كيف اتعامل مع الخيانة الزوجية - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 13-02-2006, 09:33 PM
  #1
ام حمووووودي
عضو جديد
تاريخ التسجيل: Jan 2006
المشاركات: 21
ام حمووووودي غير متصل  
cry3 كيف اتعامل مع الخيانة الزوجية

السلام عليكم

يمكن موضوعي طويل بس ارجوكم تقرونه للنهاااايه ارجووووكم

اي بنت تتمنى انها تلاقي الانسان اللي يفهمها وتفهمه وتعيش معاه على الحلوه والمره

وانا دايما احاول اهون على نفسي واقوول فيه ناس اخس مني ليش مااتحمل يمكن في يوم يجي الفرج بعد الهم

مشكلتي بدت من بدايه زواجي من اول شهر اكتشفت ان زوجي يكلم بنات وايد مب وحده ولا ثنتين

واجهته ويمكن مواجهتي له كانت غلط كنت ضعيفه ومازلت يوم واجهته قام يقول انه انا اللي غلطانه وهذا مب رقم وحده هذا رقم واحد رفيجي

وانا مسجله باسم حياتي لاني اعزه وايد

واللي يحز في الخاطر انه مسجلني باسم الاهل!!! المهم اصلا شئ واضح انه كانت وحده ومب واحد لانه رفض انه يتصل حق الرقم

واتهمني بعد الثقه....واني اتدخل وافتش في اغراضه... مع ان الموضوع كان مجرد صدفه غير مقصوده

المهم تكررت المواقف ولو بذكر لكم ماراح انتهي وفي كل مره كنت اواجهه كان يبرر موقفه بشئ ويطلعني انا اللي غلطانه

اخر شئ قررت اني ماادور من وراه ولاافكر فيه وانسى هالموضوع يمكن الله يهديه

بس للاسف احس الموضوع كل ماله ويكبر اكثر كثرت سفراته للبحرين والامارات

وكل مااقوله بسافر معاك يرفض وللعلم من تزوجته ماسافرت كلش وهو يمكن في السنه توصل سفراته 10 اذا مب اكثر

وفي الفتره اللي راحت في الاجازه قال انه بيسافر تايلند وسافر وراح مده شهر وقبل لايرجع كان يكلمني من المستشفى

قلت له اشفيك يقول مافيني شئ بس اسوي تحليل شامل اشوف اذا فيني شئ ولالا !!!!!!!!!!! انا هنيه فهمتها لاني مب غبيه

والحمدلله الله عطاني عقل افكر فيه

المهم بعد مارجع لقيت بين ثيابه اللي كنت ارتبهم قميص على كتفه روج وتبون الصراحه طنشت السالفه

ولاجبت له سيره عن الموضوع

بعدها جاني الفضول اني افتش في جواله واشوف مسجاته لقيت مسجات بالهبل من بنات وهو مرسل لهم يواعدهم في اماكن

وكله كلام حب في حب وانا محرومه منه

المهم هو الحين مسافر وبيرجع على اخر الاسبوع

على قولته يغير جو

انا رحت عند هلي في هالفتره واخذت الاب توب معاي مع العلم هو مايخلي الاب توب في البيت كله في السياره

بس ذاك اليوم نزله لانه بيسافر

مافكرت اني افتشه بس اليوم قاعده اشوف رسايل البلوتوث اللي في الجهاز

لقيت الشئ اللي ماتوقعت اني اشوفه ابد يمكن كان عندي شك بس ماتوقعت اشوفه

شفت افلام له مع بنات في تايلند وفيه حركات ماقدر اذكرها

انصدمت انصدمت انصدمت فيه صدمه عمري يمكن قلبي كان ممكن يسامحه على الاشياء اللي راحت بس احس اني مااقدر اسامحه ابد على اللي قاعد يسويه

انا قبل لااتزوج كنت اشوف نفسي حلوه مب غرور مني بس انا كنت دايما اسمع الاطراء من الكل علي اني احلى وحده في خواتي حتى اني تزوجت قبل وانا صغيره


بس الحين صار ماعندي ثقه بنفسي اقول اكيد هو يدور وحده احلى مني يمكن هو يشوفني مب حلوه

مع اني مب مقصره معاه بس هو اذا واجته بشئ طلعني مقصره في حقه وايد عشان مايحس بذنبه

مب عارفه شلون اواجهه بهالافلام لين رجع انا ابيكم تساعدوني مابي ادخل حد بهالموضوع عشان لايكبر

ابي احاول احله لاخر مره بروحي

ساعدوني

انا فكرت اني اقوله خلنا نطلع شوي واواجهه لين طلعنا بالافلام اللي عندي واشوف رده فعله

بس اخاف تكون مثل مااتوقع

ويطلعني انا اللي غلطانه

ارجوووكم تساعدووووني لاني قاعده عند هلي ومابي ابين لهم ان فيني شئ وانا دموعي والله واصله لو احد يكلمني بكيت

اعتبروني اختكم ولاتبخلون علي بنصيحه يمكن تفيدني وتهون مصيبتي

انتظركم
قديم 13-02-2006, 10:09 PM
  #2
م-سيف
عضو دائم
تاريخ التسجيل: Dec 2005
المشاركات: 63
م-سيف غير متصل  
تحبينه ؟

انتي تعلمين انه مسافر الان ... وانتي تعلمين انه في هذا الوقت ماذا يفعل ...!

هل تريدين العوده له ؟

كل شيء مكشوف لك الان

حتى ما استحى من افعاله قام يوثقها بأفلام ..!!!

انتي حره في تصرفك وفيما تختارين ....

هل الطلاق امر صعب عليك !

أعتقد انه لابد منه وخاصه مع رجل كهذا
قديم 13-02-2006, 10:23 PM
  #3
لمى 24
شمعة المنتدى التى لاتنطفئ
تاريخ التسجيل: Aug 2004
المشاركات: 1,507
لمى 24 غير متصل  
اختى الكريمه

انتى سيده الموقف

حاولى ان تكونى اقوى صبرا وأبدى بنفسك اولا

واسالى نفسك
هل تهتمين بمظهرك ؟ هل تشبعينه ؟هل وهل
ثم ابدى بالنصح سوء كان مباشر او غير مباشر
مباشر تقوليله تعال خلينا نصلى مع بعض قيام الليل
غير مباشر تقومى وتألفى قصه عن الزنا والامراض وكلام الرسول من زنا يزنى ولو بجدار بيته
وحبه حبه تلاقين نفسك ان شاء الله قدرتى تغيرينه
لاتتسرعى وتطلبى الطلاق او تخبر ى اهلك
حاولى انتى اللى تحلين المشكله
ولاتنسين الدعاء فهو سلاح المومن
واستعينى بالصبر والصلاه
ساعدك الله وعظم اجرك وجعل صنيعك فى ميزان حسناتك
__________________
اذا أردت أن يكفيك الله ماأهمك فقل سبع مرات
حسبى الله لااله الاهو عليه توكلت وهو رب العرش العظيم
قديم 13-02-2006, 10:27 PM
  #4
altegany
عضو جديد
تاريخ التسجيل: Feb 2006
المشاركات: 3
altegany غير متصل  
بسم الله الرحمن الرحيم
الأخت الكريمة
السلام عليكم ورحمة الله وبركاته
بداية توجهى الى الله سبحانه وتعالي ان يمن عليه بالتوبة والهداية
ثانيا :ـ انت امراة مسلمة كريمة لم تقابلى افعاله بمثلها 0 ثبتك الله على التقوى والهداية
ثالثا :ـ بكل حزم وعقل وتدبر واجهيه وقارعيه الحجة بالحجة وذكريه بالله وثوابه وعقابه لأنه هناك افعال للإنسان لا تؤجل الى يوم القيامة ومثل ذلك الزنا وقانا الله واياك شره
رابعا :ـ اختى الكريمة كونى حازمة ومثال للمراة السملمة الصالحة واجهيه بكل حزم
ونحن ندعو الله لك وله بالهدية والصلاح وجمع الشمل وان يجمع الله بنكما فى الخير
قديم 13-02-2006, 10:29 PM
  #5
ام حمووووودي
عضو جديد
تاريخ التسجيل: Jan 2006
المشاركات: 21
ام حمووووودي غير متصل  
المشكله اكبر من قرار اتخذه في هالموقف

لان بينا طفل وانا حامل

اعتقد ان اطفالي اولا افكر فيهم لكن الغيره تذبح

ومااقدر اتاقلم مع هالوضع ابدا

ابي رايكم

اواجهه بهالافلام ولالا

وشلون اواجهه عشان يعترف وانا ابي افهمه اني مستحيل اكون له ا لا اثبت لي انه تاب عن هالاشياء

يعني اعيش معاه جدام الناس بس

انصحوني شلون اواجهه بهالافلام
قديم 13-02-2006, 10:30 PM
  #6
عسـ مالـح ــــل
عضو جديد
تاريخ التسجيل: Feb 2006
المشاركات: 20
عسـ مالـح ــــل غير متصل  
اختي ام حموووودي انا مع الأخت لمى 24

لأن الرجل مهما كبر يظل طفل وانتي اللي تقدري تعدليه بصبرك

و الله بيجازيكي الخير على صبرك

أشوف انه الطلاق خيار أخير و لا تتسرعي و تطلبيه


لأن انتي بنفسك قلتي انك أهملتي الموضوع من البدايه لما اكتشفتي و هو حس انك مو مهتمه و تمادى بأفعاله


تقربي من ربك أكثر وادعيله بالهدايه

وحاولي معاه



الله يوفقك يا رب
قديم 13-02-2006, 10:34 PM
  #7
ام حمووووودي
عضو جديد
تاريخ التسجيل: Jan 2006
المشاركات: 21
ام حمووووودي غير متصل  
انا في البدايه كنت مهتمه للموضوع وكنت كل ماشوف عليه شئ اواجهه بس كنت اتعب نفسيا منه لانه مايعترف ويطلع كل الغلط علي انا

لا ويزعل بعد علي بالاسابيع وانا اللي المفروض ازعل مب هو

يوم شفت ان هالشئ تكرر اهملت الموضوع
قديم 13-02-2006, 10:35 PM
  #8
عسـ مالـح ــــل
عضو جديد
تاريخ التسجيل: Feb 2006
المشاركات: 20
عسـ مالـح ــــل غير متصل  
أكيد ضروري تواجهيه لأن الصراحه أهم شي بالعلاقه

بس بدون ما تحسسينه انك كنتي تفتشي وراه

خليها كأنها صدفه


و خليكي قويه وانتي تكلميه عشان يحس بصعوبة الموقف عليك .. خليه يحس انك جاده بكلامك

وانتي أكيد جاده


وضروري تقعدي ببيتك معززه مكرمه .. لا تردي بيت أهلك مهما صار ..




أتمنالك الخير من قلبي
قديم 13-02-2006, 10:38 PM
  #9
عسـ مالـح ــــل
عضو جديد
تاريخ التسجيل: Feb 2006
المشاركات: 20
عسـ مالـح ــــل غير متصل  
طيب بالأول كانت شكوك وما قدرتي تمسكي دليل عليه


و الحين عندك الدليل


وهو ما راح يقدر يقول شي


يمكن مواجهتك له .. تكون سبب هدايته


سبحان الله
قديم 13-02-2006, 10:49 PM
  #10
ترووفة
عضو جديد
 الصورة الرمزية ترووفة
تاريخ التسجيل: Feb 2006
المشاركات: 15
ترووفة غير متصل  

بسم الله الرحمن الرحيم

اختى بالله الله يعينك على هذه المشكلة وتحلى بالصبر وارجوا منك انك تصلى صلاة الاستخارة

وتشوفين اللى يكتبه الله والله عطاك عقل تمزيين الصح من الخطا وياعمرى أفضل من ينقلك مرض معدى من

كثر السفرات توكلى على الله وماراح تضعيين ..




تحياتى******************
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:01 AM.


images