السلام عليكم جميعا ااسفه يمكن موضوعي طويل شوي بس طلبتكم اقروه للاخر ...

انا مدري كيف ارتب افكاري و وش اقول وش اخلي اللي اعرفه اني تعبانه وربي عالم بحالي خلااااص تعبت تعبت تعبت تعبت يارب رحمتك


ومشكلتي اني مستحيل مستحيل اشتكي وافضفض مشاكلي لاحد يعرفني شخصيا لا امي لا اختي ولا اخوي ولا اي احد ماااا احب ويمكن هذا الشي متعبني بزياده اني اكتم بقلبي


ابي منكم تنصحووني ترشدوني و توجهوني عطوني ارائكم وادعو لي وانا راح ادعي لكم


المشكله


صار لي سنتين متزوجه ولد عمي احبه ويحبني من يوم كنا صغار
من اول يوم تزوجته وانا نفسيتي تعبانه كنت اتوقع بملك الدنيا بمجرد انا نكون تحت سقف واحد ويكون حلالي وانا حلاله كنت احس بعيش معاه مبسوووووووطه كنت احس مستحيل ازعل ولا ابكي ولا اتضايق وانا معاه بس ياناس صار العكس وحياتي صارت عكس ما ابي


بقولكم صفات زوجي هو طيب و حنون ويحبني ويموت فيني والله مايغلط علي وانا اعشقه وربي يشهد لكن فيه عيوب مافي انسان كامل


من اول زواجنا كان متوظف 5 شهور وترك الوظيفه بدون اي سبب مقنع وتعرفون الحاله الماديه كيف بتكون بدون وظيفه مع ان اهلي واهله مقتدريين ماديا والحمدلله عندهم خير لكن حلو الواحد يعتمد علا نفسه وما يحتاج احد
هذي اول صدمه با النسبه لي حسستني انه انسان عديم مسوليه و مو قادر يدبر امورنا
بعد ترك الوظيفه درس في مجال صحي مو مهتم بدراسته ابد ابد ابد ما يداوم الا قليل وما يذاكر
هذاشي ثاني اكد لي انه لا مبالي وخلاني افكر بمستقبلنا المجهول وانا وياه دايم مشاكل بسبب ها الموضوع


شهر بس بعد زواجنا وهو طووول وقته علا النت في لعبه اون لاين الله لا يعيدها من لعبه ادمان مو طبيعي من يوم يقوم لين ينام وهو عليها طبعا انا واثقه انه في الانترنت مايروح لشي ثاني غيرها لاني اكون اغلب الوقت عنده واشوف وش يسوي واراقبه مالقيت عليه شي
ودايم نفسيتي تعبانه بسبب ها الشي كم مره بكيت صرخت كسرت الدنيا مافي فايده يراضيني ويرجع
انا عادي عندي ما امنعه ياخذ راحته بس مو بها الطريقه طوول اليوم
انا ساكنه بمدينه واهله بمدينه تبعد عنا ساعتين
كل اسبوع با الكثير اسبوعين رايحين لهم انا تعبت من المشاوير لكن الشكوا لله الوضع فا البيت مايساعد نقعد فيه اكتاب طفش ملل طبعا طلعات و وناسه وتمشيه قليله او معدومه بحكم الماديه وانا وربي مقدره وضعه وما احب اكلف عليه صح اني بعض الاحيان المح اني متحملتك وكذا
اهلي في مدينه بعيده بين فتره و فتره اروح لهم مايقصر ولا عمره رفض يوديني اللحين انا عندهم بقعد فتره حامل وبرتاح شوي واخذ فترة نقاهه
ياناس انا مارا ح ابري نفسي واحط كل العيوب عليه
من بداية حياتي انصددمت وصرت


مهمله من ناحية البيت واموره و الاشياء اللي تسويها كل زوجه والظروف والنفسيه هي السبب
انا وياه مايمر اسبوع الا مشكله وهو يقول انه انا السبب اللي اللي اسوي المشاكل
طيب تلومني انا فيني ظغووووووط والله وهو اللي سببها
اهملت شكلي بسببه كيف لي نفس اهتم بمنظري وهو طول اليوم ماينظر فيني الا دقايق وطول وقته مقابل الابتوب بعض الاحيان مو دايم اذا احتدت المشكله اقول كلام قوي قوي جدا واسبه والله وربي مو بيدي من حررررر مافي قلبي وهو يقول ماتحترميني ولا تقدريني طيب انت السبب انت اللي خليتني كذا




امس رجع للمدينه اللي ساكنين فيها وانا قعدت لانا متفقين اني اريح عند اهلي
بس راح وهو زعلان علي ياربي مدري مين السبب


بس لاننا نحب بعض مشاكلنا ما تطلع لاحد مستحيل


اللي ابيه منكم


ابي اعرف انا مكبره الموضوع تلوموني ؟؟؟؟؟
تكفووون تكفوووون تكفووووون قولو لي كلام طالع من قلبكم انا تعبت تعبت تعبت تعبت

المفروض انو رجل وبحث عن عمل

كم عمره هل زوجك عمره 12 سنه ليلعب

هو الغلطان يجلس ويلعب ساعه وكفايه

عنده زوجه وولد في الطريق المفروض انو يعمل ويقدم لعائلته

ولكن اعتقد ان هناك من ساعد في تزوجيه ماديا فهو يعتمد عليهم في هذا

تعود على الاخذ وبم تعود على تحمل المسؤوليه

المفروض يعرف انه رجل وقوام والقوامه بالانفاق على بيت وزوجه و ولد في الطريق

__________________
http://live.gph.gov.sa/
اللهم اني استودعك اولادي

صراحة الموضوع يستاهل بس انتي لا تضغطين على نفسك ..

اكتبي رساله فيها كل اللي بقلبك واللي مضايقك
وارسليها له لعله يتحرك ويفهم ان قدامه مسؤليه من غير الجاي
وفهميه انه لازم يهتم برسالتك ويحطها قدام عيونه كل ليله

حبيبتي كيف صلاتكم وعلاقتكم بربكم
واقولك لازم من قراة الاذكار والتحصين وكمان الرقيه الشرعيه
واسال الله ان يصلح حالكم ويرزقكما بالطفل الصحيح المعافى

__________________

تبغيه يتغير ..

اطلبي كل شوي اي شي تشتهيه ..
و لا تحسسيه انك قاصدة ..

مو يحبك ؟
خلاص راح يحزن عليك و يتحرك

:*

لم أملك إلا أن أدخل وأدعوا لكِ
بأن يحل الله مشكلتك ويهدي زوجك
ويريح بالك


:*

__________________

الله يصلح حاله وجميع المؤمنين

__________________
[

مجرد قطرات ... فكانت بجوارها اروع لحظــآتي

الله يصلح حالكم, عليكي بقيام الليل والإستغفار والأذكار وإن شاء الله ينقلب حالكم إلى الأحسن....

__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين

مشكلتكم الأساسسية هي المادة .. كان عندك احلام لما تتزوجي كلها طلعات وتمشيات ووناسه .. وانصدمتي بمسؤوليات الزواج ...
هو غلطان لكن طريقتك معاه كمان غلط .. وخلينا نكون واقعيين . واضح من كلامك بأنك ما تحترميه .. كونه لا يعمل وما وفر لك الحياة اللي تأملتي فيها وكونه يلعب باللعبة مثل الصغار .. هذا كله خلاك تشعري بأنه مو رجل وما عاد احترمتيه .. وهذا ما يجوز ولما يظهر هذا بتصرفاتك معاه يخلي علاقتك تصير من سيء لأسوأ .




ما إسم اللعبة اللي يلعبها ؟؟

__________________