السلام عليكم ورحمه الله وبركاته
انا عندي ضيقه واحس الدنيا على كبره ضاقت علي
انا ماعندي صاحبات كثير بس وحده ومتزوجه ومشغوله مو دايم معي
وانا ودي احس ان لي اخواتي وصحبات في المنتدى ومن يسمعني ويهون علي
والله انى متضايقه ومخنوقه من عيشتي انا اعرف ولله الحمد ان حالي اهون من كثير لاكن الضيقه عيت تروح والنفس تحب الدلع وخصوص الانثى تبغى تحس بقيمتها
والمشلكه زوجي احسه اخذت واحد كبير علي بيننا 11 سنه واعرف ان عند غيرنا ماهي بمشكله وفيه اكبر بس زوجي غير تفكيره غير وشبع من الدنيا واسلوبه غير وهو شرق وانا غرب وحتى لما نجي نتفاهم ونتعاتب بعد صراع كل واحد يفهم كلام الثاني شمال ان اقول شي وهو يفسره شي ثاني وهو يقول وانا افسره شي ابغى اعيش على سني ياناس مقدر انقز 11سنه قدام واصير مره ثقيله وراكده وماهمنى غير العيال والبيت وبس زوجي اذ خرجت معه لاغراضنا يتضايق يقول مليت منك ومن عيالك ومن وجهكم واذا سالت عنه وين رايح و لا وين كان يزعل اذ حب يقلي من نفسه قال واذا ماحب ياويلي لو سالت طيب قعدت افكر وافكر ليه كل ذا يابنت خليه ولا تساليه وخليه براحته عاشان مايحس انه بسجن وانبسط لا يرجع البيت الا اخر الليل ماحد يساله ينام في وقت ويصح لحاله بعد المغرب من ابوه يبغاها ولو مو ابوها كان دعسها نومه مادرى عنا بس وين اكلي وين ملابسي وبس احسه انبسط كل يوم على هذا ماكن عنده احد في البيت كنه عزوبي يدخل حتى مايسولف وكني موجوده يروح غرفه ثانيه بلحاله ويتفرج بالتلفزيون ولا يطقطق بالجلكسي بسالوني ليه اروح معه اجيب اغراضي او اغراض البيت اقلكم لان لو مارحت مستحيل يجبلي كل يوم يروح يدقها فره بالاسواق واقول وين غرضي يقول ماعجبني شي استني يوم يومين شهر شهرين سنه سنتين يقول انا ما اعرف اختار بلحالي تعال واجي اخذ غرضي وامشي وقلت مدامه كذا خذيها من قاصرها وارتاح بدل الانتظار والنقره واخر شي مايجيب شي يحب يبحث في كل الاسواق ويشوف الاسعار ويستكشف ويطفش ويمل ولاعاد يجيبها اي شي تطلبيه للبيت من اثاث اولمبه او ملابس او اي سي تعبت عقدني وفوق ذا كله احساس له في اي شي مايوصل اصبر عليه وشخص كسول يخرب الشي سنين تحتاجين الشي سنين وما تنكدين وتصبرين وتحاولين تلمحين ومره تسكتين ومره تخاصمين وهو مكانك سر وكل ذا يقول استحمل سنين يعني اقل شي 3 وفوقها ولتيحس بصبري يقول انا موسيئ لهذي هذا عادي ماسويتي شي
والله عنده اهل ساكنين معانا بنفس العماره ويطلبون وياخذون اللي يبونه وانا طالبه من قبل 4 شهور ويخلصهم واستنى سنه سنتين بعدهم ولا عندك احد اي شي اطلبه ركض يسويه لهله لاتقولون بيننا عداوات او زعل اقول لا يحبوني واحبهم ويقول مسكينه امي غثيتها طلبتني واخرتها اسبوع او ثلاثه اسابيع وانا ماعندك احد وايته لسانه حلو ولا يرقع ولا في من حركات الازواج ابدا كني اخته مايعرفني الا اذ بغى اوانا محد معبرني اموت اطق كنت ازعل واتناقش واجلس جلسه معاتبه او اي شي كلها نفس الشي تيتي تيتي ويديد الجرح ملح واللحين قلبي يعورني ماابغى اتناقش او اسولف احس بقبضه كن في قلبي جمر ماودي لسان يجي على لسان مغير طيب وحاضر وابشر وانت صح ومحد قدك وابغى اروح لهلي في اجازت المدارس يمنعني علشان اهله يتجمعون فيها ويبيتون عند بعض ويبغى عيالي يلعبون عيالهم نحنا الارقوز لهم طيب كل اجازه كذا مليت منه ومن اهله ومن كل شي مليت من اهله بسبته مقدر اروح الا وامه تجي مقدر اطلب الا وامه يجبلها نفس الشي البسطه والوناسه يخليها اللين يجتمعون كل اجازه ونحناااااااااا
18-12-2012, 01:56 AM
ضوابط المشاركة
العرض العادي
