ضغطني حتى انفجرت فيه حلت رد52 - الصفحة 3 - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
قديم 20-03-2017, 12:38 AM
  #21
غرناطة
عضو نشيط جدا
تاريخ التسجيل: Jan 2015
المشاركات: 254
غرناطة غير متصل  
رد: ضغطني حتى انفجرت فيه

على طول فتره زواجكم ماعرفتي وش الاشياء اللي تنرفزه؟
لما غرفتي المكرونه ماحسيتي بقلبك إن التصرف غلط؟ وإنه بيستفز؟
برضو لما قال النكته فشلتيه أعرف إنك تتألمين لكن لو كنت مع صديقتك مثلا كنت بتتصرفين نفس التصرف؟

الغلط مو عليك لكن أنت اللي موجوده ونحاول ننبهك لحاجات تخلي حياتكم أحلى
قديم 20-03-2017, 04:38 AM
  #22
Rudi
موقوف
تاريخ التسجيل: Apr 2015
المشاركات: 857
Rudi غير متصل  
رد: ضغطني حتى انفجرت فيه

اي علاقة في الحياة لازم فيه طرف يضحي و يتنازل

خلاص كوني انتي المتنازلة و حتى لو تنرفز عليك اعتبري ان ما حصل شيء
و ادمحي الزلات و مع الوقت بتكون علاقتكم مثل الاخوان والخوات في التعامل مع اخطاء بعضهم البعض
يعني تعصبون ع بعض و ترجعون طبيعي بدون طاري طلاق و قلة احترام و مدري وشو

أساسا الحياة الرسمية مملة جدًا

مثل لما أرسلتي اعتذار انك ما ضحكتي احس ما له داعي
كان جيتي له بعدها و ضحكتي ولطفتي الجو و قلتي ان امس أخلاقك قافلة من وجع الضرس و اللحين يا رب لك الحمد ارتحت



لا تكن قاسيًا فتكسر و لا لينًا فتعصر

انتي قاسية و ماشيه مثل الألف
خليك مرنة
قديم 20-03-2017, 06:39 AM
  #23
تركتك لله
عضو نشيط جدا
تاريخ التسجيل: Feb 2017
المشاركات: 401
تركتك لله غير متصل  
رد: ضغطني حتى انفجرت فيه

يمكن ماقدرت اوضح مشكلتي صح
كاتبه بالموضوع اني تغاضيت عن تصرفاته
لانه يرمي كلام من رجعت له
وانا مطنشه عشان المركب يمشي
ولانه التزم باهم الشروط

قصه ليه ماضحكت عالنكته السخيفه
فأنا بشر وهذا زوجي
مافيها شي لو قلت تعبانه مالي مزاج
وفعليا الم الضرس يتعب الفك
فحتى الضحك مو على كيفنا
والمريض عذره معه
ولاني اعرفه يعمل من الحبه قبه
راضيته ثاني يوم وطنشني
وبدا مسلسل قله الادب معي
وكأني عدوه مو زوجه

كلامه جارح جدا وتعامله --
وانا اقابل تصرفاته بهدوء وابتسامه
قام يزيد
ويزيد
ويزيد
لحد ما انفجرت امس
هنا هو رووووق وانبسسسسط
ورجع لموال: ظهرتي على حقيقتك
وكنتي تتصنعي الطيبه

وانا تشبعت من القهر والنفور
ما اشوفه رجل.. طفل..
ولا هو جدير بالصبر والاحترام


اللي يقولوا كان ماكتمتي
انا كنت مترفعه عن صغر عقله
ومطنشه تفاهاته ومتغافله عن --
لحد ما زودها جدا معي
اتق شر الحليم اذا غضب


اذا حتى اطفالي الصغار يهزءهم قدامي
ويقول لبنتي: ----
وهو عارف اموووت ولحد يقول كذا لعيالي
وكنت كاتمه وساكته ما ابي مشاكل
وحتى لما طلبت اتكلم معه بالغرفه
كان بنيتي اسأله الى متى الوضع كذا
شفته --- يقول انقلعي ما ابي اكلمك
ورجع --- الاسلوب اللي تركته بسببه
وكلام عيال الشوارع التشيب
فانفجرت فيه
ونمت وقمت وانا مقهوره منه
الى حد الان


كلامي عن الطلاق ورجعتي لاهلي
حتى يفوق على نفسه
ويتذكر كيف تمرمط حتى يرجعني
والحين يهيني بالايام بدون سبب
قلت له اذا مو قادر تحترمني
رجعني لبيت العز اللي كنت فيه
وخليك انت مع اوهامك و--- لسانك


انا ما مر علي بالعالم واحد كذا
يزعل من ولا شي
ويصر يطوووووول الخصام
كتبت بموضوعي كذا مره صدني
واستحي اتعمق بالتفاصيل
بس حتى لما اجلس جنبه واقرب
يبعد ويقول وخري عنه بنرفزه
واكمل قهوتي بهدوء
ما كأني اسمع
وحركات كثيره --- منه
وقبل اروح لاهلي اقول له
ما ابي اروح واحنا متزاعلين
قال كولي.... !!
ما ابي اسمع صوتك

التعديل الأخير تم بواسطة ويبقى الحنين ; 20-03-2017 الساعة 10:17 AM
قديم 20-03-2017, 07:08 AM
  #24
تركتك لله
عضو نشيط جدا
تاريخ التسجيل: Feb 2017
المشاركات: 401
تركتك لله غير متصل  
رد: ضغطني حتى انفجرت فيه

انا ما كنت ساكته على تصرفاته ضعف
ولا خوف منه
كنت ساكته تقديرا له
انتظر يطيح اللي برأسه وخلاص
حتى الشغله اللي هو ظلمني فيها
سامحته لوجه الله
رغم انه اخطأ علي باتهام كذب
واتضحت الحقيقة قدامه وطنش وراح
حتى كلمة تطيب خاطري ما قال

سكوتي لاني حبيت نتجاوز هالاسبوع
وكنت مفكرة اعاتبه بوقت صفاء
بعد أسبوعين ثلاثة شهر
المهم اعاتبه بعدين واحنا رايقين
مو وقت الخصام ازيد النار حطب
لانه قاطعني وهجرني وتلفظ علي من ولا شي


كان اكبر طموحه اطلع عن اتزاني
وافقد السيطره على اعصابي
هذا الشي مو قادرة افهمه
ولا اعرف هل فيه رجال بالعالم مثله؟
ينقهرون اذا الزوجة تغاضت عن--
ويضغطونها لحد ما تنفجر عليهم


طبعا المسلسل ما انتهى
بتبدأ حلقات الحرب الحقيقية اليوم
بيرفع هو درجة الاستنفار
بحجة انو صار معه حجة يزعل
لاني عصبت عليه وطلب الطلاق
بس -----
اقلها لقى سبب يزعل عشانه
مو زعلان بالايام من ولا شيء


المحزن بالموضوع
انا فعلا قدرته واحترمته
بس بعد سلوكه تغيرت نظرتي
رجعت ----واستصغره
هو رجعني لدائرة انا تشافيت منها
رجعت انظر له انه ---------

التعديل الأخير تم بواسطة ويبقى الحنين ; 20-03-2017 الساعة 10:11 AM
قديم 20-03-2017, 07:31 AM
  #25
تركتك لله
عضو نشيط جدا
تاريخ التسجيل: Feb 2017
المشاركات: 401
تركتك لله غير متصل  
رد: ضغطني حتى انفجرت فيه

حسبي الله ونعم الوكيل

التعديل الأخير تم بواسطة تركتك لله ; 20-03-2017 الساعة 07:40 AM
قديم 20-03-2017, 07:43 AM
  #26
ملكة غاليها..
عضو نشيط جدا
تاريخ التسجيل: Mar 2015
المشاركات: 558
ملكة غاليها.. غير متصل  
رد: ضغطني حتى انفجرت فيه

اسأل الله ان يصلح شأنكم كله
وان يصلح ذات بينكم
اختي حتى الصبر على سوء الخلق له اجر عند الله
__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما
قديم 20-03-2017, 07:44 AM
  #27
تركتك لله
عضو نشيط جدا
تاريخ التسجيل: Feb 2017
المشاركات: 401
تركتك لله غير متصل  
رد: ضغطني حتى انفجرت فيه

اقتباس:
المشاركة الأصلية كتبت بواسطة غرناطة مشاهدة المشاركة
على طول فتره زواجكم ماعرفتي وش الاشياء اللي تنرفزه؟
لما غرفتي المكرونه ماحسيتي بقلبك إن التصرف غلط؟ وإنه بيستفز؟
اقسم بالله العلي العظيم
ماتوقعت بيزعل
لاني شاورته تبي تأكل.. قال بعدين
ولأنه متعود يتعشى بعد العشرة
ولأني دائما اغرف لعيالي بدري
بس ذوقيا سألته.. وهو كان ناوي شر وبس
اقتباس:

برضو لما قال النكته فشلتيه أعرف إنك تتألمين لكن لو كنت مع صديقتك مثلا كنت بتتصرفين نفس التصرف؟
اقسم بالله العلي العظيم كنت بتصرف نفس التصرف
وعلى فكرة
ترى قلت: حبيبي بليز مالي خلق تعبانه
وهو زي الأطفال قال هذا جزاي بخفف عنك
وقام وتركني.. كأني سابته
هذا الموقف التافه صار قبل اسبووووووووع
قديم 20-03-2017, 07:50 AM
  #28
تركتك لله
عضو نشيط جدا
تاريخ التسجيل: Feb 2017
المشاركات: 401
تركتك لله غير متصل  
رد: ضغطني حتى انفجرت فيه

اقتباس:
المشاركة الأصلية كتبت بواسطة Rudi مشاهدة المشاركة

انتي قاسية و ماشيه مثل الألف
وين مكان قسوتي؟
لما اتشرشح بالايام
واتهم زور اني طلعت بالليل لحالي
ويسبني ويهددني يتزوج علي
بسبه ظن خاطئ
ولما يكتشف ان اللي طلعت اختي مو انا
يقول طيب.. ويمشي
وانا ابلعها واسكت
بدون ما يبرر سوء ظنه فيني
وبعدها بيوم يمرمط فيني الأرض
والى البارح وهو يهاوشني
قلت له بالصريح ما تبيني رجعني لاهلي
امساك بمعروف او تسريح باحسان
ام سب وافتراء وتجني.. لا ستوب
يعني كذا انا قاسيه! سبحان الله
قديم 20-03-2017, 07:53 AM
  #29
تركتك لله
عضو نشيط جدا
تاريخ التسجيل: Feb 2017
المشاركات: 401
تركتك لله غير متصل  
رد: ضغطني حتى انفجرت فيه

اقتباس:
المشاركة الأصلية كتبت بواسطة إستنكار مشاهدة المشاركة
الحمد لله على العافية
ماوجع الا وجع الضرس انا حسيت بكل اللي تحسين فيه ويمكن اكثر عصب و خلع و لثة
بس هو نيته ينسيك يعني زين حس فيك و انتي كأنك تقولين لو سمحت ماني رايقة لك
فحس بالاهانة
كان جاملتي او اعتذرتي بلطف
اعتذرت بلطف
ورجعت بعدها ثاني يوم اعتذرت بلطف
شفته شايط علي
قلت يا بنت اتركيه يدخل كهفه (زي مايقولون)
وعطيه مساحته الخاصه.. لا تضغطي عليه
واتركه أسبوع كامل
واشوفه امس زايد العيار علي
ولسى بالويك اند متهمني زور وطنشت
ايش باقي اكثر
كان لازم اوقفه عند حده
وللحين ناري ما بردت
ودي الم عفشي واروح لاهلي
بس ما ابي استعجل
قديم 20-03-2017, 07:56 AM
  #30
تركتك لله
عضو نشيط جدا
تاريخ التسجيل: Feb 2017
المشاركات: 401
تركتك لله غير متصل  
رد: ضغطني حتى انفجرت فيه

اقتباس:
المشاركة الأصلية كتبت بواسطة تحملتك كفاية مشاهدة المشاركة
لا تكتمي الغيض وتجمعي المواقف وتنفجري فجأه هذا تصرف لاتحمد عقباه

اذا عدت على خير هالمرة لان شياطينك طلعوا المرة الجاية شياطينك وشياطينه يتقابلون وهم اللي بيرقصون لكم ويطقون اصبع بعد

اهدي وتعاملي مع كل موقف على حده دعى عليك بالامراض تكلمي بهالموضوع مباشرة معاه لاتكتمينه تلفظ عليك بكلام غير محبب تكلمي معاه ان هالكلام عيب تقوله لي انا زوجتك وام عيالك

سؤال هل تقولين له زوجي الحبيب مجامله فقط او تقصدينها فعلا وتحبين زوجك وابو عيالك ؟

مازلتوا كما انتم في نفس الدائرة عادت الاحداث نفسها يتكلم احيانا وانتي تردين احيانا بعكس ماكان يتوقع يصغر عقله ويزعل ويردها لك وينرفزك وانتي تكتمين وهو ينقهر انه مانرفزك فيزيد الجرعات ويزيد ويزيد وانتي تفقدين السيطرة وتنفجرين بوجهه هو يهدأ انه وصل لمراده كأنها حلبة مو منزل

هالسيناريو لازم يتغير كيف ماادري
اللي بالاحمر يشخص الحاله
هذا واحد مايبي هدوء ولا استقرار
ما ادري ايش يبغى بالضبط !!!
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:13 PM.


images