[QUOTE=ريم الصبوره;2768723][COLOR=red]
لآن الجروح لآتندمل بسهوله الا بسبب من مسبب الاسباب سبحآنه !
انا متزوجه من زوج طيب وحنون وكريم يحبني وآحبه . ولكن شي مآ نغص حياتنآ وسوف ينغصها للأبد
لآن الجروح لآتندمل بسهوله الا بسبب من مسبب الاسباب سبحآنه !
و ليه ينجرح مدام هذا ماضي !!! هل إنت مازلت متعلقة بهذا الماضي عشان نعذره و نقول معاه حق إن انجرح؟؟؟!!!
يمكن نعذره إنه يزعل لأنك ما خبرتيه عن هالعلاقة بس ما توصل يقول أنا ميت
ولقد تبت الى الله ..وأسأل الكريم المنآن ان يقبل توبتي ..
رب العباد يغفر .. مين احنا عشان ما نغفر؟؟؟
المسيح عليه السلام كان عنده مقولة مشهورة في حادثة (لا مجال لذكر الحادثة الآن ): "من كان منكم بلا خطيئة فليرمها بحجر"
يا أختي الرجال ياما عندهم بلاوي و علاقات و ما يهمهم و حنا النسوان أغلبنا نرتعب إذا صار عندنا علاقة و ربنا ما كتب إنها تتمم بزواج...
يعني سبحانه مقدر الأرزاق ... يعني الوحدة خلص تموت لأنه ما حصل لها نصيب من أول رجل!!
وبعد الزواج اكتشف زوجي هذه العــلآقه وتوصل الى رقمه وراسله ع انه آنآ .. والوقح الحقير السافل اخبره بكل شي
طيب ليه إذا احنا فتشنا وراهم يزعلون و يقيمون الدنيا و ما يقعدوها و يقولوا هذي خصوصياتي وووووو
قال تعالى: "يا أيها الذين آمنوا لا تسألوا عن أشياء إن تبد لكم تسؤكم"
إذا فعلا زي ما إنت تقولي إن هذي العلاقة ماضي ما من حقه يفتش وراك .. و حتى لو فتش من باب الفضول و عرف يزعل يومين و يرضى ماله داعي كل هالدراما
يمكن اللي يحكم تأثره مدى عمق هذي العلاقة و لأي مدى وصلت ... بس أرجع و أقولك مدام هي ماضي خلاص
لازم إنت كمان تكوني أقوى من كذا و تساعديه يتعدى هذا الحزن ..
يبغالكم جلسة صراحة تعملي فيها الآتي:
1- تعتذرين فيها لزوجك و تبينين له سبب إخفائك عنه هذي العلاقة ( أنا ما أعرف أسبابك بس أقدر إنه مثلا: بأن المجتمع عادة يحكم على المرأة ذات علاقة سابقة و إنك كان ودك تتممي هذا الزواج من غير مشاكل)
2- تطمنينه و تأكدين له إخلاصك و وفائك له وإنك ما تفكري بأحد غيره و إنك مالك علاقة أبدا بذاك الشخص (كم صار لكم متزوجين؟ شهديه هل قط شاف عليك شي طول فترة زواجكم؟)
3- تذكريه بأن لازم المركب تمشي عشان تعيشوا بسعادة ، إنت لا أول و لا آخر وحدة تكون لها علاقة سابقة و مدام تبتي توبة نصوح فربنا وحده هو اللي يحاسبك
4- إسأليه لو تبادلنا الأدوار و هو اللي كان له علاقة سابقة هل كان راح يقبل إنك تعملي زي ما هو عمل؟
النسيان يمكن يكون صعب بس التناسي شيء ممكن نعمله ... فخليه يتناسى و ما يخرب حياتكم
بعد هالجلسة حاولي قد ما تقدري تغمري زوجك بالحب و الحنان و الاهتمام و نسيه قد ما تقدري
و إنت كمان سامحي نفسك عشان تقدري تعيشي بسعادة
أتذكر زوجي مرة أيام الخطوبة قال لي اليوم ودي نتكلم عن ماضينا و بعدها نقفل الموضوع و ما نعيده تاني
هو خبرني إنه حب وحده أول أيام الجامعة لكن ما حصل نصيب و راحت لحالها ، و أنا كمان خبرته إنه كنت أحب شخص لكن أهلي ما وافقوا عليه لأنه ما كان يصلح لي.
يعني كنا على بينه على ماضي بعض... و تقفل الموضوع حزتها.
كنت كاتبه في مشكلة سابقة لي هنا في المنتدى إني اكتشفت في جوال زوجي صور لوحده كان يحبها...
و هذي غير عن اللي خبرني عنها أيام الخطوبة... بس أنا حز في نفسي إنه جلس يرسخ الماضي بدل ما يمحيه....
و الله أنا بعدني مجروحة بس متصبرة ، خاصة إنه هالأيام قاعد يرقع من دلع و خلافه
و تمشي الحياة يا أختي!!