صدقيني انا جربت هالاسلوب بداية زواجي ..
وكنت اتوقع اني اذا اسعدته انعكست علي الاية ! بالعكس هو سعيد وانتي اللي اكلتيها . الحل هو انك تفكرين بنفسك وبسعادتك .. امدحي نفسك ! اذا حاول ينتقد مثل الملابس كليه بقشوره بالعربي 😄 قاللك تلبسين اول بلوزه قولي من قال ؟ انا اجهز لشهر كامل ملابسي لاني مرتبة و ع فكرة انا معرووفة بالدوام باناقتي والكل يحكي فيني وبكشختي .. عززي لنفسك باختصار قوليله بالعربي ليه مانخصص يوم للعائلة ؟ انا ( ابغى ) تخصص يوم بالاسبوع لي مشيني وطلعني ووسع صدري مثل ما اريحك طول الاسبوع استاهل تريحني هاليوم وانت كريم وانا استاهل الخ انتي تقولين انك تدورين قصص الخ .. لا جربي اقضي الوقت بقصص لك ! سالفة صارت بدوامك اساليه عن دوامه اي سواليف مشتركة بينكم .. رحتي لاهله اطلبي منه هو ينزل وقوليله معليش حاطة ميك اب مابغى انزل اشتري الشيء الفلاني ياقلبي اذا جاء اعلان لشي بخاطرك وريه قولي اذا جتني هالسواره هدية بكون اسعد انسانة .. قوليها طبعا بغرور طبعا مو بذل وتمسكن جهزي ردودك ع الاشياء اللي ممكن تجرحك من قبل مثلا فتح موضوع الراتب كليه بقشوره قولي راتبي نص راتبك وبعدين شايلة نفسي ولا اطلب منك ابد الموظفات كلهم اللي معي رجالهم يمشون لهم مصروف وانا ماطلبت منك لاني الحمدلله شايلة نفسي وما احب اطلب عادي انتي انسانه فتصرفي كانسانة .. والشخص الطبيعي عادي جدا يعصب ويتنرفز ! باختصار حبي نفسك .. وهو بالسفر اذا كلمتيه قولي بدلع اي عاد لا تنساني من الهدايا .. وكرري عليه مرة ثانية اذا كلمتيه ايش اشتريت لزوجتك حبيبتك ؟ واستقبليه عادي بكل حب .. ولو طلع ما اشترا لك شيء اظهري ( ردة فعل ) وابسط شيء يتغير وجهك وتنزلين كم دمعة كيف كذا ماتحبني ولا اعني لك شيء وروحي نامي واتركيه بحاله الحل ببساطة اظهري ردة فعلك . هو مايقدر يعرف هالشيء يزعلك طالما انتي مازعلتي ؟! شلون تبين يسوي الشيء اللي تبينه وهو اصلا مايدري وش الشيء !! تدرين لما كنت مثلك كان متقطع قلبي ابغى شيء معين .. وكنت المح تلميحات بسيطة ع زعم ما اجرح زوجي وما اتذلل له وانا ماحب اطلب الخ المهم بعد كم شهر طبعا مافكر يجيب لي هالشيء .. وسألته مرة وحنا بحالة صفا قلت له وش اللي بخاطري انا ؟ اكتشفت انه مايعرف اصلا انا وش ابغى 😂 طبعا صحيت ع نفسي وعرفت ان اساس الحياة الزوجية اخذ وعطاء .. اعطي وبنفس الوقت لازم تاخذين والا ماصارت حياة زوجية صار دوام ثاني بس تعطين بدون مقابل !! ع الاقل الدوام فيه راتب 😅 طبعا صرت اقول لزوجي انا بخاطري كذا وكذا اذا بغيت تهديني وتسوي لي مفاجأة تراني ابغى هالشيء 😂 ولو قالك اشتري من راتبك قولي هو يبقى شيء منه اصلاً ؟ والا ايه متزوجة انا اذا حتى العطاء المادي مستكثرة علي ؟ كان قعدت ببيت اهلي ع الاقل كانوا مكرميني وطلباتي اوامر .. وقومي من المكان بزعل بسيط فيا حبيبتي فكري بهالشيء العيشة هذي لباقي العمر فأسسي حياتك من الان ع النمط اللي يريحك ! |
بختصار يا اختي الزوجة الملسونه والجريئة " بذكاء ودلع" هي اللي تعيش
وهي اللي يحبها زوجها ويحترمها ويحترم رغباتها اي كانت اما الخجل هذا!! ما لقيتله تفسير قي قاموسي بصراحه الا انه ( نقيض الانوثة الحقيقية ) صدقيني الانثى حقا " لا تخجل مع زوجها " لاحظي كلام زوجك اللي تقولين ما لقيتي له تفسير انا افسره لك هو يستفزك ليخرج انوثتك لكنك مع الاسف صامده ظنا منك ان هذا هو الصح وان هذه هي الانوثه !! وهذا غلط.. وراجعي كلام غاده ففيه ما اقصده |
الاخوات كفو ووفوا
لن ازيد الا توضيح معين يظهر حبيبتي انك نقيه وصافيه من الداخل وبريئه جداااااااا هذا جمالك الحقيقي وروحك الصادقه طبقي النصائح السابقه بقالب لايجعلك تخسرين هذا العمق الجميل لك .. |
اطلب شي من حاجيات البيت ، وإذا قال لك عندك راتبك ، ردي عليه راتبي لي وانت المفروض تصرف ، من الآن اسحب محفظتك من كل حاجيات البيت ، اذكر سمعت محاضره للمتزوجين ، وكان ينصح الزوجات ان لا تضحي على حساب نفسها ، و راحتها ، و تمر الأيام و السنوات ، وهي متوقعه ان يأتي اليوم الذي يرد لها الجميل ، لازم تأخذين و تقبضين حقك منه ، بمعنى طول ما هي تعطي و تعطي دون طلب و تمسك منها لن يأتي ذلك اليوم !!
|
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|