السلام عليكم
بداية مشكلتي مشكلة جيل بحالها في المكان والمحيط اللي عايشه فيه
انه انا اتخرجت ومن اول حياتي كنت ماخذه الحياة جد الين اتخرجت وبدات ماساتي مع البطاله والفراغ الي تعيشه هذا بالاضافه الى انهيار القيم والمبادى الي حصلت لي مع تغير كل اللي حوالي , صرت ضايعه
فقدت ايماني بكل شيء (الا الله )طبعا ولولا ايماني بالله كنت الحنتحرت من زمااااااااااااااااااااااااااان

من جد وجد
اي شيء تزرعيه رح تحصديه
كوني مؤدبه احترمي الي اكبر منك
اسمعي كلام اخوانك
اهلك اكثر ناس يعرفوا مصلحتك
البنت مالها الا سمعتها ....
....
.....
كلااااااااااااااااااااام ماخوذ خيره

وعادي كثير لعبوا بحياتهم وانبسطوا ايام دراستهم ولا اجتهدوا وحصدوا احلى مستقبل وناس طلعت عيونهم بالدرس ولا اتوظفوا ولا لقوا تقدير ولا احد سال فيهم

ومو كل شخص كبير نحترمه احيانا الكبار محتاجين يشوفوا شويه من قلة الادب وطوله اللسان علشان يتذكروا يحترموا سنهم بالمقابل ولا يسيئوا لنا

اخوانك يممكن اول ناس يحطموكي واول ناس يستمتعوا باذيتك واول ناس مايسالوا عنك ...عادي عيشي حياتك وماتعملي لهم دور وحجم من الاول

اهلك مايعرفوا الا اللي يريحهم ومصلحتهم تقدم على اي مصلحه لكي لو راحتهم تتقدم على مستقبلك اهم شيء هم يرتاحوا حتى لو عشتي اتعس وحده

اما انه البنت والسمعه ..لالا خذي راحتك لانه بالاخر الفاسد هو الي ياخذ اشرف بنت والبنت السئه الي ماعندها اخلاق وتاريخها اسود عااادي المجتمع يتقبلها وتعيش باريحه وماتكلها الا البنت الي معقده حياتها على كلمة السمعه والشرف
ماعاد في شرف بشيء
الحياة كلها صارت بالمقلوب

هذا الي جالسة اعيشه ...حالة احباط
مصدومه بكل شيء حوالي مصدومة بناس كثيره
وناس قريبين مني وناس كنت اعمل لهم حساب كانوا قدوتي وكنت متاثرة فيهم

صرت فاقدة الامل من كل شيء من ان اي شيء حواليني يتغير
حاسه في شيء من جواتي اتكسر كاني كبرت 80 سنه والله
ماعاد في شيء يبسطني حتى لمن اخرج او احاول اغير جو اطلع وارجع بنفسية اسوء
لاني عارفه انه شيء موقت ...علشان كده بطلت حتى احاول ارفه عن نفسي !!


كل هذا عادي اقدر اتعايش معاه ...ما ابغى اوصل لمرحلة الياس .او اني اكون شخص جاحد لربنا
دايم احاول اذكر نفسي بان الله اذا احد ابتلاه وانه يارب اجر بس مو قادره اتجاهل الي عايشه
احس صبري نفذ والله ابغى اتصبر ماعدت اقدر اتحمل

هذا وانا انسانه ايجابيه وقارئة حاولت جاهده اغير روتيني امشيء يوميا ساعه مثلا او اتعلم الطبخ او اتعلم واحاول اجهد نفسي بالتنظيف المنزل كلها محاولات فاشلة الفراغ احسه بقلبي بعقلي

ابغى نصيحه ايش اسوي كيف اطلع من هذا الجو الي رح يتطور ويصير اكتئاب حاااد
انا حاليا جالسه اعيش اوله

واعتذر على الاطاله ....وشاكره ردكم مسبقا