السلام عليكم,,,

انا ملكت تقريبا قبل اسبوعين والحمدلله وقبل كم يوم كلمت أخو زوجتي صديقي من زمااااااان

قلت ابي أكلم زوجتي لو مره وحده قالي عندنا ممنوع المكالمات قلت ماشي طيب ابي اسلم عليها

ونشوف بعضنا لو وحنا واقفين كمان رفضوا يعني ماراح اشوفها الا ليلة الدخلة,,,

والله ياأخوان اني طقيييييييييت من القهر ليش يمنعوني مو خلاص صارت زوجتي حلالي ومن حقي اني

أشوفها ليش يعني هلحين صار طريق الحرام اسهل من طريق الحلال (والعياذ بالله)

ليش كل هالتعقيد والله ياأخوان اني تفشلت وانحرجت وغثيت خواتي كل شوي اقولهن وصفنها لي

ولا عشرين مره وصفوها لي,,,

مع انها هلحين صارت بمجمتعنا عاااادي في مكالمات ومقابلات غير عن اول وصراحة انا توقعت كل شي

الا انهم يحرمون علي هالشي...

فا تكفون ابي فزعتم الي مر بهالشي والي عندهـ خطط إستراتيجية لايبخل علي يعني شوفو لي طريقة

على فكره مخطط اني اخلي امي تعزمهم عندنا واخلي وحده من خواتي تسحبها الغرفة واحاول اشوفها

لاتقولون مايجوز لانها زوجتي بس اتوقع 90% انها ماراح تجي معهم وماراح استفيد شي...

اي على فكرة نويت اجيب رقمها وأكلمها بس خايف انها تسويلي فيها اني ماأسوي شي بدون علم أهلي

وممكن اخوها وأبوها يسوون لي سالفة...

وش رايكن يابنات ولايهونون الشباب

وعليكم السلام ورحمة الله وبركاته

بما أن أخوها صديقك فأكيد تمون عليه

كلمه وقول له يخليها تكلمك بدون مايدرون أهله وغثه بالإلحاح إلى أن يوافق.

وفهمه وقل له هذه زوجتي وحلالي .

وأكيد مابيقصر وبيساعدك

وإذا ماقدر عادي خلي أمك تتصل تكلم أمها وتقول لها ولدي يبغى يسمع صوت زوجته.

__________________

السلام عليكم ....


سؤال مهم ...


حصل بينكم نظرة شرعية قبل عقد القران؟؟؟؟

لأنك تقول أخلي أخواتي يوصفونها لي .... ليه انت ما شفتها ؟؟؟

وعليكم السلام /
كان ودي اسالك نفس سؤال الاخت رسيل ؟!!

اتمنى ترد عليه بالاول

الله يعينك يا رب

__________________

لا شوفه شرعية من المستحيلات عندنا يعني مجتمعنا رافضين هالشي ليش ماأدري ولو على الشوفه

الشرعية كان أجلس طول عمري ماأتزوج والله لو أطلب شوفه شرعية لاتصير علوم...

لا حول ولا قوة إلا بالله!

بصراحة لا أفهم كيف يمكن لأي شخص أن يرتبط دون أن يرى الطرف الآخر ويتحدث معه!!!!!

كان من الأولى يا أخي أن تطالب بحقك الأول في النظر إليها ورؤيتها قبل عقد القران .. وتصر على ذلك.



على كل حال .. أقترح عليكِ أن تصطحب أخاها إلى أحد الشيوخ الثقات وتطلب منه أن يفهمه بأن ما يفعله هو وأهله لا يجوز شرعاً.

__________________


اللهم طِيبَ الأثر .. وحُسْنَ الرحيل.

لاحول ولا قوة الا بالله من هذي العادات الي تخالف الدين
بكرة لما يكون فيه نفور وطلاق قالوا ليش يطلق
لابد من النظرة الشرعيه قبل الارتباط وكتب العقد
حاول تتكلم مع صديقك بهدوء وقله خلك مكاني بدخل على مراة ماعرف حتى شكلها
على الاقل خلني اشوفها بدون ماتدري يعني قل لها مثلا تشيل الاغراض بالحوش وانت تشوفها مع شباك المجلس
او اي طريقه تعجبه اهم شئ تشوفها
وبعدين عاد تحاول انك تكلمها قبل الزواج بفترة بسيطه على الاقل
والله يوفقك ويحقق لك ماتريد

__________________

دعووووواتكم لاختكم لحن السعاده

السلام عليكم .....



فلنفرض أخي أنك في ليلة عرسك ... وتنتظر وتعد الساعات والدقائق للقاء عروس الأحلام ...


وحانت ساعة الصفر ...


ورأيتها ....





ولم تكن متوافقة مع ما رسمته في خيالك لها ....




بالله عليك أجب نفسك بصراحة وصدق ولا تجبني ماذا ستفعل ؟





صحيح الشخصية والأخلاق الحلوة مهمة ... لكن لا بد لك من الراحة النفسية عندما تنظر اليها للمرة الأولى ....



وصراحة موقفك عندها لن يكون أبدا بصعوبة موقفها ....




من باب أولى أن تأتي الى المنتدى تشتكي انهم لم يسمحوا لك بالنظرة الشرعية ....



أما وقد عقدت قرانك عليها وتشتكي أنهم لا يسمحون لك برؤيتها ....





أنت الآن على البر مادمت لم تدخل بها ....




اجلس مع صديقك وبين له عواقب المر وما يمكن أن يؤول اليه من خراب بيوت .....



وذكره بحديث الرسول صلى الله عليه وسلم : (إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل، فإن ذلك أحرى إلى أن يؤدم بينهما)

ومن هديه :



1 - قال: (( إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل )) أخرجه أبو داود، قال جابر: (فخطبت امرأة من بني سلمة، فكنت أختبئ لها حتى رأيت منها بعض ما دعاني إليها) رواه أبو داود.


2 ـ وعن أبي هريرة رضي الله عنه أن رجلا خطب امرأة من الأنصار فقال له رسول الله صلى الله عليه وسلم: (( أنظرت إليها؟ ))، قال: لا، قال: (( فاذهب فانظر إليها، فإن في أعين الأنصار شيئا )).

3 ـ وعن المغيرة بن شعبة أنه خطب امرأة فقال له رسول الله صلى الله عليه وسلم: (( أنظرت إليها؟ ))، قال: لا، قال: (( انظر إليها فإنه أحرى أن يؤدم بينكما ))، رواه النسائي وابن ماجة والترمذي.




وفقك الله الى ما فيه خيرك دينا ودنيا

يا أخي كلمتك طريق الحرام أسهل من الحلال معبره جدا وو الله مقدر سبب قولك لها
لكن تنبه من ضعف الإيمان
لا أعرف مجتمعنا كيف يفكر
هذه الفتاة أمام الله و خلقه زوجتك
لا تجلس معها عيب
لا تكلمها عيب
يا عزيزي العيب و الحرام معروف طريقه
و أخوها لا يملك حق منعك من مكالمتها
و أنا أشعر أخي أن الفتاة مقهوره أكثر منك و نفسها تكلمك
كل ما عليك كلم اختك تكلم الفتاة و تحصل على رقمها و الفتاة ستعرف المقصد
و اختك تعطيك الرقم و اتصل بزوجتك كما تريد

و لاحظت في بعض الردود أنه لا بد من النظرة الشرعية
و أن عدم النظرة الشرعية من العادات الي تخالف الدين
ما يخالف الدين معروف فلا تحملو الدين ما ليس منه
الرسول صلى الله عليه وسلم لم يوجبها
يا أعزائي رفض النظرة الشرعية لا يتعلق بالعادات
فأنا أرفض النظره الشرعية و لا أنكرها و ليس لأن عاداتنا ترفضها
و لكن لأن لدي وجهة نظر تعنيني و لا تعني أحد

اكيد ما شافها والا ويش قاعد يقول الرجال كلامه واضح ما شافها ابد