امبلا تذكرت

يوم الخميس عندي زواج 😂
بس كيف بنستخدم هالشي مدخل
يعني قصدك اعطيه خبر اني رايحه العرس
انزين هو من الاساس حاضرني
كيف بيعرف !؟
واذا ارسلت له مسج عادي بيقول واضح انها
منزعجه من الحضر ..

شو علاقة الحظر بالموضوع؟



هل إنتي من الحريم اللي تطلع من غير شور ريلها؟ .. هل مثل هالتصرف عادي عنده؟

إذا لا .. فالطبيعي إنج تعطينه خبر أو تستأذنينه إنج بتروحين العرس.


ابعثي له على الواتس.

بعده حاظرج؟

ابعثي له رسالة نصية بنفس الصيغة .. إعطاء خبر أو استئذان.

بس .. ولا تتكلمين في أي شي ثاني.



مناقشة الموقف اللي حصل (رد فعله المبالغ فيه من المزحة + رد فعلج المبالغ فيه من زعله) بعدين يا عروس .. لما حكاية الحظر هذه تنتهي ويشيله.

__________________


اللهم طِيبَ الأثر .. وحُسْنَ الرحيل.

ما اعتقد انها قسوة كثر انه هو ما يبي يبين اشتياقه لانه اعتقد ان الشوق يمثل ضعف بالنسبة للرجال وفتلاقينه يدوس على قلبه ومشاعره بمقابل ان يمثل انه هو القوي البطل


الله لا يبلانا

__________________
لا اله الا انت سبحانك اني كنت من الظالمين

لا طبعاً ما اروح بدون استأذن.. بس انا معودته
ما اخبره بصيغة السؤال يعني ممكن تسمح لي
اروح زواج فلانه لا
اقول له يوم الفلاني عندي زواج تعودنا على كذا ومايعترض

وبخصوص الحضر بعده حاضرني ايه

المشكله يا حبيبة قلبي يامهره
انه مايقبل النقاش حتى بعد مايهدء الامور
يرد ينكد من جديد او ولازم يبي يثبت انه هو الصح

موهبة الكويت
كلامك مو بعيد من الوقع اللي قاعد يعيشه
لانه اذكر قبل كذا يوم ارسل لي قال ترا انا متنرفز
ومضايق ولا اقولك لا لا انا قاعد اعيش احلى ايامي
حسيته مايدري وش يقول وكنه ضايع
تركته ومارديت عليه

قولي له بالحرف ((من بعد إذنك أنا بروح زواج،،،،،))

وبس .. لاتجيبي طاري أي شيء ثاني..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

معظمهم على هذه الشاكلة يا عروس .. والله المستعان.


هدفنا الرئيسي الآن أن ينتهي الموقف بدون ما يحس إن الحظر قاهرج .. عشان ما تعجبه السالفة ويكررها كل شوي .. مثل ما قالت ميمي.

ابعثي له رسالة بالصيغة اللي اقترحتها لست غيري.

__________________


اللهم طِيبَ الأثر .. وحُسْنَ الرحيل.

ابقول لكم شنو صار قبل شوي

قلت ابكسب الموقف وانا ابدء بالسلام
ارسلت له مسج انا اسفه يافلان
ارسل قال وحتى من المسجات ابحضرك
وشكله حضرني بعد

صراحه قلت ذوق لأبعد الحدود

الله يهديج يا عروس!!!

__________________


اللهم طِيبَ الأثر .. وحُسْنَ الرحيل.

سبحان الله
صادق الاخ لماذا نتزوج يوم قال
الوحده فيكم تشتكي ولما تجيها النصايح
ماتسوي غير اللي براسها
!!!
اجل ليش تستشيرين