طبعاً للي يسأل ليش ماتآخذ معك أحد ؛ لأني أعتقد ان قبولهم المبدئي دليل انهم سألوا عني وعرفوا تفاصيلي ، فأذهب لوحدي لأعطي والد البنت إيحاء عن ثقتي بنفسي وكذلك وهو الأهم ليأخذ راحته بالأسئلة وآخذ راحتي في الاجابات بعيداً عن أعين الأقارب

توقعت انه يكون هذا السبب وفعلا صح انه مايكون كل شي مفتوح امام الاقارب عشان كذا اعتقد اخوك احسن حل حتى لو اصغر منك انت اللي تتحدث لكن وجوده سند لك ومريح لاهل البنت انه فيه احد من اهلك حولك

لازم تاخذ واحد من عمانك احد كبير من العائلة..

عشان يتأكدو من جديتك.

لحالك ما يتأكد من جديتك..

جديتي واضحه من خلال تواصل اهلي معاهم .. كذلك قالوا عادي تنتظر لين تخلص البنت امتحانات ونفتح الموضوع قلت لا ، ابي هالحين تكلمونه ونشوف وش حنا عليه .. واذا الله كتب نصيب ، الزواج مو مشكله لو تبونه بعد سنة

المهم بالفتره الحالية أعرف أنها لي ولنا لها ويروح قلق البحث والتدوير ووجع الراس

العقل والمنطق يرفض فكرة اني آخذ اخوي معي

المهم العادة والاصول انك تاخذ ابوك معك..ابوك غير موجود، تاخذ عمك اواحد كبير من العائلة..

انت تدري في ناس لو تجيهم بدون ابوك راح يطرودنك؟؟

واذا اخذت احد كبير من العائلة ايش المشكلة ؟ ليش ما تبي تاخذ احد انت من العائلة؟؟

اعتقد وضحت السبب ليش ابي لحالي

قبلوا بي مبدئي يعني فيه نسبة رضا كبيرة ، وقالوا تعال رسمي يعني يبونن اطلبها بعيداً عن الحريم والاهل ، لأن البداياات كانت منهم

لذا اروح لحالي عشان يآخذ ابوها راحته بالاسئلة وآخذ راحتي بالاجابات
بعيداً عن أعين الاقارب

هل الأسئلة ستكون محرجة
كيف يعني تاخذ راحتك
انت قلت انك شخصية واثقة من نفسها و متحدث جيد
فلن يهمك من يكون معك. و لن تكون اسئلة محرجة

__________________

اخي نحنا هالشي طبيعي بمجتمعنا.
اما اذا كان عندكن اختلاف روح لوحدك اول مرة وطبعا الافضل تشرح وجهة نظرك لوالد العروس وتوضحله انو مجيئك لوحدك لياخد راحته بالاسئلة ويعرفك منيح
وبعد الموافقة من كلا الطرفين بتجيب احد من العيلة بالمشوار التاني
اسأل الله ان يقدم لك كل الخير ويرزقك الزوجة الصالحة وبتمم خطبتك كما تتمنى
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

بصراحة امرك غريب
الي نشوفه حولنا انه الشاب يستحي يروح لحاله اول مشوار لبيت العروس حتي و لو هو شايف العروس قبل يستحي من اهلها يبغي احد معاه يشجعه لو شاب من عمره
و بالنسبة للحرج تتكلم قدام قريبك
ما اشوف حرجك منطقي
بيسالوك عن رصيدك في البنك يعني !!!!!
كلها اسئلة عامة من قبيل وظيفتك .تعليمك .عندك سكن خاص فيك و كدا
ما فيها حرج
بعد ما يتم القبول بينكم اكيد اول من يسالوه عنك و عن اخلاقك .صلاتك هم قرايبك الي انت ما ودك فيهم معاك

__________________