مستجدات
الرد 80
http://www.66n.com/forums/showpost.p...9&postcount=80

مستجدات
الرد 95
http://www.66n.com/forums/showpost.p...4&postcount=95

في الخطبه انت غلطان وهي صح
بس بعد الملكه المفروض عادي
و البنت مثل ماقالت لك
امها وابوها رافضين
وهذا دليل ان البنت على نياتها
ولا هي راعية لف و لا دوران
الله يتمم لكم على خير

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

ولو سوت هالشي من ورا اهلها وحتى لو كان برضاك ممكن تظن فيها ظن سيئ حتى وهو حلال برضو

المشكلة مو قلة الاهتمام ولا لها علاقة فيها وانت عارف هالشي..

بس البنت ممنوعة ومو من عادات اهلها وبيئتها التواصل بين المخطوبين.. ليش تحط الحيل فيها؟!

__________________

اختلافي عنك لا يعني اختلافي معك

عليك مصارحتها بذلك وان ذلك يزعجك
صارحها لكن باسلوب متفاهم ولطيف
لاتستخدم معاها الغضب والعصبيه كن هادئا

اختي الكريمه ، كلامك صحيح
بس اللي يضايق انها تقول لإختي مره: مااقدر ارد عليه ولا اكلمه ، انا لو يدري ابوي عني اني بتويتر اسوي ( ريتويت ) لشباب ذبحني !!
انا يوم سمعت هالكلام من اختي عذرتها وللعلم هذا الكلام بعد الملكه .
ولكن لما دخلت حسابها لقيت ريتويت عد واغلط لشباب وازيدك من الشعر بيت ، وترد على شباب بعد !!

بالله هذي تعذرها ؟؟!

بالعكس ماراح اظن فيها ظن سيء ، عادي الموضوع حتى فقط واتس اب اللي انا ابيه ، يعني حتى ماوصلت لمكالمة الصوت !

وبالنسبة لكلامك عن عادات الاهل ومالاهل ، اقرأي ردي على الاخ/ اخت حبق ..

انا اسف ممكن ان من كلامي في الموضوع تظنون اني على مايقولون جفس او ديش ، لكن لا والله انا كلمتها بكل هدوووء وان هذا الامر غلط واني اتضايق ، انا ابي احس بوجودك في حياتي ، الثقل زين لكن مو لهالدرجة .!!

اهلااا...

انا اشوف ردت فعلها طبيعيه و لأسباب..

لان الخطبة طويلة جداا... فتصرفاتها طبيعيه..

بعدين في شي و لا تأخذني فيه...
مايصلح تروح وراها ببرامج زي تويتر..
خلص عندك واتس اب.. ماردت.. ليه تروح تويتر؟ كأنك تضيق عليها..
نفسيااا ما احسها حلوه..
هذا انت انقهرت شفتها تسوي رتويت لمغردين.. و انت ماترد عليك..

تبيها ترد عليك..

حدد موعد الزواج بعد لك حق تواصل ..

اعتقد كذا نظرتها..
وهذا الافضل لكم.. لان خطوبتكم اول طويله و يمكن تطول بعد..
فهي تمشي بمبدأ السلامة..

و يمكن يظهر عليك الطيش.. باسلوبك.. هذا يدعو للخوف من جانبها ترى..
خلك رسمي.. اكثر.. وكلامك وحتى رسايلك اقل و اخف.. مو مندفع..

البنت اعرف بالبنت من ناحية تغيب عن الشباب
في اشياء لازم توضح وتوضع عليها النقاط على الحرووف
وانا بتكلم بمصداقية واعذرني على صراحتي نوعا ما

عمر خطيبتك اولا سبب مهم يحدد سلوكها وتصرفاها
بغض النظر عن العادات والتقاليد ممكن تكون لها دهل بنسبة بسيطة
+ تربيتها وقناعتها
وهاشي لازم تعرفه بهالفترة
وبصراحه اكثر البنت اذا تعلقت بخطيبها مافي شي يعوقها
لا امها ولاابوها عشان تتواصل معه وتهتم فية وتظهر حبها
نقطة انك رسلت في الواتس وراحت اشتكت لاامها تصرف غريب من وجهه نظري
لان المفروض على اقل شي ترد باسلوب لبق هلا حياك الله وتسال عنك
دامهها قلت انها ترد على اضافات الشباب في التوتير وكذا يعني انسانه عندها تفكير واسع
فليش تحجر واسع وانت زوجها شرعا
موضوعك من اوله الى اخرة في كمية قهر
ليش لان اخوي نفس موضوعك بالظبط ملك وماتعطيه اهتمام بصراحه حنا تدخلنا
نسالها انتي مجبورة ولا راضية لان اخوي تعب نفسيا
من عدم اهتمامها وتجاهلها
لكن لخطيبك وعفوا يعني انا ماشوف اي مبرر او عذر يخليها تتتجاهلك باهتمام بسيط او سؤال
يفرحك
عموما انت اصبر والله يتمم لك على خير

__________________
مازلت عالقة بين الطفولة والنضج تارة طفلة اشاغب وتارة انثى رزينة

اختي الكريمه ، ردت فعلها طبيعيه لما يكون كلامها واحد
مثلاً : تقول لي انا مااقدر اكلمك بسبب اهلي وامي وابوي يتابعوني بتويتر وابوي اذا شاف حسابي بتويتر اسوي ولو ريتويت لشباب ذبحني !
وبعد فترة دخلت حسابها بتويتر ولقيت شباب عد واغلط وبعضهم ترد عليه !
( انا احق بالشباب اللي تسوين ريتويت لهم وتردين عليهم منهم )

وبالنسبة للرسائل ،ففي فترة الخطوبة كنت ارسل لها بتويتر مع العلم ماردت علي ولا مره ( وانا اعذرها ) لاني خطيبها .

وبعد الملكه صرت ارسل لها بالواتس اب ، ومافي اي تجاوب . عليها برودة اعصاب ماهي طبيعيه .

وبالنسبة اني طايش بإسلوبي ، لا والله ماني طايش بإسلوبي معها ... تدرين مابديت ابين لها اني متضايق من تصرفاتها الا بعد سنة تقريباً من الملكه ، طوال ال 10 او 11 شهر كنت صابر وماسك نفسي قلت يمكن تجهل يمكن اهلها فعلا مشددين عليها لكن الايام تبين لي عكس كلامها دائماً .

البنت عمرها 19 وداخله على ال 20 سنة الله يطول بعمرها لطاعته ، وبالنسبة لبيئتها ، هي ماعندها الا اخ واحد وماجاء الا من سنتين تقريباً الله يحفظه يعني اللي عاشت معهم غالب عمرها كلهم اخواتها ماشاء الله ، انا مثلك قلت التربية ومالتربية ، لكن الموضوع مو موضوع تربية وبيئة وغيره ، الى الان مافهمتها زين لانها متناقضه تقول كلام وتسوي عكسه ...

طيب (( نقول ان اهلها مانعينها ، وتستحي ترد علي ))

اختي حسب كلامها : تقول ماتسأل شبه نهائي عنك !
يعني ولا كأن في حياتها ، واذا سألت سؤال بسيط كلمه وردي غطاها !

ياناس انتم اعلم ان مااطلبه امر طبيعي وقد ذكر الله بالقرآن ( وجعل بينكم مودة ورحمة )

وللعلم انا سألتها بنفسي :
قلت: يابنت انتي تبيني ولا لا
قالت: لو ماابيك ماوافقت

قلت: طيب ليه هالتصرفات اللي اشوفه ؟
نفس الكلام: امي وابوي يمنعوني ومدري ايش !

وبالنسبة للتجاهل ، هي متبلدة لاخر درجة ، اذكر سويت عمليه جراحية وارسلت اختي ( بعد الملكه ) : قولي له حمدلله على السلامه .
عجزانه ترسل !!!!