يقدر يعاقبها
مو يطلقها على طول

__________________

عجيب العجب .. اي قوامه تتحدثي عنها ي اختي الكريمه ..

الزوجه تسافر وتكسر كلمته وفوق هاذا مع صديقاتها .. هنا حتى الاحترام انعدم بينهم ..

اما الحل عجبني .. يسافر هو بعد ويخليها عند اهلها اجل .. اطفال تفكير ارعن وتصرف ارعن ..

لا يبوي اذا هاذا اولها ينعاف تاليها .. اجل تسافر وانت بالطقاق رضيت ولا انرضيت .. هاذي بكره تطلع من البيت ولا تطق له خبر .. هاذي ماينفع معاها لا حكمه ولاقوامه ..

اجل كل مااخطاءت الزوجه .. نلقي اللووم على حكمه وقوامه الرجل .. في امور بديهيه مايبلها اخذ وعطاء ..

هاذي الزوجه المصون اخطاءت وتتحمل نتيجه خطاءها !!!

ونتيجة غلطها
الطلاق على طول!!

يا ولاد الحلال
دايما اقولها
اقتدوا بالنساء الصابرات
تجي حرمة زوجها يضربها ضرررررب.
وثانية تشوفه سكران
و ثالثة تشوف عنده حبوب
والرابعة تقرأ محادثاته الصريحة بالزنا
وصابرات


صيروا مثلهن. اسمعوا كلام قلبي سر معاناتي و الا كلامها للحريم

المهم. تنسوا هذولا و تتذكروا. وحدة تبغى تطلق عشان شنبه طويل او ما تسافر
وتنسوا اللي فقع عين زوجته عشان شوربة و اللي حاس اني بيموت عشان حرمته قصيرة

ترى عند النساء و الرجال خير كثير من القصص التافهة

__________________

اختي مسز داني ..

الخطاء الواضح واضح ومايبيله تبرير ..

الضرب الاهانه التقصير الاستحقار الخيانه سوى كانت من الطرفين ..

اذا حب الطرف يعطى فرصه جديده يصحح وضعه كان بها .. غيره معناته ان هناك فجوه بينهم ولا باب للمجاملات او السكوت عن الحق ..

موضوع تبغى تتطلق عشان شكله او ماشابه .. جزء كبير من الجانب العاطفي تقبل او بالاحرى الارضاء تمام الرضاء بشكله لكي تتم العلاقه الحميميه ع اكمل وجه ..

موضوع السفر وكسر كلمه الزوج .. لانقاش فيه .. لان الاحترام انعدم بينهم

لذالك اختي الكريمه .. الاحترام والتفاهم هو مبداء نجاح العلاقه الزوجيه ..

اخي الفاضل قلنا اخطأت ، لكن هل علاج الخطأ الطلاق !!
هل سلوك هذي المرأة المعوج لاتستطيع ان تقومه
هل تفهم معنى كلمة قوام
انا اذكر تعريف لها القائم على الامر اذا اعوج
تحمل اعوجاج مرتك وقم عليها بما يعدل العوج
مش قوامتك عليها في ( البسي فستان طويل
تغطي يامره ، لاتكلمي رجال وانا معاك ،... الخ)
ليست مقصوره القوامة على ذلك ،
وشخصيا اعتقد ان الزوجين منذ ان يرتبطا ببعضهم
فيقع على عاتق كل منهم معالجة السلوك الخاطئ
الذي يصدر من احدهم ، وهذه على الرجل اعظم
بحكم قوامته ، فهمت القوامه انها امر ونهي واذا ما سمعت
طااااالق !!!!
لا اذا ما سمعت ادبها
من فيكم ياخذ بخلق القران في التأديب
وعظ ثم يليه هجر ثم ضرب
متى يتبع (اذا زوجته صلحة شوربة عدس وهو يبي مكرونه
راح هجرها بالمضجع!!!! )
مثلا عضو هنا زوجته راحت قالت لابوه نبي غرفة العاب
راح هجرها بالمضجع!!!!! ( انا رجل ليش تكسر كلمتي !!)
في خطوات نقز للهجر معليش
متى يستخدم الوعظ ثم الهجر ثم الضرب
ليس في مشاكل بسيطه يجدي معها التغاضي

الصراحة اننا امام شباب مايدري اصلا معنى القوامة وش
ويبرر الطلاق بحجة القوامة، دامها رجعت واعتذرت اقبل اعتذارها
وترا ماعليها شيء شرعا اذا اعتذرت وماقبلت العذر
العذر تعبير عن الطاعة والاسف على ماصدر
نسيتو القرآن وش قال
( فإن اطعنكم فلا تبغو عليهن سبيلا )

وش معنى انت قوام ؟؟

وكسر كلمة الزوج. حلها الطلاق رغم ان الله جعل بيدكم حلول للناشز
وكسر عظام الزوجة. نفرح لصبرها. عجبي للمفاهيم

__________________

صدق الله العظيم

أحسنت بذكر الآية

__________________

اختي ..

موضوع غرفه الالعاب وهجر زوجها .. كان واضح .. للاسف زوجه العضو راحت تكلم ابو الزوج وتشتكي له !!! اين حفظ الاسرار بالبيت .. حاورها مانفع بعدها توجه للهجر وادى الى نتيجه .. جاءت واعتذرت وتمت الامور بسلام والله لايغير عليهم ..

في امور الرجل بحكم قوامته .. يقدر يتغاضى يعدل يوجه يكلم الخ .. وهاذي تحدث في اي بيت ومع اي زوجين ..

وفي امور للاسف لا يمكن تعديلها .. مثل الاخت اللي سافرت .. الموضوع ليس بكسر كلمته فقط .. المووضوع ان هناك احترام وثقه .. بالله وش يدري هالرجل عن زوجته يوم انها تسافر مع صحباتها .. اذا كسرت كلمته معناته انها ممكن تكسر الثقه بينهم !!! ليه حطت نفسها بموقف يدعوا الى الشك .. ليه عاندت واستكبرت وسافرت !! .. اوكيه !! جاءت واعتذرت .. انا اجزم انها راح تعيدها ثاني مره وتقول خلاص عرفنا نظام زوجي .. ارجع واتإسف منه وتمشي الحياه .. وهنا تكون القوامه معرفه تعريف كامل مثل ماتفضلتي !! اختلف معاك اختلاف كلي وجذري ..

اختي لو حصل لها شي في سفرها هاذا .. اول مايسألون عن زوجها .. حتى الاجانب مايسونها .. يناس ي عالم مصحش كذا !!!

بالفعل الله يستر ع جيل هالزمن من الافكار والمساوه بينها وبين الزوج ..

اذكر مشكله حصلت لي شخصيا .. بدايه الزواج .. زوجتي جاءت قالت لي بعد 3 شهور من زواجنا ابغى اسافر مع صحباتي .. بديت معاها بالحوار .. قلت لها تونا متزوجين ومااستغنى عنك .. كيف تفكري كذا .. يرضيك اقعد ولهان عليك .. تتطور الموضوع الى جدال .. حاولت اسكر اقفل الموضوع لكن كانت رافضه هالشي .. كبرت الموضوع وراحت بيت اهلها وطلقني وانت بطريق وانا بطريق سكتت وماقلت حرف .. كلموني اهلها وشرحت لهم الموضوع .. قلت بنتكم كانت تسافر لحالها ومع صحباتها !! قالوا لا طيب وانا ليه تقولي تبي تسافر مع صحباتها !!! سكتوا ومااحد فتح فمه .. راحو عاتبوا بنتهم وعلموها ان هالكلام مايصير ..

اتضح لي ان السبب اللي خلها تقول تبي تسافر مع صاحبتها .. وحده منهم موظفه وسافرت معها صديقتها لتركيا عندها انتداب وراحت معاها ويوم رجعوا اشتغل الواتساب بينهم صور وحكاوي عن السفره .. زوجتي تحمست وجاءت تطلب هالشي منى .. وانا عندي للاسف مرفوض وبصراحه من اللي اشوفه .. عشت 6 سنين باامريكا .. وشفت العجب العجاب ..

مااخفيكم يعنى بعد عشره واطفال .. ممكن اوافق ع انها تسافر مع عيلها وانا ارتب لها الرحله من الى .. هنا اكون متطمن لهم من كل النواحي ..

بعض النسوان يوم زوجها يرفض انها تسافر لحالها مو معناته انه يعاندها او يبى يكتمها .. معناته ي اختي الفاضله زوجك يخاف عليك من دقه الشوكه !! ويقعد طول فتره غيابك يحااتيك !!! لكن مفهوم كثير من النسوان انه مايثق فيني مايحبني مايبلي السعاده .. هنا ياتي دور التربيه والمبادى اللي اتعلمتها منذ صغرها

في أحد قال ان تصرف الزوجة بهالمواقف صح؟؟؟
عشان تبرر و تشرح شعور الرجل. الخ

لكن نتكلم عن الحلول
هل الحل هو الطلاق.
نقطة

__________________