مبروك الزواج و الله يبارك لك في زوجتك ويجعلها زوجة صالحة ان شاءالله ويسعدكم ويرزقكم الذرية الصالحة بإذن الله
وبالنسبة لشهر العسل اشير عليك بالمنطقة الغربية خاصة ان جوها غير بارد وافضل شيء تروح ومعاك سيارتك حتى تقدر توفر على نفسك تكلفة ايجار السياره
تروح مكه تعمل العمره وتبدأ حياتك الزوجية فيها.. وبالنسبه للفنادق عندك ابراج الشيراتون او الهيلتون
واذا رحت المدينه المنوره عندك الفنادق الموجودة في المنطقة المركزيه القريبه من المسجد النبوي مثل المدينة اوبراي او موفنبيك وفي المدينه تقدر تزور مسجد قباء وتروح تشوف جبل احد وعموما المنطقة المركزيه فيها كل شيء واذا حبيت تشرب بارنيز عندك شارع سلطانه اشهر شارع في المدينه
اما في جدة فعندك الفنادق اللي تطل على البحر زي الشيراتون والهيلتون وجدة ويستن و البلاد موفنبيك والانتركونتنتال وفي فنادق ماتطل على البحر زي الحمراء سوفيتيل وراديسون ساس وجدة اوركيد والبساتين
وبالنسبة للمنتزهات فكلها موجودة على الكورنيش اختار اللي يعجبك وعندك في ابحر الشماليه اليخوت والمراكب والجت فتقدر تاخذك لفه حلوه فيها
واذا حاب تغير وتروح مطعم غير مطاعم الفنادق عندك شارع الاندلس اغلبه مطاعم راقيه اختار اللي يعجبك
من هندي وصيني وايطالي ولبناني وامريكي
وعندك شارع التحليه تقدر تتسوق او تتمشى في المراكز الموجودة فيه
وافضل شيء تعمل حجز للفنادق قبل السفر عشان الميزانيه تشوف اسعار الغرف في كل الفنادق وتحجز في اللي اسعاره تناسبك .. وطبعاٌ الارقام تقدر تاخذها من السينترال