السلام عليكم ورحمة الله وبركاته

ما أعرف وين المشكلة بالضبط أو انها تراكمات نفسية خلقت هالمشكلة المهم أني متضايقة وحاسة حاليا اني مو طايقه زوجي......راح احكيكم الأشياء اللي مضايقتني ةانتم خارج الدائرة احكموا ووجهوني

قبل سنتين زوجي طلع امريكا دورة لمده سنة ورفض ياخدني معاه بحجة دراستي بالرغم من أني كنت موافقة أأأجل دراستي وحتى رفض اني اطلع له بالاجازة حقتي ورجع وانتهى الموضوع , خلال سفره التقيت بصديقه قديمة ليا المهم واحنا بنسولف مع بعض قالت لي يافلانه ابغى اقولك حاجه انا حكيت زوجي عن رحلة عمل زوجك وانه تركك هنا وقال من وجهه نظر رجالية هدا مايحب زوجته والا مايتحمل بعدها وباختياره كل هالمدة انا طنشت الموضوع لانه مو من طبعي اسمع لكلام الحريم . اللين اخويه طلع نفس الدورةحقت زوجي وأصر ياخد زوجته مع انه ماديا مش مقتدر مثل زوجي امي امن اقترحت عليه قبل سفره انه يودي زوجته عند اهلها رفض تمااااما انا هنا انتبهت اش الفرق بين زوجي واخويه مو كلهم رجال؟؟؟

احسه يستخسر فيني اي شي مثلا جواله الايفون رفض يعطيني اياه امن بدل واحد جديد وراح اعطاه ولدي الصغير وبعدين امن بدال جواله الحالي برضوه انا كان نفسي فيه ورفض يعطيني هو ويقول خليه بالدولاب او اشتريه مني المهم اني اعطيته قيمة الجوال واخذته بس من داخلي صغر في عيني كيف يستخسر فيني الشي وهو اصلا مو محتاج
دبلتي ضاقت عليا ويماطل مايجيب لي وحده ثانيه وبعدين قال الذهب غالي مع انه عنده ما شاءالله خير بس ما اعرف بخل يستخسر عجزت افهم؟؟

اخر عيد زواج كان ناسي وعموما كل سنه ينسى بس انا المح له قبل بفتره عشان يتذكر لاني ما اببغى اصدم نفسي بحقيقة انه ناسي المهم امن ذكرته وطلبت منه نطلع نتعشى برا قالي انا مرتبط مع اصحابي وصعبة اكنسل وقدري موقفي ومن هالكلام الفاضي وصدقيني باعوضك الويكند وطلع وسابني وانا من الصدمه ماتكلمت وطبعا ولا عوضني ولا اي حاجه

يوم حفلة تخرجي وداني عند اهلي هو صح انا اللي طلبت لانه الصالون والقاعه اقرب لبيت اهلي بس كان ودي يشاركني فرحتي حتى لو بورده بريالين

انا دوامي شفتات ولاعمره مره يفاجاني ويقولي مثلا انا راح اجي اخذك من الدوام او انا بوصلك مع انه ايااااام كيرة اداوم وهو جالس بالبيت نفسي احسه زي باقي الرجال يسال عني يفتقدني احيانا اداوم وارجع من الدوام وثلاثة ايام مانصادف بعض عااااااادي عنده امي تقولي احمدي ربك واثق فيك ويحبك ومعطيك حريتك ولايضغط عليك اوكي الف حمد وشكر بس نفسي احس زي باقي الحريم عندي رجال يفتقدني ويدور عليا


قبل شوي طلع مع اولاده قال لي يلا قلت مابغى اطلع ولاحتى كلف عمره انه يسالني ليه بس يقول لولدي الصغير ماما ماتبغى تروح؟؟؟

وفاقع قلبي امن يشوفني زعلانه يسوي نفسه ماسوا شي ويتعامل معايا طبيعي وانا مو طايقه اطل بوجهه


امن اعاتبه على اي شي يضحك عليا بالكلام الحلو وبس ماعنده الا الكلام
هدي مجموعه من المواقف اللي مو عارفه احسه يحبني بس يستخسر فيني او مايحبني او مايهتم فيني ارجوكم انصحوني عالاقل احس النار اللي بقلبي تبرد

الله يفرج همك

شوفي هالرابط ان شاء الله تستفيدي
http://www.66n.com/forums/showthread.php?t=241868

واما ما يتعلق ببيع الجهاز لكي
فقد يفعلها ومبرره انكي مقصرة في البيت والجلوس معه
وبما انكي تأخذين راتب
اذا اعطيكي بمقابل

عزيزتي هل جربتي التلين والتلطف لزوجك

الزمي هذا الالله سيتغير حالكي للأفضل

(اللهم اني اسألك رضاك)

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

وعليكم السلام
في الحقيقة تصرفات زوجك غير حميدة ولكن من الصعب ان نحكم في عدم وجودة او عدم معرفة شخصيتة على اقل تقدير ، ولكن لو افترضنا حسن النية سنقول هي شخصيته بهذه الطريقة ولايتصرف من دواعي غير لطيفة!! وإن لم يكن كذلك فعليكِ بمصارحتة بالأمور التي تزعجك بكل حميمية دون أن تأثري على مشاعرة او تتسبي في جرحة.

جلسه هادئة تحت طاولة حوار مليئة بالإحترام والهدوء والحميمية هي كفيلة بأن تلطف كل الأجواء.

اما الأمور المادية فلا انصحك بالإحتكاك فيها مع زوجك لما تسببه المادة من مشاكل في اغلب الاوقات بين الازواج
خذي حقوقك الزوجية فقط والباقي إن تكرم بها فجزاه الله خيراً وإن لم يتكرم فرزقُكِ على الله سبحانه وتعالى.

__________________
سيدة الموقف / المتفائل بالله / الزعيم خالد
اسأل الله العظيم أن يوفقكم في الدنيا والآخرة

حبيبتي اول شي انتي موظفه ليش مستخسره على نفسك ايفون جديد ؟؟؟

بعدين لا تقارني وتفكري يعني اخوكي مره يحب زوجته عشان بياخذها امكن عشان تخدمه هناك لا اكثر ولا اقل

بعدين بخصوص الهدايا انتي اطلبي ومدي بوز بعضالرجال لازم تشحدي منهم الهدايا شحده

وياروحي محد احسن من احد انا زوجي بيروح يسوي عمليه ورافض اروح معاه تخيلي الموقف الغبي طبعا انا قلت الله يقومك بالسلامه وطنشت الموضوع

اهم شي انه مايجبرك انه ياخذ من فلوسك وكويس مع الاولاد ويخاف الله

وامك معاها حق كويس انه واثق فيكي وتاركي على راحتك تنبسطي وتعيشي حياتك

ومافيه شي اسمه حب هذا كلام افلام الزواج حقوق وواجبات والفراغ العاطفي راح تنسيه لما تجعلي حبك لله وحده وبعدين اولادك

والرابط هذا لطارق الحبيب بيوسع صدرك

لاستطيع ان اقول لك سوى !

انت من سمحتي له بهذا ! حين رضيتي ان يسافر دونك
بالرغم من قدرته الماديه !

حين تتنازل الزوجه عن حقوقها المهمه مع توفر القدره
على تلبيتها فإنها تعطي الرجل
انطباعا انها هي ايضا ليست مهمه ! وانه يستطيع الغياب
عنها كما تستطيع هي ذلك وترضى به !!!

اخيتي الرجال لا يعلمون من اساليبنا الخفيه شيئا الرجل يقول ما عنده و يتصور انك كذلك.
عندما تقولين انا لا اريد الذهاب و تريدين ان تري ما هي قيمتك عنده هو لا يفهم هذا و يتصور انك بحاجه ان تكوني لوحدك.
كوني واضحه و صريحه معه و تكلمي معه بحوار لطيف بعد حميميه و اكتبي له ما تريدين.
فعلا كما قالت رذاذ انت سمحت له بالابتعاد عنك. و لربما قلت له اذهب حماك الله و في قلبك كنت تتمنين ان يقول لك لا استطيع الذهاب الا و انت معي.
لا تفتحي اوراق الماضي و اطلبي منه برفق ماتريدين و حاولي ان تستخدمي الاسلوب الواضح الصريح معه.
دمت

عموما غيابي الطويل لظروف عملي مناسب تماااااما له لانه مدمن ((بلايستيشن))
جزاك الله كل الخير

امن اصارحه باي شي يضايقني يتاسف ويوعد انه ماعاد يضايقني فترة ونرجع من البداية وامن اقوله انت تستخسر فيني يقولي لا ومايوضح ابدا....

عزيزتي انا مو موظفه انا مازلت بمرحلة متدربة ولا اتقاضى راتب بل مكافاه يذهب معظمها للسواق ومصاريفي
صعبة اشحذ الهديه حتى نفسي تعوفها بعدين

من قال أني سمحت له اصريت الى اخر لحظه....