ياخوي أللحين أنسى زوجتك وطليقتك شوي والله قطعت فيهم وأغتبتهم الين قلت آمين

بصراحه المشكله اللي يبيلها حل هو أنت 00

أذا قدرت تغير من نفسك وأفكارك 000

مشاكلك بتنحل000

أخوي أنت تحب ومولع بالاولى

لاتحاول تنكر هالشي!!

أو تكابر والله لو ماتحبها وتكرهها مثل ماتقول كان ماجبت طاريها بنوب

أغلب مواضيعك عنها وتذكرها كثير

نعيد ونكرر لك نفس السؤال فيه مجال ترجعها؟؟

اذا فيه رجعها حتدلل بين الثنتين 00

ويمكن الاولى تكون سبب لتقريب الثانيه من قلبك 0

__________________
(سيدة الموقف)
لم ننساك ونسأل الله ان تكوني أنتي وأولادك بخير

معليش اخوي تحملهم ياربيه كلكم ماحد عطاه وجه انصحوه خذو بيدة موحرام عليك واتق الله هذ حبببببببببببببببب ماحبها الحب من الله حاول انك تنسى الاولى انشغل باي شي كعمل اضافي او دورات او كتب تفيدك بحياتك

فية كتاب اسمه لغة الجسد ل باربارا

بعدين تفائل بالحياة لاتحطم نفسك اناماني حابها انا وانا بعدين شكلكم علاقتكم جسد وطلبات وااوامر الزواج علاقات بكل شي خل بينكم حوار عن اي شي دائما ودعها وخلها تستقبلك اطلب منها تتعلم انها لك وانت لها فقط كثر جلوسك معها لااتطلع من البيت كثير حتى تكون دخلت قلبك
يقول المثل (كثرة الدق يفك اللحام) لاتهرب من علاقتكم ابد ترى كثرة هروبك يوقعك باشياء ثانية بحث عن المفقود لاتفكر بالطلاق تفااااااااااااااااااااااااااااائل

وووووووووووووو قريب من العين قريب من القلب

وربي ييألف بينكم واسمع اخبار حلوة ان شاء الله

لا والله يا ناس أنا فهمته

هو يتحجج عشان يبي يتزوج من بره

عشان اهله وجماعته ما يلومونه

وإذا أحد تكلم يسكته ويقول واحنا وش خذنا من بنت البلد

يا أخي مو محتاجه السالفه كل هالف والدوران

إذا نفسك في وحده من دوله عربيه كان تزوجتها وما في داعي

تدوس على الجثث وتقدم كل هالضحايا الي هم اطفالك وزوجتين

والله ماله داعي وحرام عليك ..

شنو هذا .. شنو هالالفاظ قرد واقرد منه / ومو لايق عليها /

يا أخي احترم الناس لأنسانيتهم للروح التي نفخت من قبل الله في اجسادهم وخلقت الحياة فيهم

صحيح انك انسان مغرور

كان وقفت وقفه حازمه ورحت تزوجت وشفت نصيبك

يالله روح احجز بسرعه لا يغلبونك وتنقى على كيف كيفك


والله في واحد من جيرانا تزوج بنت عمه وبعدين تركها بسرعه وطلقها على شان شنوووو نفسه يتزوج من بره .. وفعلاً سافر إلى أمريكا وشاف وحده من جنسية عربيه تزوجها
انا شفتها بنفسي فعلا جميلة وحلوه بس غير مريحه ... المهم
عاشت معه يمكن سنه او سنتين مو متأكده ..
وبعدها تركته ولعبت بحسبته لعب
وكان فعلا يستاهل الي صار له .. الله خذ حق بنت عمه
وهذا هو قاعد لحاله ما يندرى شنو نهايته


الي ابي اقوله مو ضروري كل واحد يفشل

لكن

(على نياتكم ترزقون )

والواحد كلما كانت أخطاءه كثيره .. كلما كان الانتقام اقرب واشد

ومستقبل كل انسان يحدده حاضره وماضيه

وانت وراك ضحايا كثيره .. وتتصرف بأنانيه بالغه

الدنيا مو سايبه .. ترى يرعى شؤون العباد رب شديد الانتقام


وأخيراً اقول أعمل كل الي تبيه .. انت الحين في حاله غيبوبة

والدنيا تعلم الي ما يتعلم

اولا انت مارديت على ردي السابق ....معليش مشيناها ..
والحين ابغى اقول لك اول شي ليه ماتفكر ترجع طليقتك عشان ولدك حرااااام يتشحطط بينكم وتعيش مع زوجتك وطليقتك وبكذا يتنافسوا على تدليعك يادنجوان عصرك ويمكن تحبهم ..لانك على قولتك ماتقدر تدفع المؤخر واذا فكرت تتزوج وحدة ثالثة انا متأكدة انهم راح يطلبوا ضعف المؤخر اللي عليك الحين وهذا من حقهم لواحد مثلك ماله امان ...
ثاني شي بالنسبة لكلامك ان زوجتك تمن عليك بكوريتها فهذا الشي منك انت ومن معاملتك لها والجفا اللي تشوفه منك وتقدر تسكتها بكلمة وحدة اذا كانت كلمتها مضايقاك وقول لها اقدر اخليك تحملين نفس الصفة اللي تعايريني فيها بكلمة وحدة مني ...
وياخي انت تقول ان عمرها 24 سنة سنها حلو وبعدين ليه رجال اليوم مافيهم صبر ابدا وكلمة الطلاق سهلة على لسانهم لييييييييييييييييه تدري اني تزوجت وعمري 13 سنة وزوجي عمره 22 سنة بس لكن مع اني هبلت فيه لكنه ماشاء الله عليه صبر علي وتحملني واعتبره كمان رباني تخيل وهو في هذا السن والحمد لله صار لنا 19 سنة متزوجين ومبسوطين لاحظ اني عشت عنده اكثر من عند اهلي لكنه صبر وتحمل وتنازل وتبهذل ليييين عقلت وكبرت وفهمت الحياة الزوجية صح ..
وانصحك اخوي نصيحة انسى انك تتزوج باجنبية من كثر اللي نسمعه من مشاكل تصير وقريبك هذا مثال واحد بسيط جنب عشرات الامثلة لزواجات فاشلة للاسف وانت مو ضامن كيف اللي بتختارها ..
واخر شي اقول امسك عليك قردك لايجيك اقرد منه ...

السلام عليكم

اخي الكريم مع احترامي لك انت انسان مستهتر ولا تعتقد ان بنات الناس لعبه تجربها واذا ما جازت لك ترجعها لأهلها وهي بيدها ولد .

اخي الكريم اذا كنت تعتقد انك راح تتزوج وحده انت تكون راضي عنها 100% فأنت مخطئ لكل رجل عيوب ولكل مرأه عيوب ولكن الحياه الزوجيه والعشره والوقت يجعل الزوجان لا يرون تلك العيوب .


مع التحيه

اذا كنت معجب بالاولى رد تزوجها !
لكن انا اتوقع ان مايرضيك الا حور العين

يا اخي ليش ماتصلي صلاة استخاره قبل اي زواج

تستخير ربك وان كان فيه الخير لك ايسره لك وان كان شر يصرفه عنك !

وليش تقول عن زوجتك الثانيه وعلاقتك فيها علاقه تجاريه
مو شرط انك ماتحبها تكون هي بعد ماتحبك
يا اخي ابعد الشيطان عنك وان بغيت تزوج الثالثه استخير واستخير واستخير
ولاتنسى ان ابغض الحلال عند الله الطلاق


ولا تظلم بنات الناس الله مايرضى بالظلم واعدل عشان تدخل الجنه

ووترى الجنة فيها حور عين !!

يا جماعة الخير الخلل مو في تجاربه للزواج ولا في زوجاته الخلل في شخصيته هو نفسه الين الحين ما استوعبتوا ؟

والله يا اخ حب مفقود بصراحة ضغطي يرتفع لما اشوف كل هالسطحية في التفكير كنت ماسكة اعصابي وانا اقرا هالموضوع بس لما اطلعت على مشاركاتك السابقة بصراحة انفجرت وصرخت لا شعوريا ( وش يبي ذا ) اول شي اصرارك الغريب على البنات الابكار كأنك طفل يستمتع بلحظة فتح الحلاوة وبعد ما يمل منها يزهد فيها لا وتستشهد بأحاديث الرسول اللي يفضل فيها البنت البكر طيب هو يمكن كان يوجه كلامه لشاب عازب ما له اي سوابق في الزواج ويبيه ياخذ واحدة مثله ، يمكن هو عارف نفسية الشاب هذا وعنده استشراف للمستقبل انه يمكن ما ينسجم مع الثيب الله اعلم بس ما اعتقد ان اللي ياخذ البكر بيدخل الجنة ولا له اجر اعظم من اللي يتزوج الثيب اهم شي نية الواحد في انه يعف نفسه ويستر على بنات المسلمين ، ولا اللي ياخذ مطلقة معناه عنده مشكلة معينة ولا معاق ولا دميم ولا فقير خلت البنات الابكار واهاليهن ما يبونه بالعكس والدليل نشوف بنات مثل الورود ياخذون شباب من هالنوعية عاادي جدا مو عيب العيب انك تنقص من شأن المطلقات وتجي تسأل بكل بجاحة واحدة من العضوات ( طليقك الثاني وش اجبره ياخذ مطلقه ؟ ) وواحدة ثانية تقول لها ( زوجك لو ماكان معوق مارضى يرتبط بمطلقة بس اعاقته من اجبرته على الارتباط بمطلقة .احيانا الفقر والوظيفة المتدنية وسوء السمعة والاعاقة تجبر الشخص اجبار على الارتباط بمطلقة) وتنصح المطلقات انهم ياخذون معددين كزوجة ثانية بحجة ان زواج المطلقة من مطلق مثلها رهان خاسر وحياة غير متكافئة الحين صارت غير متكافئة ؟؟ ومرة تقول ( وتستشهد بالنسب المئوية ) ان المطلقات فيهم امراض نفسية ؟؟ والله شي مؤلم بصراحة وكلام ما ارضاه لأني اعرف الكثير من المطلقات من معارفي وعايشين احسن عيشة سواء ارتبطوا مرة ثانية او لأ .. وكثير منهم تزوجوا مرة ثانية وبعد العدة بفترات بسيطة من رجال وكملوا حياتهم بسعادة انا ما اغصبك على اختيار المطلقة بس ما له داعي التجريح فيهم بطريقة او بأخرى وتشجيع الآخرين على افكارك الغريبة ، هذا كوم وغرورك بنفسك كوم ثاني ( انا شاب ومرتاح ماديا ) كأن هذا اللي يهم الناس وبيخليهم يعطونك بناتهم " الابكار" على طول وهم مغمضين عيونهم ، بس الحمد لله ان طليقتك الثانية واقدامها على الزواج كسر هالغرور لدرجة انك انهبلت وقمت تتصرف تصرفات غير متزنة كامتناعك عن الصرف على ولدك
في النهاية ما اقول الا الله يعينك على نفسك وما يصح الا الصحيح والواحد يفكر قبل ما يرتبك ببنات الناس ويخليهم في النهاية يحملون لقب مطلقة اللي مع الاسف يعتبر كأنه سب وشتم للمرأة وليس وصف لحالتها الاجتماعية

لاحظ أخي الكريم ان اغلب الردود تقول انك انت الغلطان

لاتزعل لكن كلمة الحق تنقال

وانت مو اول واحد يواجه هالمشاكل !

لكن الصبر وين ؟؟


وللأسف ان الدنيا غرتنا بالفتن وصار مايهمنا الا شهواتها ولذاتها ومانفكر الا بنفسنا !!
وسبحان الله من جعل الدنيا أكبر همه أزال الله هم الآخره من قلبه !
الله يهدي الجميع ويكملنا بعقلنا يارب ,,

قال ياخذ عياله والله حالتك حاله اتحداك لانك مب قادر تتحمل مسؤولية نفسك كيف بعيالك انا ما اقول الا الله يشفيك الله لايبلانا بما بلاك