السلام عليكم ورحمة الله وبركاته ..

مررت بفترة فتور وتركت الكروشيه .. هوايتي المفضلة منذ الصغر ..
وكل يوم أقول برجع اشتغل عليها على الأقل استفيد من وقتي واقضي على الملل والروتين ..
وكل يوم أقول بكرا ..
البارحة وأنا جالسة تذكرتها .. قلت مافيه فايدة كل يوم أقول بكرا . خلني ألحين ألحين أقوم أجيبها واشتغل عليها ..
وقمت مباشرة وجبت خيوطي واشتغلت عليها وناوية استمر إن شاء الله ..

هالمرة قلت بغير عن اللون البيج .. سابقا كنت ما اعمل شراشف إلا باللون البيج على اساس إنه محايد .. بس مليت وحبيت أضيف ألوان إلى حياتي .. نعم حياتي .. لأن الكروشيه هو انعكاس لما بداخلي .. وهو فضفضتي .. فخليني أتفاءل وأشوف ألوان اكيد بينعكس ايجابيا على نفسيتي ..

لما يكمل الشغل بحط لكم صورته بإذن الله ..
لحد الآن مش واضحة عندي الصورة ومش عارفة بالضبط اللي راح اسويه .. بس غالبا لااح اشبك الدوائر مع بعضها وأعمل منها لحاف بيبي أو شرشف طاولة ..







شكرا أم ملك .. ذكرتيني بالقسم ..

ماشاءالله تبارك الله ...شغلك متقن ..والالوان حلوة ..
عاد تصدقي هدا الشغل الوحيد الي مااتقنه ..مرا مااعرفه ممكن لاني ماحبيته ...او لان المعلمة الي كانت تدرسنا مادخلت مزاجي ...

واحس يبغاله تركيز وطوله بال ...

يلا خلينا ننعش دا القسم ..ونغير جو عن المشاكل

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

إذا الشغل مب حابته صعب تتقنينه وتبدعين فيه ..
أنا بنفسي احبه لكني أشوفه صعب ومتعب ومش عارفة أبدع فيه ..
أيه والله بس ملينا من المشاكل ..

شكرا ياقلبي على مرورك ..

ماشاءالله تبارك الله .. شو هالابداع

لا تكسلين الله يخليك كملي الشغل تحمست ابي اشوف شو بيطلعون في النهاية وما فيني صبر خخخخ

خاطري اتعلم الكروشيه لكن احسها صعبه ومستحيل اتعلمها مع اني ما جربت بس كنت احاول اشوف فيديوهات بس ما اكملهن الصراحه صعبه ...

__________________

ما شاء الله تبارك الله

نفسي اتعلم اشتغل بالابره

اعرف للسنارات بس الشغل ما يخصل معي بسرعه زي ما اشوفكم هنا

__________________




سبحان الله وبحمده ♥
سبحان الله العظيم ♡
♥♡♥♡♥

طلعي الابداع المستخبي ام الدانة ...

ماشاء الله تتقنيها مع اني مااحب اشتغلها لكن يعجبني اتفرج عليها...

واصلي واحنا متابعينك يا عسسسل

عجبتني الألوان كثير

يالله خل نشوف وين بينتهي الشغل

حلو أكون بمقعد المتفرجات بدل العاملات هههههه

__________________

متابعة

__________________




( اخوتي و اخواتي ان لم تجدوني بينكم في الجنة فسألوا عني )

جمال ما شاء الله
حبيت تناسق الألوان .. ألوان جميلة تغمر حياتك كلها إن شاء الله
ننتظر الإبداع : )

__________________

لا لا إن شاء الله راح أكمله .. على الأقل هذا العمل وبعدين يصير خير اعمل غيره أو أوقف <<< من أولها ؟
تصدقين أنا بعد مافيني صبر
صح هي صعبة شوي .. أنا يمكن اللي سهلها علي إني تعلمتها في صغري .. تقريبا لما كان عمري 10 سنوات .. امي الله يجزاها خير أخذتني عند حرمة تعلمني على الأشغال اليدوية ..
شكرا لمرورك حبيبتي ..