طيب تقدري تنتظري الين يرجع وتقولي له ؟ ولا شيء مستعجل؟

مقرره انتظر ما ابي اخرب سفرته
اذا مزاجه اعتفس معناته ما بيقدر يعطي في شغله
واذا ما عطى في شغله معناته بيرجع الديرة متكدر وبيحس روحه ما انجز مهمة عمله!

اتصور ان بنتظر !!
في نفس الوقت خايفة يلومني اذا ما قلت له او ترتب امر ما على عدم اخباري له

بس غالباً ان بنتظر!

أنا برضو رأيي تنتظري،

وان شاء الله مايصير الا كل خير..

كملي جمايلش ودرسي الولد .. ما بقى شي على الامتحانات ويخلص بأذن الله

وموضوع المعلمه أجليه مو لازم يعرف الحين

__________________
وهل من مصير اخر ؟

هذا اللي افكر فيه يا كوكي
مو المشكلة ان الولد يروح يوم ويغيب عشر
وقاعد يغيب ايام الامتحانات
اتصور فاته امتحانين ..

امتحانات ويتغيب فيها ,, الله يهدي امه ,, تنتقم في عيالها لا حول الله

طيب عم الاولاد خل يتدخل ويكلم زوجش .. الموقف مش مناسب تتكلمين فيه

امهم بتعتبرش الفتانه المخربه .. بعد ما يرد زوجش ناقشيه في هالنقطه ان مسؤلية الاولاد

لازم يحلونها بينهم ومالش دخل في الوضع لتنفهمين بطريقه غلط

__________________
وهل من مصير اخر ؟

نصف الغياب لأن الولد على طول يمرض
أما النصف الآخر فالولد من يقول تعبان أو يكح شوي تخليه يغيب

صارت سالفة كبيرة لأن عمة الولد قالت حق امه ان الولد مستواه قاعد يضعف
بسبب ان محد يدرسه أو يحل معاه واجباته أو يهتم بأمور دراسته
ولما الأم ما اهتمت .. العمة كلمت خالته
وصارت مشكلة كبيرة أدت الى اتصال الام بالمعلمة وهزئتها

سبق وحاولت افهم زوجي ان انه انفهم غلط
قال لي انتي خبريني بكل شيء وانه بتصرف بطريقة ما توقعج في مشاكل

وللأمانة الام مو قصدها تنتقم من عيالها ابداً عشان نكوم منصفين
قبل كان زوجي يقوم بهالمهمات .. من ايقاظهم وتلبيسهم للمدرسة ووو
لأن هي من البداية كانت ما تبي تسوي جدي
وكان بينها وبين زوجي مشاكل عشان هالنقطة

ابوهم ما يدق على العيال يكلمهم ويشوف وضعهم ,, انتي لمحي له بأن يسأل عليهم وعلى دراستهم من غير استغراق في المشكله ويحط اللوم عليش

__________________
وهل من مصير اخر ؟

البارحة سألته من سافرت للحين اتصلت بعيالك قال لا
قال انه يكلم البنات بالواتس اب ..
قلت له اتصل فيهم اسمع صوتهم اطمئن عليهم
ما اعرف شلون فهمها ان اعاتبه ان مقصر
حاولت ألطف الموضوع قلت له التقصير ما يجي منك واللي تقدر عليه تسويه
قال انه مو قادر يحك راسه وانه معتمد عليج شوفيهم اطمئني عليهم
ابي احس ان فيه احد اعتمد عليه في البيت

وقبل شوي صارت مشكلة جديدة عشان الشغالة
على طول كتبت له تسمح لي اتصرف بنفسي اذا فيه مشكلة بخصوص الشغالة ؟
قال لا مو مسموح انتظري اذا رجعت

ما كان ودي اقول له بس لازم آخذ الاذن
وانه بصراحة مليت..
ما ابي المشاكل احش نفسي على اعصابي
انه اصلا في بيت اهلي حاليا و ازور بيتي مع ذلك المشاكل لاحقتني
باقي 9 ايام على رجعته
ما اقدر ارد عليها وعلى مشاكلها والسكوت يحرقني بس ساكتة عشان خاطره
ولا ابي اكسر كلمته واخلاقي ما تسمح لي 😓😩

شسوي ؟؟؟