السلام عليكم و رحمة الله


ابني من عمر السنة و نص طلعت فيه اكزيما ..الحمدلله كانت خفيفة

وظلت في اماكن محدده اهمها خلف الركب و في مفاصل اليد و الرقبة

واحيانا تطلع بقع على اليد او الوجه

من شهرين تقريبا زادت بشكل حااااد حتى عيونه تعبت وورمت
والي وراء ركبه جرح و ادمى
لدرجة اضطرينا لاستخدام الكورتيزون رغم مخااطره

لكن عشان مايحصل التهابات ...

قررت ابحث عن وصفات طبيعي ... لم استفيد

بحثت في النت .. و وجربت الكثير من الكريمات لكن بعضها اتى بنتيجة عكسية ..


اخير دخلت لمحل ولمحت كريم جليسوليد الاحمر اكيد تعرفوه

وقلت اجرب ..

حممت ابني و نشفته بشكل خفيف (بحيث يبقى الجلد رطب )*

بعدها دهنته كله بالجليسوليد ... اليوم الثاني اشوف الاحمرار خف

خلال 3 ايام .. كانت البقع الخفيفة اختفت

خلال اسبوع .. بسم الله ماشاء الله اشوف البقع الي بمعاطف اليد اختفت اللهم لك الحمد

الان لي 3 اسابيع استخدمه ..جسمه يضل رطب طول اليوم بعكس بقية الكريمات الي يكون مفعولها
لساعات محدودة... كل بقع جسمه اختفت اللهم لك الحمد .. ماعد الي ورا الركب (لانها كانت قوية وحادة و مجرووحة بشدة
)

لكنها الان رطبه .. راح منها الاحمرار القوي و التقشر و الجفاف و الجروح و في طريقها للزوال باذن

الله ...

وطبعا مداومة عليه صباح و مساء يوميا ... وحتى هو ارتاح من الحك ماعاد اشوفه يحك زي زمان
كان يصحى بالليل يحك .. الحين الحمدلله يتهنى بنومه

للعلم ... لحد الان مش متاكده بمية بالمية هل النتيجة هذه من الجليسوليد وحده
ام مصاادفة مع تغير الجو و دخول الصيف ..
لكن الي لاحظته .. اني لما اسوي الكريم .. على طول خف الاحمرار .. و اذا ماسويته يوم
ترجع تحمر ...

فانصيحة لوجه الله اللي ابنها يعاني من اكزيما... تجرب الجليسوليد
يوم و تشوف اذا ما اتحسس منه .. تكمل و ان شاء الله تلاقي نتيجة زي ما لقيت

حبيت افيدكم بهالمعلومة لاني عااارفة كم الاكزيما معذبة لقلب الام
لما تشوف ابنها يتعذب من الحك و مو قادرة تسوي شي
وماودي الا دعوة طيبة بانه ربي يحمي لي اولادي و يبارك لي فيهم

وربي يشفي كل مريض يا رب العالمين ..

همسة .... لكل ام ابنها يعاني من الاكزيما ... احمدي الله ليل نهار
على الصحة و العافية .. فاطفال غيرهم يعانون من امراض مستعصية
ربي يشفيهم و يعافيهم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الله يجزاك خير يا حبيبه ..
ومشكوره .. والله ينفع به ..

كريم الجليسوليد .. ثقيل نوعاً ما .. بيعمل طبقه على الجلد ..

عندي اكزيما موضعيه .. جاري التطبيق عليها ..*

__________________

الحمد لله و الشكر ..

أنا ولدي برضو عندي اكريما خفيفة ،،
بأجرب طريقتك

نورتي يا مراقبتنا ...
من قبل استخدمت الفازلين (رغم انهم الاثنين نفس المبدأ ) لكن مانفعني
ونفعني الجليسوليد مادري ايش السبب ..
زوجي مو مقتنع و يقول اكيد انها مصادفة .. مع تغير الجو من برد لحر ...
بس مستمرة و بنشوف .. ويارب ماعاد اشوفها بتاااتا
وربي يشفيك حبيبتي و يبارك لك في اولادك


روح .. الله يحميه لك ياارب .. جربيه مانتي خسرانة
على فكرة وحشتيييييييني يا بطة

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

هلا نورة ..

انا ابني كان عمره شهرين لما الدكتور قال لي عنده اكزيما.. بس كانت خفيفه ..وراء الاذن وعلى الخدود .. ولما كبر صارت ملاحظة اكثر .. خدوده تصير وردية اول ما يطلع من البيت.. في الجو الحار تحمر اسرع .. وفي الشمس طبعا اسرع واسرع وبدرجه اكبر.. ومرة سافرنا ولما رجعت لاحظت بقعه دائريه طالعه في رجله حسبته لسعه بعوضة بس بعد فترة لاحظت حجمها تغير و طلعت له بقعة ثانيه فوقها بشوي .. فعرفت انها الاكزيما .. ومن كثر ما كان يحكها صارت مثل الجرح .. كان حتى وهو نايم يحكها .. الطبيب عطاه fucidin H .. و bepanthene cream .. البيبانثين قال لي استخدمه له كمرطب .. وممكن على كل جسمه .. حتى خدوده .. البقع خفت كثير بس ما اختفت .. وبعد فتره يمكن شهر رجعت .. هالمرة اخذته لدكتوره اللي يتابع معاه من البدايه .. وهو كمان عطاني fucidin H... و elocom و qv cream ...

الفيوسيدين قال لي استخدمه لما يكون في جرح ..
الوكوم لما يكون محمر بس ما في جرح ..
الكيو في هذا مرطب قال لي استخدمه على طول ..

قال لي خلي الفيوسيدين اتش والالوكوم تكون موجوده في البيت دائما .. واذا طلعت له مرة ثانيه كرري الوصفه ونفس التعليمات ..

بس الحمدلله الحمدلله الحمدلله البقع اختفت وما رجعت

لكن خدوده الى الان .. تزيد وتنقص بس ما تختفي .. مرات تكون خفيفه يمكن غيري ما يلاحظها .. مرات تكون قوية اول ما يشوفونه قريباتي يسألوني شو فيها خدوده .. بس الحمدلله الحمدلله تظل درجتها خفيفه .. والحمدلله الحمدلله الحمدلله تظل اهون عن امراض ثانيه..

ابني الان عمره سنتين و شهرين تقريبا وان شاءالله يشفى منها لما يكبر .. لأنه في نسبه من الاطفال يشفون منها ونسبه تظل معاهم لين يكبرون ..

طبعا الترطيب الدائم مهم جدا لانه البشرة تكون جافه و المرطب يقلل الحكه .. والجليسوليد كريم مرطب .. انا بعدني على الكيو في .. هذا الكريم ايضا يحتوي على الجليسرين نفس الماده الللي موجوده في الجليسوليد ..

- خليكِ على المرطب دايما
- لبسيه ملابس قطنيه 100% وتجنبي الصوف .. مع انه حاليا يقولون انه في حرير طبيعي معالج بطريقه خاصه لمرضى الاكزيما
- تجنبي العطورات والصابون المعطر
- لا تخلينه يعرق بزياده
- حاولي تعرفين شو من اكلات تزود الحاله اللي عنده .. جنبيه الاكلات اللي تسبب حساسيه .. انا عن نفسي ما لاحظت شيء يسبب الحاله لأنه مثل ما قلت الاكزيما دايما موجوده عنده فما له علاقه بالاكل .. لكن اللي فعلا يزود الحاله وعلى طول ثواني بعد ما ياكلها .. الفراوله .. مع اني امنعه ياكلها بس مرات بدون ما الاحظ ياخذها ..

واذا تذكرت شيء برجع لكم

والله يشفي ابني وابنك وابن روح وجميع المصابين بها .. وايضا شقرديه وانا كمان لانها طلعت لي في وجهي بس الحمدلله خفيفه جدا وبعدني ما بديت علاج لأني ما احب الشعور لما احط شيء ثقيل على وجهي .. لكن حطيت الالوكوم مرة بالليل ولما قمت الصبح شفت فرق كبييير ..

طولت عليكم .. اعذروني

demise::
الف الف ال شكر حبيبتي .. ربي يجزاك كل خير و يشفي ابنك يارب
حسيتك كتبي الرد من قلبك .. ربي يجزاك الخير

ابني عمره 4 سنوات الان يعني لنا مع الاكزيما مشوووار عمره سنتين و نص
كل الي ذكرتيه من نقاط بسويها .. بس اعتقد ابني متحسس من الجو
لاانه لما رحنا لدولة عربية و خاصة سبح بالبحر اختفففت
ولما رجعنا على المانيا رجعت الاكزيما ..

بحممه مرة كل 3 ايام بدون صوابين و احيانا بسدر
ولابسه قطنيه و بحاول اقلل له من الحلويات و المواد المصنعة بس سبحان الله تتهيج وحدها و تهدا وحدها
ماخلينا طبيب جلدية بالمانيا او ببريطانيا الا وودينا له ابني
وكلهم اجمعوا على انها حالة منتشرة و مافي علاج و احتمال تروح لما تكبر و غيرها من الكلام
واخر طبيب قال الاكزيما نعمة على ابنكم .. لانه مصابين الاكزيما على حسب قوله
اقل الناس عرضة لسرطانات الجلد و الله اعلم .. الله يعافينا من كل مرض

المهم المراهم الي قلتي عليها .. الالوكوم , و الفوسودين... فيهم كورتيزون عشان كدا بتروح البقع نهائي
بس بتوقفيه فترة و بترجع البقع ..

عندي منه الوان اشكال ... اذا اتهيجت البقع مرة بسويه و بتروح
بس احنا مو حابين نستخدمهم لانه كثر الكورتيزون بيرقق الجلد جدا و بيغير حتى في لونه و له مخاطر على المدى البعيد
ومن اسوء الادوية الي تنعطى للطفل و اثرها كمان وقتي

بتسويها .. بتروح الاكزيما .. وبعد فترة بترجع .. وبتسخدميه و بتروح و يالله دورة مغلقة من الكورتيزونات

لذا ظليت ادور على حل بعيييد عن الكورتيزون .. سويت زيوت و خلطات و استخدمت الفازلين و غيره و مانقع
والان الحمدلله الجلسوليد حل المشكله بس ان شاء الله تضل هكذا و ما ترجع

نصيحة حبيبتي .. حاولي تقلللي من استخدام هذه المراهم على قد ما تقدري خليها فقط
لاسوء اسوء الحالات ..
والله يشفيهم ..

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

نورة يا بطوطة

كيف تعرفي إنه المرهم فيه الكورتيزون أو لأ ؟
هي اسمها كذا ؟؟؟؟

لإني قريت كثير عن أضرارها بالنت

و زوجي من 3 أشهر جاب لي مرهم من الصيدلية
و قال لي مرة كويسة و الصيدلي يمدح فيها
و كل ما سأل أحد مدح له فيها

قلت له، احتمال كبير فيها المادة هذه كورتيزون
و هي مضررررررررررررررررة

ما اقتنع بكلامي و حاول معاي اني استخدمها لولدي
بس رفضضضضضت رفض قاطع
و ماكان مكتوب عليها كورتيزون ؟ أو اني ما نتبهت ؟

العفو اختي نوره .. ما سوينا شيء .. انتِ اللي الله يجزاكِ الجنة يا رب..

فعلا حبيبتي ما في حل نهائي .. والكورتيزون هو اللي مسبب لي هالقلق .. واكيد ما استخدمه على طول .. اصلا الحمدلله ما اضطريت استخدمه الا في المرتين اللي قلت لك عليها .. والباقي كله الكريم المرطب .. بس یظل عندي خوف من الاكزيما الملتهبه .. اخاف تطلع له .. واضطر استخدم الكورتزون

وعلى طاري البحر قريت انه ملح البحر الميت يعالج الاكزيما .. انا مش مجربته لكن البحر الميت معروف عنه فوائده العلاجيه .. املاحه مفيده لعلاج كثير من الامراض الجلديه والحساسيات وغيرها .. فليش ما تجربينه؟؟؟

وقريت كمان عن حمام البيكنج صودا .. يقولون انه يهدىء التهيج .. وينصح المريض يتحمم فيه قبل النوم بساعه تقريبا .. واول ما يخلص يغطي جسمه بالكريم المرطب ..

انا من طلعت لي في وجهي صرت قلقانه على ابني اكثر لأنه يحرق يحرق يحرق ويحك .. قلت حق الدكتورة معقوله ابني يحس بهالاحساس وهو مو قادر يقول .. ؟ قالت لي هي فعلا مزعجه .. ما اقول لك لا ..

بس ما نقول غير الحمدلله ..
هي فعلا منتشرة .. كثير من معارفي يعانون منها .. كبار وصغار .. درجاتها وانواعها مختلفة بس المعاناة واحده .. الله يشفى جميع مرضى المسلميييين يا رب..

روح معلیش بعد اذن نورة انا بتطفل .. اذا عندك اسم الدواء اكتبيه عشان نقول لك فيه والا ما فيه ..

مش كلها تبين من الاسم .. لازم تقرأي ورقة الدواء .. وتشوفي محتوياتها ..شوفي اذا هي من الستيرويدات والا لا ؟؟ اذا مكتوب corticosteroid مثلا ..

واذا الذاكرة ما خانتني عادة المكونات تنتهي بحروف one
مثلا

prednisone

prednisolone
mometasone
hydrocortisone
betamethasone
celestone
alclometasone
الخ ...

دائما اقرأي ورقة الدواء والتعليمات اللي عليها قبل ما تستخدميه ..

انا اول شي حللت بنتي حتى اشوف هل هي مزمنة او تنتهي عند ست سنوات

ثانيآ : نقلنا لمدينة عند البحر والجو رطب فخفت كثير

ثالثآ : هي تزود احيانآ من بعض الاكلات ( التشوكليت . السمك الربيان البيض ,,,,


والدكتورة قالت لي تزود من المعلبات والعصاير المعلبة

كان عندي خادمة اذا بنتي اخذت شاور على طول ترطب جسمها فخفت بنسبة 90 بالمية ماشاء الله

اهم شي البشرة رطبة


اذا لاحظت انها انتشرت في علاج للحساسية اعطيها منه مع الكريمات الطبيه مع منع الاكلات اللي تسبب الحساسية

والله يعين لانه معاناة والله كنت ابكي اذا شفتها يتقطع قلبي وخاصة اذا التهبت بشرتها يصير كأنها محروووقه

الله يشفي المسلمين