بختصار قاعدة افكر ذي اليومين بفكرة الطلاق ..
انا عمري 22 وعندي ثلاثه اطفال و السنه الجايه بأذن الله راح ادخل الجامعه ..
افكر اذا جاء خبر إسقاط الولاية اكمل دراستي برا واعيش حياتي من اول وجديد
احذف الماضي ورا ظهري وأكمل طريقي ...

فكرة الزواج بنساها بعيش حياتي سنقل ..
انا انظلمت من ابويه فوق انه زوجني غصبا علي و ماخلاني اختار شريك حياتي واتخذ القرار !!!
كنت ابغى اكمل الجامعه بعدين اتزوج لكنه ضربني وسفل فيني عشان اتزوج انسان م ابغاه ..

احزن ع نفسي ودي لو اني انقذت نفسي من الماضي ؟!!!
ودي لو ارجع بالماضي ورا وأغير كل اللي صار بس خلاص ماعاد فيه مفر من الواقع ....


خلاص بتوظف و استقل بحياتي ..
انا صح أسوي نفسي متماسكة وعادي الوضع عندي وماهمني سواء عند اهلي او عندكم لكن من داخلي أتألم وأبكي بصمت .....

المهم انصحوني انا صح ؟ تفكيري صح ولا انا متهورة وتفكيري غلط ومتسرعة ؟!!!

انا مابغى احد يقول اصبري اصبري والسبب لانه مايبغى يخببني ؟!! لا رجاءً لو ان الطلاق في ذي الحالات تخبيب ماكان الله من الأساس شرعه ..

صراحه مالقيت منه شيء لا حب ولا اهتمام ..
انا رومانسية مرا و احب الهدايا أذوب عند الكلام الحلو وذا الشيء مالقيته عنده
ماعمره جاب لي هديه الا اول سنه زواج وبعدها خلااااااص ...
مايجلس ويسولف معايا ، طول الوقت جالسه لحالي

احس مالي قيمة اساسا عنده ، انا بس للفراش وللتنظيف و الاهتمام بالاطفال وتنظيف البيت ..

لا طلعات لا مصروف ولا حاجه اللهم يعطيني فلوس بالأعياد ...

ارضي بذي الحياة ؟!!!
ماعاد ابغى حب زي كذا والله مابغى .....

انتي مسكينة ومريضة دام تفكيرك مثل تفكير الي بتويتر وسقاط الولاية
تنصلتي عن مسؤلياتك بيت وزوج واطفال

__________________
سبحان الله وبحمده سبحان الله العظيم

م اقول ان ماعنده ايجابيات لا عنده لكن سلبياته اكثر لدرجة غطت ع كل إيجابياته
وانا قلبي ماعاد يتحمل كل ذا ... خلاص تعبت

شاطى الراحة اصلا إسقاط الولاية مو من الشرع ؟!!! فيه فرق بين إسقاط الولاية وبين القوامه ..
اذا اسقطوا الولاية معناته أموري في الدوائر الحكومية تمشي بدون ولي امر وتعقيد زايد ..
وشكراً ع الكلام الحِلو ...

احنا مانصبرك ..بس قاعدين نفكر معك بصوت مسموع

وهل والدك بيرضى ؟
بيضيق عليك وبيكرهك باليوم اللي تطلقتي منه ..

الظاهر انك مع الخيل ياشقرى
ببغاء يردد مايقولة الناس
من انشئ هشتاق اسقاط الولاية
ومن يدعمة وماهي اهدافة؟
عطينا الجواب يالفاهمة

__________________
سبحان الله وبحمده سبحان الله العظيم

صعبه جدا تديرين حياتك بدون ولي امر
اللي كان زوج بيكون ضدك والاب ضدك ..

والمراه محتاجه لسند يدعمها

مشكلة الوحده تنجب ضحايا وبعدين تستوعب انه الحياه الي عاشتها غلط

انصحي صحباتك اذا تزوجو غصب عنهم يستخدمو حبوب منع الحمل