السلام عليكم ورحمة الله وبركاته
اخواني اخواتي الأفاضل
ما طول عليكم بالمقدمة سبق ووضعت مشكلتي في هذا المنتدى وطبقت بعض من اراء الإخوان الله يجزيهم كل خير
ولا زالت مشكلتي مع زوجي نفسها ما تحسن شي
4 سنوات من المعاناه
خيانة بالتلفون خيانة بالنت خيانه وحتى وهو معاي
والله تعبت
آخر مشكلة وعدني قدام اهلي واهله ووضعنا شروط ووعدنا راح يتغير ويترك هالسوالف
لكن رب العالمين سبحانه كاشفه لي مهما سوا فامره مكشوف ولله الحمد
صورت الخيانة بنفسي ودزيتها لأهله عشان محد يلوموني باتخاذ اي قرار
آخر مره هددته قدام اخواني وقدامه وامي حاضره وابوه انه لو عادها مالي قعده معاه وبتطلق منه
ما وفا بوعده
له سنتين هاجرني بالفراش ما يقرب مني خير شر
رجع يشوف افلام اباحيه
ورجع يكلم بنات بدال التلفون 2 من وراي
ويضيف بنات على البلاك بيري
صور كنت اصممهم له عشان يستانس راح وخاني فيهن على النت مسجل فمواقع تعارف وناشر البن كود حق البلاك بيري وانه يبحث عن علاقة حب صادقة وعلاقات عاطفيه
طبعا شي مو سهل على زوجه تشوف هذا كله وتسكت لي يومين وانا ابجي ليش يكذب علي ليش دامه ما يبيني خذني ليش يعاملني هالمعامله
ابد مالي قيمة عنده اقلها احترام ما يحترمني معاه ولا مو معاه يخوني. يشوف البنات يحز فخاطري اشوف. الرجال مع حريمهم لما يطلعون عيونهم فالأرض وانا الي عندي كني رايحه رحلة قنص معاه راسه يلف كل الجهات. ومشغل بلوتوثه وينشر بن كوده
مسجل بموقع تويتر ويتابع البنات ويرقم ويدز لهم رصيد ويضيفهم ويسمعهم كلام حلو وكلام خليع. وعارض نفسه لهم أين يبي ينام معاهم والله العظيم صدمه
أنا المره الي طافت رجعت عشان ولدي بس حتى ولدي ماله قيمه عنده ولا فكر فيه
لا احترم اهله ولا اهلي ولا احترمني يمثل علينا بس
أنا قريت فتاوي عن الزوج الخاين وعن الزوج الي يهجر زوجته
وعادي اطلب الطلاق والأدله والشهود موجودين
بس هو رافض. الطلاق أنا كلمته وهاوشته وقطيت عليه الفاظ من القهر الي فيني
طول هالاربع سنين ما حسيت. إني مره معرسه نهائيا
طول هالاربع سنين كل مشكله نعيد عليه نفس الأسطوانه احترمها عطها حقها مريض عالج ومن هالكلام ويقول ان شاء الله يوم يومين ويرجع لحالته. قلت له انت مريض نفسي
يعني لو ما كشفت امره عادي بيستمر فالحرام واذا كشفناه قال خلاص اخر مره ويوعد ويخلف أنا خلاص كرهته الي يخون 6 و7 مرات للعلم هو من قبل لا يتزوجني يكلم بنات ويمارس عاده سريه ويشوف افلام يعني مو مني حاولت معاه لكن هو ضعيف مايخاف ربه إلا إذا انكشف خايف من الفضيحه

سؤالي. المحكمه تطلقني منه لو رفعت عليه قضيه؟
وهل طلاق الضرر نفس الخلع تنازلات ولا كيف
ساعدوني جزاكم الله خير
لاني خلاص تعبت نفسيا منه ومن بلاويه
واهله ماعندهم اعتراض على الطلاق لأنه بروحهم منصدمين منه
وهو في حال عدم موافقته يتم هالطلاق وإلا كيف؟
وفي حالتي هذي هل طلاقي منه شرعا يجوز علما أني خلاص ماعندي ثقه فيه ولا أقدر اصبر اكثر طايح من عيني ولا حتى بقدر اعطيه حقوقه لأني كرهته خلاص

ؤعليكم السلام ورحمة الله وبركاته ..

اسمحي لي إختي نقلت موضوعك للقسم الأنسب ..


استشيري محامي إختي أشرحي له الوضع وخليه يعطيك خياراتك واللي لك واللي عليك ..

ومن ناحية الشرع مإ نقدر نفتي بارك الله فيك ..

__________________