السلام عليكم ورحمة الله وبركاته ..
هذا اول موضوع لي وماسجلت وكتبته الا بعد ماقريت الردود الحكيمة ..
اولاً انا متزوجة من 6 سنوات وعندي طفلين وتزوجت وعمري 18 وزوجي23 يعني كنا اطفال عشقنا بعض وطار فيني وطرت فيه زي بداية كل حياة زوجية بس بعد الاطفال اختلف الوضع
طبعاً.. زوجي عبارة عن شايب ف تفكيره واسلوبه بالرغم من ان عمره صغير عكسي تماماً عشان كذا كثير يصير بيننا مشاكل ونحلها بيننا .. بس المشكلة الاعظم واللي تتكرر وماقدرت احلها هي لسانه .. يلعن وينذر ويتلفظ من اول مرة لعني زعلت ورحت لاهلي وجا واعتذر بعد نقاشات
طويلة،، طبعاً انا من عائله محافظة وماتعودت ع اللعن طبعاً اللعن والتنذير صار يتكرر اكثر من
مرة لاسباب غبية ف الغالب مرات ازعل وابكي ومرات اكلم ام زوجي تكلمه ويقلب الطاوله علي ليش كلمتها فصار يلعن واسكت واطنش ويرجع يتكلم معاي وارجع اتكلم معاه عادي .. عيبي اني مااعرف ازعل ببيتي واضطر ارجع اسولف معاه واضحك وهو نفس الشي مايعرف يزعل ..بس اخر مشكلة لعني لسبب غبي بيني وبين بنتي ولعني حول 6 مرات ولبست عبايتي قلت وديني لاهلي يومين اذاكر لاختباري واستعد قال اقلبي وجهك ويكلمني بطريقة وصخة وهالطريقة له فترة يعاملني فيها وع كل سالفة يقول انطمي وانقلعي وكلي*** واقلبي وجهك ومناذير
ولعن .. بس هالمرة قال اقلبي وجهك ورحت قفلت الباب علي بعد ماهو قفل الباب ف وجهي قال افتحي ولا ترا بطلقك!! قلت طلقني ماتفرق معاي قال عيالي قلت خلهم عندك لاتتعذر فيهم بس وديني قال مابوديك وجهزي شنطتك واتصلي ع ابوك وروحي بيت اهلك ولاعاد اشوفك قلت زي مااخذتني من عند اهلي انت ترجعني قام يتريق وراح نام ف الصالة وانا نمت ف غرفتي ثاني يوم فكرت قلت لازم ادخل احد بيننا كلمت اخوي قلت انه مايحترمني ويلعن وينذر وحياتي معاه ماصارت امان.. اخوي كلمه ورجع اخوي اتصل علي يحاسبني ع سالفتين صارت قبل 4 سنوات السالفة الاولى كلمة قلتها واعتذرت عليها مية مرة وكانت مزح والله وهو عارف والسالفة الثانية تصرف تصرفته وقت غضب واختبارات واعتذرت ومن يومها رضي يوم قالها لاخوي حسيت قد ايش عقله صغير كلمته قلت ليه ياحبيبي متعب نفسك تقول هالسوالف صارت قبل سنين ترا حتى انت سويت اخس مني السنوات الماضية لكني ماذكرتها قام زعل ع اخوي ليش يقول لي واخذ فراشه وينام بالصالة وانا بغرفتي ولنا اسبوع ع هالحال ويكلمني من راس خشمه وانا مطنشه مااتكلم معاه واحس مع الهجر ذا زاد كرهي له وهو نفس الشي وماابغى اروح له لانه هو الغلطان ولاني دايم انا اروح اعتذر منه حتى لو هو غلطان ويشوف نفسه ويكابر ،، ابغى حل مع لسانه وتعامله 😩مع العلم اني اذكره بعقاب ربي بعد مايلعن اقول اذا لعنت تطرد من رحمة ربي وماتدخل الجنة الا برحمة ربي واذا نذر انبهه انه شرك ومايجوز

حبيبتي خلك على حالك
واهتمي بنفسك وباولادك
ومتى ما طاح اللي براسه بيكلمك ويراضيك

بالنسبه لعلاج اللعن
انك ماتظهري تضايقك الشديد
لان زوجك تصرفاته طفوليه
والطفل اذا بينتي انزعاجك من شي عاندك
هو عرف ان هذي نقطه ضعفك
بنفس الوقت لاتبيني له ان الوضع اوكي
بس خذي موقف صامت
تعرفي كيف الام اذا طنشت الطفل
وراحت وتركته وجلست تقرا والا عالتلفزيون
هو ينقهر هنا ويروح يلحقها


الله يعينك

كان الله في عونك..

عادة السب واللعن سيئة جدا وحلها بين يدي صاحبها أما انتي فصعب عليك تقتلعيها..

حبذا لو ذكرتي الموقف الي خلاه يغلط عليك، حتى نحاول نفهم سبب تصرفاته..

كيف علاقتكم؟ هل يقوم بواجباته تجاهك وتجاه البيت؟ كيف يعاملك خارج اوقات العصبية؟


أنصحك، لا تدخلي أخوك في هذي الامور مرة ثانية لانها زي ما شفتي بتكبر.. هل تتوقعيبن لما اخوك يحكي معاه خلاص راح يوقف اللعن؟ الاهل خليهم للمشاكل الكبيرة، ضرب، معاملة سيئة.. ولازم تدخلي أبوك أو الكبير بالعيلة مش الأخ.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

كنافه لهم ست سنوات متزوجين
الحين هي عمرها 23 سنه و هو عمره 29 سنه
مو طفل اذا لعن وقال كلام ماله داعي انتي اسكتي عنه ولا تردين عليه ولا تكلمينه بيني زعلك شوفي اذا هدا شوفي قولي له اللي بخاطرك
اذا هو مو قادر وانتي حاولتي معه و عجزتي الحل بسيط مالك الا الدعاء

__________________
كُل خيانـہ لـم تكن صدفـہ بل تم الأستعداد لها من قبل وبكل دقـہ...! 💔

انتي بتصلي صلاة في وقتها
بتقرأي قرأن في بيتك
بشكل يومي
بنحكي و بنشكي و هو البلاء من وين بيجي غير من وراء انفسنا
اختي ارجو ان لا يكون كلامي عليكي ثقيل لكن هذا هو الحل الذي تبحثين عنه تدبري اخطائك و لن يحاسبك الله على اخطاء غيرك فطمئني

__________________

سوف ياتي اليوم الذي نتلفت فيه خائفين نبحث عن
محمد بن عبد الله فصلو عليه وسلمو تسليما

اشكركم جميعاً ع ردودكم والله يعطيكم العافية ..
زوجي طيب ومايقصر وبيتوتي وخرجاتنا دايم مع بعض و حنون جداً بالذات ع عيالي ويمكن هو احن مني عليهم ومتعلق فيهم جداً بس وقت الغضب يتلفظ لكن بعدها بدقايق يهدا ع طول ،وينسى اللي صار الا مع هالمشكلة مو راضي احد يتنازل ويبدا بالاعتذار والفجوه تزيد بيننا ،، المشكلة ان بنتي تبولت فوق الفرش وهاوشتها لاني كنت مضغوطة جداً ،، مع العلم انها تسويها ف بعض الايام وابوسها واقول عادي وماتكررينها لاني اعلمها ع الحمام وانتم بكرامه ..
وكان هذا سبب لعنه لي حول 6 مرات ،، طبعاً نظام حياتنا الحالي واللي زاد الفجوه ممكن .. انا اصحى الظهر احصله صلح غدا له ولعياله او يجيب من برا مع العلم اني لو صحيت راح اطبخ بس وقت الزعل ماياكل من طبخي اجلس للمغرب وهو برا البيت وبعد المغرب اخرج من البيت وارجع الفجر مع محارمي بسبب زواج اختي والشغل وترتيب العفش وهالامور .. واستأذن منه قبل اخرج ومرات يقول بكيفك ومرات يسكت ..كمان ف الايام العاديه ووقت ماحنا متراضيين يبغاني قدامه ع طول ومايحب اني اخرج او ازور احد ولازم لا خرجت تصير مشكله ..
بس والله زواج اختي يخليني اضطر اخرج كل يوم بسبب اشغالنا .. انا حاولت ارجع اتكلم معاه بشكل رسمي ف الطلبات او اعلق ع شي بخصوص العيال وهو يكلمني من راس خشمه ويبغى يخترع هوشه باي طريقة ىيحاول يستفزني بتصرفات غبيه وانا اعمي نفسي عنها ..
وكمان ماابغاه يتعود ع نومة الصالة وماابغى اروح اكلمه وزوجي عنده العتاب مرفوض رفضاً قاطع يعني استحاله ارجع اعاتبه ويسمعني لانه يعصب ويطلعني غلطانه ويخرج من البيت وتزيد المشكله..

معليش نسيت اضيف شي ،، ان زوجي يعاملني كأني بزرة ومايحب اني اخرج من البيت لو قلت بخرج او بروح لاهلي يقول لا بمشيك او نسافر او اي شي عشان مااروح لهم واذا رحت لازم ينكد علي قبل اروح ومااروح الا متنكده احس تصرفاته حب سيطره وكمان ينقد كل شي اسويه من كي غسيل تربية اي شي ونقده والله مو ف محله بس امشي له وابين له ان كلامه صح وهو كل ماله يزيد ،، ابغاه يعاملني كزوجة وام لعياله لي احترام وتقدير ورأي ..😞

زوجك كويس
وبالنسبه لي مافيه أي عيب

اللي ذكرتيه أمر تقدري تتحكمي فيه بأسلوبك معاه

حافظي على زوجك ..

__________________

(( لا شيء يجعلنا عظماء سوى ألم عظيم ))

خذي فراش وروحي نامي جنبه في الصاله واتصالحوا
واسحبيه للغرفه وانتهت مشكلة الصاله
باقي اللعن ارسليله مقاطع عن حرمة لعن المسلم

الانتقادات لان زوجك نمطه شرقي
اقراي عن النمط الشرقي وافهميه
شخصية تحب النقد والتوجيه فتحمليه هو شخصيته كذا مو بكيفه
انتي سلكيله قولي صح عليك نور ما شاء الله عليك اضيع من غيرك
واذا مقتنعه بشي هو يقول عكسه تعاليه بالادله والبراهين المقنعه
الشرقي يجي بالادله والبراهين (لكن مدري عن الاسباني اللي عندنا ينطبق عليه الكلام ولا لا)