مساء الخير اخواني الكرام اعضاء هذا المنتدى المبارك

مشكلتي ذات ابعاد كثيرة بحاول اختصرها

انا متزوج منذ سنتين ولم ارزق بأطفال حتى الان
زوجتي موظفه وانا موظف وكل واحد منا في مكان وانا تزوجتها على اساس اننا نجتمع في مكان واحد بحيث نطلب نقل كلنا


الحاصل انه من بداية الزواج حسيتها ماهي متقبلتني وحصل بيننا مشاكل
المهم انا ماعدت اقدر على هذا الوضع فقلت لابد تطلبين نقل على منطقتي ورفضت تبي منطقة اهلها

وهي حاليا ساكنه عند اهلها وتداوم من عندهم ورافضه النقل لمنطقتي

وانا متأكد ان اغلب مشاكلنا بسبب البعد

لكن هي رافضه

والحين محتار ومو مرتاح في وضعي وسكني لوحدي ماكأني متزوج

ويبي لي 6 سنوات اقل شي عشان ادخل منطقتنا اللي اهلي واهلها فيها


ماكنت اتوقع انها ترفض النقل ابدا


بالنسبه لوضعنا مع بعض انا احبها لجمالها لكن طباعها تكرهني فيها يعني احسها ماتتعب نفسها في شي عشاني الاول والاهم نفسها

تطلب مني مصروف واعطيها واحسها تبيني بس سواق واصرف عليها حتى الكلام الحلو بالقطاره يطلع منها.

مرات اقول انها مو متقبلتني
ومرات اقول انها جافه وطبيعتها كذا
ومرات اقول استغلالية وانانيه

ماامدح نفسي بس ماقصرت معاها بشي بشهادتها هي


المهم خيرتها بين اختيارين وكلمت اهلها

النقل او الطلاق

وانا تعمدت اخيرها عشان اشوف هي شاريتني وتستاهل اكمل معاها او
نختصر المشوار قبل يجي اطفال

مع الاسف رفضت النقل لكنها لم تطلب الطلاق


وانا افكر اطلقها لأني حاس انها بايعتني وتبي الطلاق يجي مني

والاحساس هذا ماجاء من فراغ

بل من اهمالها لي وعدم سؤالها عني الا وقت تبي شي


ايش رأيكم بناء على ماذكرت

كيف اتصرف

(تم تعديل العنوان ليتناسب مع المضمون)

اعترف انا في شخصيتي اشياء خطأ

يعني مو مرح او فكاهي ولا وسيم
وثقتي في نفسي معدومه
واحيانا مااعرف اتصرف

لكن الحمد لله الناس يقولون انت انسان طيب وفيك خير

وكريم معاها ومع غيرها

مالي فالخراب ولا البنات

ماسك خيري وشري

ملاحظة / كان فيه شوفه شرعيه وهي وافقت بعد الشوفه

ارى ان تعود لفتح الموضوع معها مره اخرى
وأخبرها ان الأصل في الزواج السكن وان حياتك الحالية فيها عدم استقرار وعدم تحقيق مطالب الزواج بالشكل المفروض وأعطها مهله أسبوع تفكر في الموضوع وتأخذ رأي مستشارين أسريين وليس رأي صديقتها فلأنه
وبعد ذلك ان رفضت اخبرها
انك مضطر آلى ان تخبر اهلها لأنك لم تصل معها لحل
وان الزوجه في هذه الحاله مقصرة ومع احترامي تحابي مصلحتها على مصلحة الزواج
عموما بعد ما تخبر اهلها ربما يؤثرون فيها ويفتحون عيونها على انها غلطانه

الله يصلح اموركم

خذ أجازة اذا بالأمكان طويلة شوي وسافر لها وعش معها في سكن خاص وكلمها وليه رافضة المنطقة اللي انت فيها
هي مدينة والا هجرة ، أسباب الرفض تتخلص في ايش بالضبط

لا تحكي عن نفسك بهالسلبية وتعّزز هالشي فيك ، انت رجل وكريم وان لم تكن وسيم في نظر نفسك غيرك
يشوفك مقبول ويشوف شي انت ما تلحظه في نفسك ، وخلق الله حسن والحمدلله.
وخلك واثق من نفسك قدامها على وجه الخصوص.

الله يهديها .

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

اولا: الله يصلح الامر و يعين
ثانيا: انت لما خطبتها قايل لها عن النقل !
ولا تستعجل بالطلاق
هو يكون اخر حل لما ما تبقى حلول وغلطت لما خليته اول حل
تقدر تكلمها وتسالها ولا تخلي الظنون تلعب فيك فهي فجوه يغتنمها الشيطان ويكبر المواضيع ويخليك تظن ماليس موجود
كلمها قول لها انها فتره وماراح نعيش العمر كله هنا
ونرجع وخلها تاخذ اجازه و تجيك تجرب الوضع ..
وترا صعععععبه جدا البعد عن الاهل واسالني انا انا اموت الف مره عشاني بعيده عنهم
الله يجمعني معهم على خير

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

انا مستغرب من هالبنات يتزوجون
واخرتها ابي اهلي حتي الزوج يبي
اهلة بعد بس يصبر ويقدر ان عندة زوجة ومسؤل عنها ...المفروض الي تبي اهلها
ولا تقوى على بعدهم لاتوهق عيال
الناس بزوج وتجلس عند اهلها

اخي الحياة الزوجية استقرار وسكن
ووجود زوجين تحت سقف واحد
وفراش واحد وسفرة واحدة هذا هوا
الاسقرار
ماهو الزوج بجهه والزوجة بجهه
اولا لاتحرص على الاطفال في الوقت الحاضر حتى يتم النقل
ويستقر الحال
تكلم معها بالين عن هذا الموضوع
وان رايت منها رفض وعدم تقبل
تكلم مع اهلها واذا لم تجد حل
اتركها في بيت اهلها ولا تسئل عنها وخلك حازم في هذ الموضوع
يعني لاقبل بغير النقل ...حتي تعرف الخطى من الصواب

__________________
سبحان الله وبحمده سبحان الله العظيم

تدرج معها كما امر القرآن ...

__________________
أشهد أن لا إله إلا الله و أشهد أن محمدا رسول الله صلى الله عليه و سلم

يا اختي لوفتي
اكثر الحريم عندنا اخذين الزواج من باب التجربة
وليس من باب المسؤلية وهذا مارفع نسب
الطلاق لدينا نقص بثقافة والجهل سيد الموقف
والضحية الزوج

__________________
سبحان الله وبحمده سبحان الله العظيم

الحين هي لما ماوافقت عالنقل
انت حسيت انها بايعتك وماتبيك
طيب خلي نفسك مكانها
تلاقيها تقول: هو بايعني
من اول خلاف على طول تهدد بالطلاق!
امرك غريب
تبغاها تترك عملها واهلها وتروح مع واحد مستهتر بالطلاق!


كان بامكانك تهددها انك ماتصرف ولا ريال
او انك تقطعها شهر وماتكلمها ابد
اي شي.. الا الطلاق


اقرأ عن احتياجات الزوجة
ترى اول شي: الامان
المرأه اذا حست معك بالامان بتبيع الكل عشانك


ماكان الرفق في شي الا زانه

هي لماذا لا تريد النقل لمنطقتك؟؟
وكيف سيكون الامر بالنسبة لوظيفتها؟
تحاور معها اكثر. و بين حزنك
ثم بين غضبك.

__________________