|
الله ييسر امورك ويسهلها .. زوجك مقصر بكل النواحي .. والمفروض انه يعدل حتى لو كانت هي بمكان وانتي بمكان القلب مايقدر احد يتحكم فيه , لكن العقل عقل , والحق حق واللي صاير محد يرضاه , الزواج الثاني شي يهز الزوجه والبيت هز فما بالك لو كان الزوج مقصر وساحب على زوجته اللي اشوفه ان زوجك طاف بالزوجة الثانيه , كحال كثير من الازواج ويبي يفتك باقرب وقت , والصحيح انه بعد فتره بيمل منها زي اغلب الازواج وبيرجع لك وكله ندم وشوق , اللي صاير محد يرضاه ولا يتقبله ودخول ابوك مافيه شي , لكن اختيارك بالوقت ماكان مناسب لانه كان لسى بيمشي ومزاجه ماكان رايق , الاكيد انه مارح ياخذ ويعطي مع ابوك بالطريقه اللي انتي تبينها وماينفع تهددين بالطلاق لانه يحتريها من الله وانتي ماتبين الطلاق انا اشوف انك معد تنشبين لاتقولين ليه تجلس وليه ماتعدل لاتجيبين طاري انك راغبه فيه نهائيا وتبيني انك متعلقه فيه , ومو صح ولا معقوله ان جلسته تصير بفلوس هو لو يبيكم بيجلس لوه مطفر وجيوبه فاضيه ,, انا اقول اسحببببببببببي عليه افصلي قلبك عنه تماما وبنفس الوقت عطيه حقه , لاتدقين كثير لا تلصقين لا تنشبين اذا جا قومي بواجبك وتزيني وجهزي له كل اللي يبي بدون شغف بدون حب بدون قرب بزيادة , لا يلقى عليك شي ووهو صدقيني بيشتاق مع الوقت , للاسف هو منعمي بالزوجة الثانية ومو قاعد يشوفك اللحين , لكن مو معناته ان ايامك السابقه ماكانت حلوة معك واذا مافاد معه شي , وقتها لها الف حل والف تفسير نصيحتي خليه هالفتره لانك مشحونه وهو مبرد يمكن تتشاحنون وومكن يطلق .. ومارح تستفيدين شي لانه مو فاهم ولا مستوعب انه مقصر فا الحل اشوف انك تبعدين عنه عاطفيا زي ماهو يبعد لين يشتاق ووقتها فيها الف حلال الله يعينكم وييسر اموركم ويسلها من عنده لاتخافين فيه غيرك مشاكلهم اسوا وافضع وانحلت ورجعت الامور الى طبيعتها وافضل |
ياعمري انتي
شكلك ماقريتي موضوعي تمام ماركزتي اني ازعل من سيرة الطلاق واللي جابها هو مو أنا دائما تخطر على باله انا ماتجي ببالي ومراعيه انا فيه عيال.. وعلى فكره انا الزوجه الثانيه |
انا فقط قرات هالموضوع ماكان واضح انك الزوجة الثانية
لكن كلامي نفسه , وارجع اقول لك انه مقصر قلبا وقالبا ومو من حقه انه يحدد , الحق انه ينصف قد مايقدر وانتم بينكم اطفال يعني ماكانت نزوه وقت وخلاص المفروض يكون قدها , حاليا مالك الا الصبر لان أي كلام بينكم بيكون ضايع ومارح يسمعه لكن لابد من التفاهم ماينفع تستسلمي عالوضع لكن الحين مااتوقع ينفع معه لا كلام ولا تفاهم لان راسه راكبه وطفشان اصبري عليه واذا حسيتي بوقت هو رايق وهادىء والامور مستتبه بينكم لازم تكلمينه , ودخول ابوك بالموضوع يبدو انه مااعجبه فا الافضل انك ما تدخلين الاهل بينكم حاولي تحلينها بينكم , الامر يحتاج الى صبر والله يعينك ويصبرك صراحه موقف يقهر هالوقت ادعي واستخيري وتصدقي لعلها تتيسر من عنده |
مكالمة وحده لاترفعين الجوال عليه ابد ابد .... بس في حالة الاولاد بيكلمونه ومش دائما ... الامر الاخر ارخصتي نفسك كثير ايش اللي ادفعلك وتجلس عندي ... بايعة نفسك انت .. والرجال مايحبون ابد هذا النوع .... لاتنزلين نفسك وخليك قويه بشخصيتك ...بتجلس هذا بيتك ...بتروح مع الف سلامة... عيشي حياتك انت واولادك ... بيرجع لك بس بالتغلي منك مو برمي نفسك عليه .... الوقت اللي قبل يجي عندك ...جهزي كل الاطباق اللي تفتح النفس وحطيهم بالثلاجة ... بحيث تكونين فاضية له .... ولعلمك عندي صحبات كثير وهم ماعند ازواجهم الا زوجة وحده يمكن ماتشوفه الا بالاسبوع مره ... مثل حالتك وكثير بسبب عمل ازواجهم... اعتبريه بعمل بشغل وشهر وينتهي ... ومع مرور الايام بيشتاقلك ويجي من نفسه .... ماراح اقسى عليك لو انا مكان زوجك طبيعي ببنفر ومااحب اي شخص يتلزق فيني ....
|
اظن الاخت ابتسامة هي الزوجة الثانية
زوجك مو قد التعدد وانت عزيزتي ان كنت لا تريدين الطلاق لا تظغطين عليه لانه اما خايف من ام العيال او انه تورط في هذا الزواج فنصيحتي لك لا تشحذينه حقوقك ان لم يقدمها بطيب نفس ايش لي تدفعين له عشاق يبقى يومين زيادة وهو يرفض خليك منه ولا تكلمينه حتى يدق عليك لانه يظهر انه مضغوط كثير واهتمي بنفسك واولادك ولما يجي عندك وتقبلي وضعك وقللي من الشكوى واجعلي بيتك جنة وخليه يتعلق باولاده لانهم سلاحك الاقوى هذا ان كنت لا تريدين الطلاق اما ان تعبت ونفسيتك تاثرت فاستخيري في امرك لانه في الوقت الحالي يبدو انه لن يتغير والله يدلك للخير ويريح بالك |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|