اخوانى اخواتى

بعض الضروف تجبرك على النوم بعيد عن صجة الاطفال

يعنى انت بالمجلس والمدام بالغرفه

هل هذا يؤثر على المرأه او على العلاقة الزوجيه

طبعا مافى زعل ولكن الدوام يبيله صحوة من بدري واية صياح باليل يطير النوم

مع اعطائها جميع حقوقها

اتمنى من الجميع المشاركة واللى مرة عليه يقول لنا ايش سار معه ؟؟

والله هذه مشكله اعاني منها

زوجي ينام بالصاله وكم مره اترجاه ينام بالغرفه وينهي الموضوع بصرخه مدويه منه ( خلاص قفلي عالموضوع )

واحيانن يتعذر بطريقه غير مباشره ويقول عشان مايزعجني بشخيره مع انه مايشخر

حتى لو ماقصر بحقوقي لكن ابتعدنا عن بعض

لان اول لما كان ينام بالغرفه كنا نسهر ونسولف للصبح ومانحس بأنفسناابداما اللحين حتى اخباره ماأدري عنه

والله مو مسامحته على هالعمله..؟ خصوصا اني كنت اتعب نفسي عشان اهيئ له الجو وكنت اطلع برا الغرفه ببنتي اذا بكت او مرضت عشان ماينزعج

عساني القى اللي يفيدني بموضوعك

الله يجزاك خير ويوفقك بس اياني واياك تنام بغرفه ثانيه

ترى والله والله والله يجرح الزوجه

__________________

سبق وطرحت فكرة شبيهة لموضوعك بموضوع اخر أخي الكريم فربما تجد الفائدة فيه بإذن الله

http://www.66n.com/forums/showthread...=215194&page=2

__________________

مشكورة اختى على التوضيح

الله يجزاكى خير

صادقه انا جربتها وهو زعلان فترة شهر
لأنه كان ينام فوق عند اخته لكن هناك ماستدعي ذلك فعذرته
والان وهو مريض احيان يقلي بنام بالمجلس مافيني حيل اروح الغرفه
اقوم اجيب فراش وانام عنده عالكنبه برغم ان نومي خفيف لو يبي شي واتصل
على الجوال اقوم بسرعه لكن سبحان الله تعودت انام معه بغرفه وحده
واحلى شي اللي ذكرتيه لمن نجلس نسولف الين احيان يأذن الفجر وحنا مانمنا
وورانا دوام هههههه ونجلس نضحك وخلاص اقوم اعمل فطور ونصلي ونتجهز للدوام
لان لو نمنا بنقوم كسلانين ومافينا حيل
الله يعينك اختي وإن شاء الله امورك تتسهل
عندي لك فكره بسيطه لمن يبي حقه الشرعي
اشرطي عليه ينام بالليل بالغرفه طبعا جيبيها بمزح فهمتي؟
انا احيان استغل هالنقطه واطلبه قبلها طلبات ههههههه ويوافق:14:

واقول لصاحب الموضوع مالك داعي تنام بغرفه وهي بغرفه
اجل ليش متزوج؟
عذرا حتى لو بدون ماتقرب منها ترا نومة الغرفه لها لذه وراحه عندنا انتوا يالرجال ماتعرفوها
ماتعرفون من الزواج الا العلاقه ترا في امور بسيطه لكنها عندنا لها قيمه كبيره

انا ضد هذي الفكره
مستحيل اخليه ينام برى الغرفه حتى لو يبا ينام لحاله انا اخرج من الغرفه واخليها له
وهذا طبعا فحالة يكون تعبان او متضايق
لكن ينام فالصاله او بالمجلس مستحيل اصلا اولاده ينتبهون ويسالون ليش بابا نايم هناك
حتى فالزعل نظطر نام بغرفه وحده وبمناوبات

طبعا اذا متفاهمين اكيد مافيها شي بس مع الوقت تاثر لان الوضع شبيه بوضع الطفل اذا تعود على
النوم بحضن امه حتى لو كبر ماراح يبعد عن الحضن بسهوله والعكس صحيح
فعشان كذا الخوف بكره اذا اجتمعتو بغرفه وحده ممكن تضايقون



[QUOTE=haia2011;2638270]صادقه انا جربتها وهو زعلان فترة شهر
لأنه كان ينام فوق عند اخته لكن هناك ماستدعي ذلك فعذرته

هذي مره قويه طيب محد يلاحظ ويسال مافيها احراج عليكم

[QUOTE=مجموعة حروف;2638344]انا ضد هذي الفكره
مستحيل اخليه ينام برى الغرفه حتى لو يبا ينام لحاله انا اخرج من الغرفه واخليها له
وهذا طبعا فحالة يكون تعبان او متضايق
لكن ينام فالصاله او بالمجلس مستحيل اصلا اولاده ينتبهون ويسالون ليش بابا نايم هناك
حتى فالزعل نظطر نام بغرفه وحده وبمناوبات





الا طبعا انحرجت لكن اخته عارفه السالفه كلها
وبالمناسبه محد بالبيت الا هي وولدها الصغير
وكنت انا الغلطانه في حقه
لكن الحمدلله عدت على خير

زي أيش الأمور البسيطة هذي؟

التقارب الجسدي-لملمة وسط الليل مايحتاج نعلمك

هلابكـ آخوي نايف
والله تبي الصدق الحركه تقهر قلوبناا ... بس انت عاد لا تزودهاا مره
واذا انتم متفاهمين صدقني مااافيها شي..
نصيحتي لك لا تتعودعلى هذا الطبع..لانه مع مرور الوقت يصير عاده عندك..
والله يهنيك بحياااتك يااارب..
آختك غاليهـ..

__________________
سعد بن معــاذ ♥
أسلم وعمرهـ 30 .. ومات وعمرهـ 36
فماذا فعلتــ يا ابن معاذ في ست سنوات ، كي يهتز عرش الرحمن لموتكـ !