السلام عليكم
مشكلتي اني الزوجه الثانيه وزوجي مسكني عند بيت اهله يعني طلعتي ودخلتي محسوبه لاوفوقهاااا يوم انا اطبخ يوم زوجة حماي تتطبخ مع ان البيت متروس خدم بس اعناد وبعدلازم كل يوم انزل تحت ومشكلتي انا مواجتماعيه بالمره اما المدام>>زوجة الاولى حاطلها سكن عند اهلهااامالهاخص بأهله واوامرهم وهذا غير تدخل اهله بخصوصياتنايعني من نتهاوش البيت كله عرف و الصراحه من تزوجت وانا عايشه بضغط نفسي كون زوجي خليجي وانا عايشه معاه ببلاده احس تغير علي الوضع بس قلت لخاطر عين تكرم مدينه اما زوجي من اخذني واحسه متعلق بزوجته مع انه قبل الزواج ماخلى عيب ماحطه فيها.......
المهم بدت تشتغل عندي الغيره صار اذا جاء يومي يشتغل المسج معاها وبدى زوجي يهتم فيهاا اكثر من قبل بشهادة اهله وانا صرت اذا جا يومي اخلصه كله بمناجر والسبب حركاتها ((مسج...تأخره عندها بيومي..الخ)) وعلى اتفه الاسباب اطلب الطلاق والله احس في شي يخليني اثور بشكل موطبيعي انا بالاساس عصبيه بس موجذي اقول اخاف انا فيني مس او سحر او عين لان احس من اتضايق معاه شي يخليني بحاله موطبيعه
بس هو الله يهديه يستفزني مثلا اليوم الدفايات الكهرباء حق شقتي طلعوا من مخلفات زوجة الاولى لا وطلعت القعده مالت الصاله حقها بعد صج قهرررررر
يعني والله شي يعصب بس مشكلتي افقد اعصابي ما اعرف اتعامل مع الموقف انا اكون على صح بس من اعصب اقلب الموضوع علي واصير انا الغلطانه ساعدوني والله راح ينخرب بيتي والسبب عصبيتي ماني عارفه شنو اسوي عايشه بضغط نفسي فظييييييييييييييع

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))

أختي كويتيه كيف حالك وكيف حال عروستك الصغيره إن شاء الله طيبه أشتقنا لكم واجد نرجع لموضوعك ياحبيبتي أنا عندي بعض ا لأسئله لوتكرمتي
تجاوبيني عليهاأولا أنت يوم تزوجتي كان لك عليه شروط بأن يضع لك بيت لحالك وينفق عليك وأي شئ يعطيه زوجته يعطيك مثلها أم إنك تزوجتيه بدون شروط وتنازلتي عن حقوقك من بيت وأثاث وماخلافه وإيش كانت شروطك عليه يوم تزوجتيه جاوبي وإن شاء الله لي رجعه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ياعمري الله يعينك من جد شئ يعصب بس انتي لازم تأقلمين نفسك مع وضعه كون انك اخذتيه وعارفه انه متزوج يعني دايمن اقنعي نفسك وقولي هذا واجب عليه يعدل بيننا ومن كلامك بصراحه عرفت ان زوجك سعودي خخخخ >>>لأن هذا طبايعنا سكن عند الاهل والطبخ يوم بيوم لحريم العيال
وحاولي قدر الامكان تسوين اشياء تخليه ينجذب لك اكثر وترى الرجال ينجذب دايما للزوجه الاهدى

هدي وضعك شوي ياقلبي وحطي اعصابك بالفريزر


وبعدين عندي تعليق للرجال ليش الواحد يتزوج على ام عياله ويشوفها شيطان قدامه ويحط فيها ومن عقب ما يتزوج غيرها كأنه يعرف قدرها ويرجع يحبها من جديد وبنت الناس الجديده تاكلها

السلام عليكم شكرا على ردودكم
بنت الحكمي شخبارج اختي وشلونج؟؟؟؟
ابشرج سويره زينه بس ذابحتها سنونهااا عمرهااا 6اشهر الله يحفظها لي
انا شرطت من البدايه اني ابي بيت شرعي لي بس كون زوجي موببلادي قالي راح اخذلج شقه قريبه لاهلي لان اخاف عليج وبعدين تطور الوضع لحد ماوصلنا لشفه بوسط بيت اهله يعني دخولي وخروجي جدامهم صدمني بالموضوع هذا قبل عرسنا باسبوعيناما من ناحية المصروف انا عندي معاش يكفيني وماالزمته بشي بس هو شوي بخيل ومتحمله

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))

هلا باختي يمك دروبي وشكرا على مرورج
صح سعودي
ان شاء الله باخذج بنصيحتج بس والله اعصابي بالاساس تعبانه يعني والله موبيدي اني اكون جذي وانا عارفه انه متزوج بس الي انصدمت فيه انه ملتزم بس موعادل وعموما الله يساعدني وشكرا على مرورج

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))

اهلا اختي والله يخلي ليك بنوتك والله يخفف عنها الم التسنين يا رب
انا دائما اكون ضد الزواج المتعدد بس صراحة حالتك اثرت فيني لانه احسك تنقهرين
اقول اختي حاولي انك تخففي عصبيتك لانه مو بصالحك( رغم انه الكلام اسهل بيكون من الفعل )رغم انه الظروف اللي انت فيها بتعصب اصلا بس عشان المركب يمشي لازم تصبري
وبعدين ليش ماتحاولي تفهمي زوجك الشغلات اللي انت ماتحبيها ما يسويها زي المسجات اللي زوجته تدزها له مثلا لما يكون يومك معاه يطفي التليفون
وحاولي حبيبتي انك تكسبيه ليك لانه ادا ما سويتي كده راح تخسريه

__________________
[img]http://im9.***********/2011-08-29/1314659490971.gif[/img]
اللهم اكتب لنا حجة او عمرة يارب

الله يكون بعونك كويتيه
عليكي بالصبر وبالصبر والدعاء ربك ما يخيب رجاء عبده
تناقشي معاه حاوريه بهدوء عشان السفينه تمشي
العصبيه عمرها ما رفعت بيت
الله يصبرك ويوفقك يارب
تحياتــــي

شكرا اختي نونو4 على النصيحه والله يجزاج خير

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))

صمتي هوايه شكرا اختي الكريمه على الرد والله يجزاج خير

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))