12-12-2014, 09:09 AM
|
المشاركة الأصلية كتبت بواسطة Crestalla
روح
فكري بكلامي كويس وانتي عارفه انا صحبتك يعني عمري ما رح اوقف ضدك روح مالاحظتي انه عندك مشكله مع كل اخوانك من دون استثناء الا الكبير احيانا تتحسن العلاقه معاه مافكرتي انه ليش اخواتك واخوانك عصبه مع بعض وانتي اللي خارج الصوره؟! - إلا فكرت ، و عرفت الأسباب .. و لو تفصلت بها ، ما راح تكفي الصفحات لكن معليه .. هما ماهم عصبة مع بعض .. ظاهريا ( نعم عصبة ) .. لكن في الحقيقة ( لا ) .. و أنا كنت كبش الفداء بينهم .. ( لإني ما كنت فاهمتهم ، و أتعامل معاهم بالفطرة و بعفويتي ) .. و للتوضيح .. أخوي الكبير .. كان أكثر شخص ( يعاديني من ورايا ) .. و يحرض أمي علي الأسباب يا كريستالة و باختصار .. ما عندهم بعد نظر ، و لا اختلطوا كثير بالناس .. و يبغوني أكون مثلهم مافكرتي ليش كل اقربائك من دون استثناء ماخذين منك موقف والسبب مبهم؟! مين قال انهم ماخدين موقف ؟ أنا قلت إنه أختي هذيك ، كانت قبل تحرض بنات الأقارب علي .. عشان تبعدهم عني .. و ما كنت اهتم بكلامها ، و لا اهتم بهم و لا تعليقاتهم .. لإني ما كنت متفرغة للتفاهات هذه .. كنت اسمع و اعرف ايش بيتكلموا عني ، و كنت اطنش .. لإني كنت مكتفية بوجود أمي الله يرحمها .. على سبيل المثال / أختي تقول لهم .. لا تمزحوا قدام - روح الطير - لإنه هي كذا و كذا و كذا .. و لإنها ما تحب المزح ، و تزعل و تشتكي لأخواني و ماعرف ايش ( كلام كذب في كذب و من راسها ) ( معليه ، فيه أخت كذا تهرج عن أختها الي اصغر منها بسبع سنوات أمام قريباتها ؟ ) و قريباتنا أكبر مني .. فما كنت أصلا قريبة منهم مرة ، و هما يحبوا المظاهر و الفلوس .. فلما أختي تزوجت و زوجها و أهله اغنياء ماشاء الله .. صاروا هم بنفسهم يتقربوا من أختي و هي تتقرب منهم لإنه هي كمان تحب المظاهر و الفلوس .. و هما نفس قريباتي كانوا زمان يتكبروا على أمي الله يرحمها .. المهم .. أنا ما تهمني الأمور هذه .. و كنت انزل بالإجازات من بريطانيا و اجلس مع أمي و أونس أمي و اضحك معاها .. لما أمي الله يرحمها توفت ، و حصلت لي المواقف هذيك من أخواتي و غيره من أحداث وقت العزا .. وقتها تقابلت مع قريباتي ، و تقربوا مني و عرفوني بشكل أقرب .. هما الي صاروا يقولوا .. انهم ما كانوا يعرفوا إني بالشكل هذا .. صاروا هم يتقربوا مني .. و يسألوا عني ، و صاروا يقولوا لأخواتي لما نجتمع ( أكثر وحدة فيكم .. فلللة هي روح الطير ) .. أنا ما انتظر من أحد يعطيني رأيه فيا .. عشان كذا ما اهتميت بالفترة الي كانت أختي تجلس فيه معاهم و تهرج عني .. هي دحين مقهورة و تموت قهر ، لإنها شافت كل اللي صنعته و بنته من كراهية بداخلهم تجاهي ( اختفى و انمسح ) .. هي تعترف بنفسها انهم يكلموها و يتقربوا منها عشان فلوس زوجها و أهله ،. بينما يتقربوا مني و يبحثوا عني ( محبة .. و تواد ) .. لدرجة صارت قريبتي أكبر مني ، اللي بيني و بينها عشر سنوات .. على تواصل حاليا معايا ، و تفضفض لي كثير و تقول لي عن أمور ، حتى أمها و أخواتها ما يعرفوه عنها .. هذولي أهل أبوي .. . . أختي شافتني بعد ما أمي توفت ، إني صرت اتقرب من قريبات أمي - صلة و بر بأمي الله يرحمها - .. صارت تقلدني و تتقرب منهم ، و برضو .. تحاول تحرشهم علي .. و برضو ماهتميت ، براحتها .. و مع العلم إنه قريبات أمي لهم قروب خاص بهم ، دخلوني معاهم و بدون طلب مني .. و لانهم قريبات أمي ، يعني بنات خالاتها و أخوالها و كذا و حفيدات خالات أمي .. و من مدينة تبعد عننا فكانوا مرات يعرفوا تقريبا طبع كل وحدة فينا ،. مع العلم ، انهم ( جدات ماشاء الله و عندهم حفيدات .. بس لسى أعمارهم يعني بالخمسينات ) .. فكان تواصلهم زمان مع أمي .. مافكرتي انه انتي ممكن فعلا يصدر منك تصرفات ( ما يكون قصدك شر طبعا فيها) ولكن ظاهرها يبين اويلمح الى شيء ؟! لانه شيء غريب انه كل اللي حواليك بطالين وماخذين منك موقف بسبب شرشبيل ( للأسف ، هي الي تدخل في النيات و تفسر أي تصرف طيب .. أنه وراه نية خبيثة .. و تكذب الكذبة ، و تصدقها .. الدليل ، حماتها و زوجها .. يعايروها بسبب اللي بتعمله معايا .. و بدأت تحس و تشعر بشناعة أغلاطها علي .. و بدأت تصلح اللي بيننا ، مو لإني أختها ،. بس عشان تبغى قدام الناس نكون كويسين و ماحد يقول لها .. حتى أختك ما رحمتيها منك و من أفعالك .. ^ أنا ما جبت الكلام هذا من راسي .. لإنها عزمتني مرة عندها و أنا فرحت مرة ، و تبغى حماتها و زوجها يوصل لهم إني زرتها .. و فجأة ألاقيها بيني و بينها ( ترجع تنقلب علي و تظهر بوجهها الحقيقي أمامي أو أمام أخواني و أخواتي فقط، و هي بنفسها غلطت و اعترفت إنه حماتها و زوجها قالولها .. حتى أختك ما رحمتيها .. لانها ما قصرت معايا و برضو حاولت تشوه صورتي قدامهم بعد عزاء أمي .. ) أنا ما أجيب سيرة أختي قدام أهل زوجها ، بالعكسسسس ، أعزز أخواتي دايم قدام أهل أزواجهم .. لإنه أمي علمتني الشي هذا .. لكن ما اهتم بالتفاهات .. انه فلانة ليش سلمت على أختي و طنشتني ؟ . . هذا الفرق الي بيني و بين أخواتي .. هما يقولوا ( ايش معنى سلموا على روح الطير و طنشونا ) ..؟؟؟ ) وعشان تتاكدي من الموضوع لازم لازم لازم تمسكي احد من اقاربك او اخواتك وتسالي ليش فجاه شلتو مني يمكن يوضحولك شيء انتي ما كنتي منتبهه له ( معليه ، طلع الموضوع مو فجأة .. أنا هذا الي خلاني أعيش فترة طويلة تحت الصدمة .. كيف كنا عايشين سوا ، و ناكل و نشرب و نضحك سوا .. و انتوا كذا مجرد ما اختفي من قدامكم ؟؟ ) . . تعرفي لما أسأل ايش يقولوا ؟ ( أولاً .. مافي أي اجابة واضحة ، و لا يعرفوا حتى ايش الأسباب ؟ و يتهربوا لانهم يخافوا من المواجهة .. ثانياً .. توهمات و حقائق مزيفة تماما .. و كم مرة كلمتهم و قلت كلام ما سمعتوه من لساني .. لا تصدقوا .. سمعتوا شي ، تعالوا واجهوني و اسمعوا مني .. لكن لا حياة لمن تنادي .. ثالثاً .. قلت لك خلاص ما يحتاج أعرف منهم أي شي .. أنا وصلت للاجوبة كلها بنفسي .. ) وبالنسبه لاختك الكبيره اعتقد ياروح انتي فقط مشتاقه لحنان واهتمام الام وقاعده تبحثي عنه عند اختك الكبيره وما وجدتيه عندها وخذلتك فعتبتي عليها وجبتي الماضي والحاضر عنها ( لأ .. أختي الكبيرة طلعت من الناس اللي ساكت و سمه ناكت .. ) الله يسخرلك خلقه ويحنن قلب اخواتك عليك |
سمع منها و ما سمع مني ..
12-12-2014, 09:20 AM
12-12-2014, 09:48 AM
12-12-2014, 10:05 AM
13-12-2014, 10:20 AM
13-12-2014, 11:00 AM
13-12-2014, 11:29 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
