم يختار ويتخير وكأنه في سوق ...


واخلاص النية يعني أن يرى الفتاة ... إن أعجبته أقبل عليها وان كان العكس انصرف عنها وبحث عن غيرها ...

بعد أن ينهي الأمر الأول ...



ولو أنا أعلم أني كفتاة في مجال استعراض ومقارنة مع فتاة أخرى فلن أقبل بذلك الرجل مهما عددت به من محاسن .... لأني لا أراها من المروءة ولا من الرجولة أن يتخير بين بنتين ويتقدم لخطبة اثنتين في نفس الوقت ..


شاكرة لك حسن ردك معتذرة للإشراف ولكن للتوضيح تم الرد ،،،

ياجماعة الخيريقول الرجال فتح الباب الخارجي وليس الداخلي هاذا يعني إن البنت كانت مسيره برى ومعها مفتاح البيت بعد وأخوها يوم جاب الشاي والقهوه كان شكله متغير يعني أخته دخلت علا أخوها وشرشحته بسبب الضيف الكريم ليش ما أتصلوا عليها وقالوا
لها عندنا زميل أخوك لاتجي من باب المجلس فشئ أكيد أخوهابينحرج من الرجال واللي يقول لاتقول لزميلك شفت أختك يا إخواني هومانط يطالعها داخل بيتها هيه دخلت عليه فجأه وأكيد الرجل نبض قلبه وقف وشئ أكيد إنه رجل ماله بالبنات ولا كان مافكر كل ذا التفكيرفيها وجاك ياسعد ماتمنى عموما أخونا العزيز لو أسرتها محافظه وناس أهل دين فأستخير وتوكل وأخطبها وصدقني مادامها أعجبتك بتعجبك إن شاءالله بالنظره الشرعيه وبالنسبه لسالفة دخلتها عليك تصير صارت معانا وحنا متزوجين بس العكس كنا منا أربع جارات وكان الوحده زوجها لجاه إستلام أومناوبه نروح عندها نجتمع ونسهر وناخذ راحتنا
وكان وقتهاماعندنا عيال إللي حامل واللي باقي توها عروس لا وبعدجالسيب نلعب أونووحماس كنا عند وحده زوجها عنده إستلام فقلنا خلاص خلينابمجلس الرجال ناخذ راحتنا كبير شويه وكانت النعال حقتنا وأنتوبكرامه من عند مدخل النساء سبحان الله زوجها مستلم توكل له زميله علا أساس زوج الحرمه يتوكل له فيما بعدبس ماتوكل له إلا بعد مضي أربع ساعات علا إستلام زوج جارتنا وحنا أخذنا راحتنا تعشينامع بعض وجبنا حلا وقهوه وشاي وجالسين مانروح من عندها إلا آذان الفجر نسليها ومنها نتجمع وإلا ماشفنا إلا الباب حق مجلس الرجال ينفك علا مصراعيه وحنا جالسين وإلا وزوج الحرمه يطالع ومتنح وزوجته تصيح حريم حريم وحنا بعد ما صحينا من الصدمه ياالله تلحق ماتلحق لاشيله ولاعبايه واللي نطت بالزوايه واللي خلف ستارة الكنب واللي بقيت جالسه مع زوجته علا الفرشه وبعدين أفاق من ذهوله وقال يوه والله حسبتكم بمجلس النساء ودار ظهره
وسكر باب المجلس وزوجته مسكينه جالسه تقول لنا والله يبنات مدري وش جابه الحين معليش أمسحوها بوجهي وحنا ذاك الوقت كل وحده تدور عبايتها
وعلا شقتها وصرنا مانسهر عندها حتي نتأكد إن زوجها موجاي وزياده نحط جركل ماء علا الباب علشان لوجاء مايمديه يفتح الباب و ماتتكرر سوا عندها أوعندأي وحده فينا فشئ طبيعي وإيش رأيك أخوي في بنت زميل أخوها كان بلمجلس وكان عندهم ام زميل أخوها جت تشوف البنت تبغاها لولدها جاب أمه عندهم وهيه فكرته راح الولد وتحسب بالمجلس أخوها بس علابالها صديقه جاب أمه وطلع وفي الحقيقه
أخوها أتصل عليه واحد وطلع مشوار والبنت دخلت المجلس كان الولد معه جريده يقرا ء فيها مغطيه وجهه والبنت دخلت عليه وتقوله أم زميلك هاذي جت تخطبني حق ولدها وكلمت أمي عن الموضوع وأنابصراحه بكمل دراستي ما أبغى أتزوج الحين والولد يتنحنح ويكح يبغاها تحس مافهمت شئ البنت قامت شبكة مسجل في المجلس وترقص والولد إنحشر لاقدر يصيح ولا ينزل الجريده من وجهه وهي تقوله وش فيك ماترد عليه ومطنشني وتترقص حتى وصلت عنده وتخطف الجريده من إيده إلا وهي الصاعقه الكبرى

طلع زميل أخوها ورجعت وافقت عليه وتم زواجهم ومبسوطين الحين فهاذا أكيد شئ عفوي وبدون قصد وإذا كنت واثق من زميلك وعارف إنه ماهو رجال عصبي وحمش فاتحه بالحقيقه وقوله يا خوي أنا يوم جيتك البيت وأخوك قلطني المجلس دخلت عليه بنت وقت روحت أخوك من عندي وتفاجأة بوجودي قدامها فانصرفت وأنت عارف أخوتنا وصداقتنا وأناماكنت أعرف إن عندك أخت ويوم شفتها صار نفسي نتوج صداقتنا بالنسب ونصير نسايب وتصير خال لعيالي بلمستقبل فبصراحه لوماعندك مانع حاب أتقدم لأختك هاذي علاسنة الله ورسوله
وأتمنا إني ماأكون أحرجتك بطلبي هاذا وبعدين هو لوعنده عدد من الأخوات بيتقصى ويسأل من دخلت المجلس علا الرجال وبيعرفها ويكلمها وإن كانت عنده أخت وحده فصلى الله وبارك مايبغى لها
كلام أنت إقنعه إنك شاري قربهم ونسبهم وإنه ماكان عندك خبر إن عنده خوات إلالما شفتها وقوله بصراحه تجرأت وطلبتك هاذا الطلب الحين نسأل الله أن يوفقك ويرزقك الزوجه الصالحه إن شاءالله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اولا الله يوفقك ويكتب لك الخير
اكثر من الدعاء وصلاة الاستخارهـ

وبعدين هاذي الحركه تسييييير كثييير واضن انها عفويهـ لانه راح يبان من طريقه الارتباك
ومااضن في اخ يقبل على اخته يشوفها صديقه بها الطريقه لو ايش يسير وبعدين انت تمدحه يعني اكيد انه انسان عنده غيره مو معقول متفق معاها مستحيييييييييل
وامكن الله عزوجل سخرها لك وبتكون من نصيبك بس لاتنسى تسال عليها وعلى اهلها اكثر

وبـــــالتوفيق

أهلاً بالجميع وعشرة مباركة عليكم وكل عام وأنتم بخير مقدماً

أما بخصوص موضوعي فقد طرأ الأربعاء نهاية الدوام بأن كلّمت زميلي بخصوص الزواج وصارحته بالموضوع بس ماقلت له ( أختك ) , قلت له وكان وجهي كذا يوم كنت عندكم دخلت فتاة ضيفه عندكم للمجلس بالغلط ( وفهمته الموضوع كامل ) وبعد إستخارة قررت أن أتقدم لها , فياليت تسعى لي بالموضوع وتشوف هل هي مخطوبة أم لا , وأنتظر ردك بعد الإجازة طبعاً أنا تعمدت أن يكون كلامي مع زميلي آخر يوم في الدوام حتى يكون عنده وقت كافي في الإجازة لمناقشة أهله بالموضوع , قال لي خير وعاد ماشاء الله زميلي مستحيل تعرف اللي بداخله وردة فعله دائماً تكون هادئة مهما كان الموضوع . أما أهلي فقد طلبت منهم تأجيل موضوع الزواج مؤقتاً حتى أسمع رد زميلي

دعواتكم بالتوفيق ودمتم في حفظ الرحمن

الله يكتبلك اللي فيه الخير

واسأل الله ان ييسر امرك لما هو فيه خير لك

متابعه موضوعك...

وان شاء الله نهايته نقدم لك التبريكات والتهاني:14::14:

مودتي