اليوم حدث تغير بسيط .. بدا يكلمني
لانه كان ساكت مثل ماانا ساكتة

اليوم .. يسالني وين جوتي الرياضة عشان بيطلع يلعب
فالليل تعالي سوي مساج
وشوي هاتي ماي

وتعاملي معاه ببرود ..


اباه يفكر شو اللي غيرني وشو اللي اريده و يرضيني .
ابا احس انه عضو فعال في علاقتنا .. خله يبذل جهد عشان ارد لطبيعتي
هو مستغرب اني مواصلة الزعل .. وبهالطريقة

اتوقع انه يبا يتقرب مني و ياخذ حقه .. وبعدها انسى الموضوع
لكن ينتظر وقت مناسب . بالغالب انام بعده او ننام بنفس الوقت واعطيه ظهري .. هو يبا اكون نايمة قبله و بيتقرب ..
هو بيحاول يلاقي طريقة لهالشي . للعلاقة

سيفييق اكثر .. لما استمر بتجاهلي له بعد ذلك ... هذه الجزئية لا استطيع توقع شي الآن لأنها تحدث لأول مرة

استمري على ما أنت عليه , وإذا طلب حقه فلا ترديه ولا تهجري فراشه
ولكنك لست مضطرة للتفاعل معه , وإن تكلم معك ردي عليه بقدر سؤاله فقط ببرود
أما التدليك ( المساج ) لا تفعليه له .

كيف أرفض المساج؟
سيغضب و ربما يغصبني

إذا لم تقللي تدليلك له ..
كيف سيشعر أنك هذه المرة جاده ومتضايقة منه أكثر من كل مره ؟
لاحظي أننا نتحدث عن أمر ثانوي وليس من واجباتك كزوجه .

هو اللي طلب .. و بالبداية ماطلت و تميت عالتلفون لكنه تم يكرر تعالي دلكي ريولي

دلكت شوي و هو قاعد مع التلفون وشوي و طلعت من الغرفة

و قبل ما ينام .. يقول تعالي دلكي عدل .. اول دلكتي شوي و رحتي ..
و ايد أدلك وايدي الثانية وعيوني على التلفون
قالي ركزي و لاحقةةعالتلفون .. بس ما سويت سالفة و نام

طيب شو اسوي
وكيف اتصرف اذا طلب ؟
بشكل عام .. ما بتواجد نهائي بالغرفة دام هو فيها

استمري بعدم التواجد معه بنفس الغرفة وقت استيقاظه
ولكن أؤكد على ألا تهجري فراشه ولا ترفضي حقه الشرعي , ولكن ببرود ورسميه
وإن طلب التدليك .. إذا لم تستطيعي الرفض , ماطلي قبل التجاوب ثم دلكيه بعدم اهتمام .

زوجك يحتاج منك أن تستمري بهذا التعامل لفترة من الزمن حتى يشعر أنك تغيرت جذريا
فهو لا زال يظن أنك كالسابق , ولم يستوعب بعد أنك في هذه المرة مختلفة عن كل مره
صبرا قليلا والله المستعان , فتغيير القناعات يحتاج بعض الوقت .

إن شاء الله .. سأستمر وأطبق كل كلامك

جزاك الله خيرا ..

متابع معك .

انت قلت تبا تشوفهم .. ورميت وما اعرف وين بينحطون



اعتذر عن ازعاجك بموضوعي
واخجل من شرح التفاصيل ...

تركت اليوم بنتي مع زوجي بالغرفة و طلعت .. من رديت الا البنت فاتحة الكبت ومطلعه الثياب و ابوها ممدد و عالتلفون ولا داري عنها

تنرفزت .. طلعت البنت ورديت الثياب و عفست كبته شوي .. صح حركة اطفال لكن مانفعني العقل خل اجرب خفة العقل

وقلتله.. بنتك تعفس وانت جالس

بعدها بديت ارتب الغرفة بنرفزة و كنت مطلعه من قبل فانيلتين لزوجي برميهم لاني اشوفهم مختربات

شلتهم و قلتله هالفانيلتين برميهم ... قال هاتي اشوفهم .. رميتهم عالسرير و بدون مااشوف لوين بالضبط ولا ركزت انهم فوقه
قال لي .. ليش تفرينهم علي ؟ قلته رميت وما حاسبت وين بينحطون .. وتم بسال ليش ترميهم ؟؟ وهذا التصرف شو .. قلة أدب
لازم تتربين ..

و اقوله .. تربيتي مب اختصاصك .. ما عجبتك تربيتي ردني للبيت اللي رباني .. ابوي هو المسؤول
ويقول لا الحين انتي مسؤوليتي

وفوق 5 مرات يسال ليش تفريتهم علي وانا مب اصغر عيالج
بصراحة اول ما كلمني .. كعاتي الهبلى لازم ابتسم وانااتكلم .. استغفر الله .. لكن بعدها حاولت اضبط نفسي

بالاخير قال .. اقوم اربيج ... ماعرف لو سكت او قلت براحتك او شو سويت
قام و قرصني فاذني بس مب وايد ..

وكملت مسلسل الصياح بعيد عنه

اول جملة ببالرد بالغلط .. اني اكتب من التلفون