السلام عليكم ورحمه الله وبركاته

اولا اعتبروني بنتكم او اختكم وانا والله ابي المساعده ولاني لعابه زي ماقال واحد قبل
انا خلاص بستسلم للواقع وابي اعيش عادي معاه
وابي توجيهاتكم زي ماتوجهون اخواتكم
اهلي موب عارفين بالمشكله اخواني واخواتي ما يعرفون عني شي ولا احب اقولهم لانهم نقالين حكي
اختي نوره هي الوحيده اللي احبها من بينهم والحين عندها همها ولا ابي ازعجها فيني ولا عاد اشوفها ولا اكلمها زي اول


اختي مره كتبت لكم هنا عني قبل كم شهر
وحسبت المشكله انحلت
هذا الرابط
http://www.66n.com/forums/showthread.php?t=229134


انا تملكت عليه بشهر 4 في عطله الربيع اللي اسبوع
بعد كلام ابوي معي يقولي انا تعبان الحين وخذيه انا عارفه وعارف اصغر اسراره يعني مأتمن عليك عنده
وانا طول الوقت ابكي امي اخواتي كلهم طاحوا علي فجأه كلام
اختي الكبيره مره تكرهني تقولي انا تزوجت وانا اصغر منك بالغصب وش زودك عني
واخواني يقولون لابوي اضربها خلها تعرف ان الله حق
كلهم يضغطون علي من جهه
وتملكت عليه وانا احس اني ماكله هوا يعني ماستوعبت فكره اني وقعت عشان زواج
بعدها قلت خلاص انا مثل مايقولون حقوده بحاول اغير هالشي واكلمه عادي كلمته يمكن شهر كنت اتكلم معاه عادي وعشان تتأكدون اني كنت ناويه اتغير ويصير عندي عادي كنت مسجله صوته وهو يتكلم وصورته عندي عشان بس اتعود عليه
بس ماتحملت كل شي اكرهه فيه ينرفزني
اكره صوته ووجهة ابتسامته اشوف فيها خبث والله ماقدر اتحمل اشوف وجهه

انا ما اقولكم انه شرير هو طيب مره
يعني بالبدايه شرالي هدايا وعاملني باحترام كثير بس اذا هالشي جاء من شخص ما تستلطفه يصير شي مزعج

انا ماكتبت هنا الا لما صار موقف كرهت حياتي وكل شي
قبل 3 اسابيع يمكن (موب الجمعه اللي راحت ولا اللي قبلها ، اللي قبلها) < يارب تفهمون
دق علي الفجر قالي صحيني لصلاه الجمعه الساعه 9 قلت طيب
دقيت 9 قالي خلاص 10 ونص دقي بنوم شوي
بس انا نسيت ودخلت اتسبح
يوم طلعت دق علي وصار يصارخ علي ويقول صديقي يوم تملك محد يصحيه الا زوجته ومحد يسأل ويتطمن عنه الا هي وانتي ليه ماتصيرين زيهم وربي بلاني فيك قلت دامني بلوه وتبي زي الحريم خلاص اتركني وترى مهرك مالمسناه بس دق على ابوي وقوله رجع يصارخ ثانيه انتي اصلا هذا اللي تبينه وانتي مريضه كلام كثير عصبت وسكرت بوجهه

بعد الصلاة جاء لابوي هو صار يجي كل جمعه بعد الصلاه يتغدى مع ابوي ورسلت له اني اسفه عشاني سكرت بوجهك لاني ماتعودت اسويها مع احد وهو اعتذر انه قال عني هالكلام بعد هالكلام قلت خلاص الجمعه الجايه بنزل اسلم عليه ولبست زين ونزلت له طبعا قلت لابوي قبل وجلست معاه مع ابوي جلسوا يسولفون عن خطبه الجمعه وانها حقوق الزوجين في الاسلام زي كذا قالي ابوي حنا يومنا كبركم انا وامك كنا نمدد رجولنا اذا رجعنا من المزرعه وكل واحد يهمز رجل الثاني قالي ابوي انتو بعمرككم لازم تطيعون ازواجكم وتهمزون رجلين بعض عشان يعني اذا كبرتم تتذكرون قلت يخسى اهمز رجلينه وانا والله والله نسيت اللي جنبي اسمه زوجي نسسيت ولا جا ببالي ماتخيل اني الحين متزوجه
جلس ابوي يصارخ بوجهي بقوه لدرجه من الخوف اغمض عيوني وكل شي فيني تجمد قال فهد خلاص اطلعي فوق لما يهدى والله كرهت حياتي كرهت كل شي
كل شي صار فجأه وانا بعد اللي صار ماكلمته هو يدق وانا مارد ولانزلت تحت من 3 ايام كارهه كل شي وابوي يقول للخدامه ناديها تنزل تتغدى ولا لاتطلعين لها الاكل
وهي تطلعه بدون مايدري كارهه كل شي
وانا موب قصدي اقل ادبي عليه بس نسيت وش يصير هو

انا ابي اتغير بججد ابي انسى لو تعطوني شي يفقدني الذاكره عادي كلته
ساعدوني انا توني صغيره بجد ماعرف اعامل زوج واحس بيننا حواجز كثييره كيف اكسرها
كيف اعيش عادي معاه
زواجي 4 يوم بالعيد

المشاركة الأصلية كتبت بواسطة نيوتيلا حبيبتي في قسم ساعدني انصحك تنزلي فيه موضوع تطلبي استشارة مختصين مثل الاخ البليغ والاخ رجل الرجال والله يلهمك سبل الرشاد ويفرج همك ويكتبلك اللي فيه الخير يارب

قال الله تعالى

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}