السلام عليكم ورحمة الله وبركاته
صباح الخير .. كيفكم ياجماعة
انا باتعذب بجد ونفسي افضفض..ياريت حد يسمعني بدون مايجرحني أرجوكم

انا بنت في نص العشرينات بس شكلي اصغر واحساسي برضوا أني لسه طفلة، بفضل الله يحاول اقرب من ربنا عمري ماكان لي علاقة مع شباب أبدا زملاء الجامعة بشوفهم زي إخواني ، ولا حسيت للحظة أني مشدودة لحد
وكل صحباتي مستغربين عدم ارتباطي عاطفيا باي حد.. وما مصدقين معقول مافي حط قدر يلفت انتباهي كل السنين دي ودة مش الشي الطبيعي للبنات في السن دة طبعا..
بس بجد اول حاجة طبعا خوف من ربنا وانه غلط.. وبرضوا بجد مش حسان أني عني مشاعر لأي حد اكذب يعني انا فعلا شايفهم أخواتي..هم ف سني وفي اصغر مني .. عمري ما حسيت بانجذاب البنت للراجل..أبدا..

انا طول الوقت بس همي المذاكرة .. واني كيف اكون من المتفوقين بفضل الله كنت دائماً كدة..مابعرف حاجة غير المذاكرة

واتخرجت.. انا خريجة طب على فكرة وبعدها نزلت أعمل الامتياز، ف اخر شهر فيه تحديدا اتعرفت على دكتور..
من أول مرة شفته وعيني جت ف عينه اتلخبطت وحسيت إحساس عمري ف حياتي ماحسيته
.. انا مش طفلة ولا مراهقة .. ماحقدر اوصف الإحساس بس كأني اتكهربت..


بس كنت بطنش وخلاص حانسى .. بعد فترة شفته في المستشفى روحت سلمت عليه وفكرته بنفسي
كان مؤدب ومحترم بشكل.. أداني رقم تيلفونه لو احتجت اي حاجة ومشي...

المهم مع الايام علاقتنا زادت.. كنت بحضر معاه.. عرفني على العيانين بتوعه وشرحلي كل حاجة هو اكبر مني بكذا سنة...
انا اليوم ده ماجالي نوم..إيه اللي بيحصلي دة
انا عمري ماكنت كدة..وهو بيتكلم حسيت انه مافي حد غيرنا .. فجأة الدوشة بتاعت المستشفى وناس رايحة والعيانين.. كأني ماسامعة ولاشايفة حاجة غيره...

ومرت ايام وانا مشاعري بتزيد كل يوم .. وانا بجاهد فيها.. بقول لنفسي انتي مجنونة ؟وبعدين ،،هو خاطب، انتي بالنسبة ليه مجرد وحدة من ضمن مئات الامتياز اللي بشوفهم كل يوم وعمرك ماحتزيدي عن كدة ..
وكيف اصلا تفكري فيه كدة، انتي الوحيدة اللي حتتعذبي في النهاية
بس بجد .. قلبي ما بايدي...
ويقنع نفسي انها مشاعر اعجاب عادية بتروح مع الوقت

هو في البداية كان بيعاملني زي اي وحدة زي ماقلت.. كأخ يعني
بس بعد شوية حسيت انه بدأ يتشد لي ومشاعره تتطور ،، ماعارفة اذا كان احساسي صح ولا لَا..
بقى يهتم بي اكتر..ويخلق حجج عشان يفضل معايا

وف مرة كان عندي مشكلة في الشغل ساعدني فيها ودافع عني.. ماعارفة ليه من اليوم دة حسيت انه فعلا بقى مهتم بي اكتر... بس طبعا ولا حد فينا قال حاجة ولا حتى لمح

و لما قلتله انا فاضلي أسبوعين واخلص.. اتصدم كان حد خبطه.. اتاثر كدة وقاللي انا ماكنت بشوفك قبل كدة
وكان شكله حزين وقاللي لو محتاجة اي حاجة كلميني .. كان عايزني افضل اكلمه بعد ما اخلص..
وانه حيساعدني ف اي حاجة...
وحتعملي أيه بعد كدة.. واحنا لازم نبقى على تواصل
وشفت ف عينه نظرة عمري ماحنساها .. فضلنا ساكتين عيوننا ف بعض من غير مانقول ولا حاجة
وانا قلبي كان بيدق بطريقة فظيعة ...

انا مستغربة من اللي بيحصل دة .. هو بيعمل كدة لية.. أية اللي يخلي واحد خاطب يحاول يقرب من واحدة تانية..
هم مش متجوزين ليهم سنين وزهقوا من بعض..
ولا انا بس بالنسبة ليه بنت جديدة مختلفة عن البنت اللي خاطبها
واحتمال اكون تسلية بالنسبة ليه.. او بيلقى نظرة أخيرة قبل ما خلاص حيتجوز وتأتي ماحينفع يكلم بنات ...


مرت ايام حلوة كتير .. وذكريات ..

ل حد ماجه اخر يوم لي هناك .. كنت لي فترة غايبة ما بروح
وروحت عشان اختم اوراقي بعد ما خلصت خلاص..
اول ماشافني اتفاجا وفضل ساكت كدة.. وشكله كان متضايق شخص مختلف خالص عن اللي عرفته الفترة الفاتت
سلم علي.. طلبت منه يمضي لي على الورق..انا كنت بحاول امثل طبعا أني عادي وبالعكس فرحانة أني أخيرا خلصت
مضى لي وقاللي خلصتي خلاص الامتياز؟ كان بيتجنب عينه تجي ف عيني.. كانه ماعايز يشوفني ..عيونه في الارض مضى لي الاوراق وقاللي شدي حيلك وذاكري كويس واتمنى لي التوفيق وراح...

وانا رجعت البيت.. حسيت انه حتة من قلبي اتقطعت وسبتها هناك.. بقيت ببكي بحرقة
قلبي اتكسر حتت..
انا ما مصدقة اللي بيحصل لي
كل المشاعر اللي كنت دافناها تتفجر كدة ؟ ف وقت غلط ومع شخص مستحيل انه الموضوع يمشي
ياريتني ماكنت شوفته
فات شهووور من اليوم دة .. وانا لحد الان ما قادرة أنسى..ابتسامته..نظرته لي.. حتى لما يقول اسمي قلبي بيدق بسرعة

انسان محترم وراجل عمري ما شفت زيه ..شخصيته طريقة كلامه.. حاجة كدة فوق الوصف

انا مش هاعمل اي حاجة تجرح مشاعر بنت زيي مهما كان.. انا بجد كان نفسي نتلاقى قبل ما يرتبط بس خلاص إرادة ربنا
انا ماحكذب لو قلت أني ببكي كل ليلة لحد ما أنام وما عارفة اذا حافضل في العذاب دة كتير
انا بعدت عنه نهائي وغيرت رقمي.. ماعايزة حاجة توصلني بيه .. اي تعامل بينا حيبقى خيانة ودة اللي عمري ما حاستحمله..

العذاب اللي انا فيه ماحيحس بيه الا اللي حب بجد واتحرم ف لحظة من كل حاجة...
حاسة بكسرة قلب والم ماكنت اتخيله..

وانا بجد مبسوطة عشانه.. مجرد ما أتخيل انه مبسوط بحس أني بجد فرح انه وما عايزة اي حاجة تاني
كفاية علي الشهر اللي عرفته فيه.. ووقفته معايا.. وانه خلاني احس إحساس جميل وغير نظرتي لكل حاجة
بجد ربنا يسعده ويرزقه كل خير .. ويارب نجتمع في الجنة ماعارفة اذا ينفع اقول كدة


لو في شباب بتقرا ارجوا أنكم تردوا علي ووضحوا لي الموضوع من وجهة نظركم
يعني تصرفاته دي إيه؟ واهتمامه بي معناه إيه
انا شكلي عادي خالص ومابحط ميكب.. ولبسي واسع بحاول أتقرب من ربنا حتى
عمري ماسلمت عليه ف ايده.. يعني قصدي هو عارف ومتأكد أني مش من النوع اللي لو كان الشيطان صور له انه ممكن يلعب بي مش حيو صل لأي حاجة..

ولا كان حابب يعقلنا إحنا التنين
إحساس انه خاطب وفي واحدة تانية ف حياته ده حسسه انه مميز ..
انا بجد احترت .. سامحوني على طول الموضوع بجد شكرًا لوقتكم ياااارب ببركة وقت السحر اي حط عينه حت عالموضوع او رد علي أمطر عليه من خزائن رحمتك


انا متقبلة كل آرائكم وادعو لي أني أنسى ربنا يفرحكم يارب
ياااارب اجبر كسر قلبي واعني يا أرحم الراحمين

والسلام عليكم
في حفظ الله

كرجل استطيع ان افهم شعورك على اساس انه شعور عاطفي عادي لانك لم تتعودي على هذا التبادل في الاحاسيس مع الطرف الاخر فلما وجدت بعض الاهتمام من شخص يمتلك بعض المواصفات الايجابية وقع لك نوع من التعلق النفسي الان انت عليك ان لا تنتظري احدا فهدا الانسان قد يكون اعجب بك لكنه على ما يبدو لم يتعلق بك كليا و الا لصارحك بميوله وطلب التقرب اكثر والتعارف اكثر اظن ان افتقادك لتجارب اعجاب سابقة ساهم في مبالغتك بالتعلق به وانا اقول لك اختي بكل صدق بعد مدة سياتي من ينسيك اياه فلكل رجل جاذبيته المتفردة كما المراة كبري عقلك فانت واعية وناضجة والامر لا يعدو في نظري ان يكون موقفا عابرا اعطيته اكبر من حجمه الحقيقي ارجوك ان تقطعي اي تفكير فيما مضى وان تنظري للمستقبل فامامك الابواب مفتوحة وغدا ستقولين لي صدقت اخي فقد جاء فارس احلامي الحقيقي للزواج بي تفائلي واستبشري وتقربي من الله سبحانه

__________________
اسالك من دعائك الصادق دعوة

ينقل الى قسم

العلاقات الاسريه والاجتماعيه

حيث مكانه الانسب

.

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014