مرحبا رجل الرجال الفاضل كيفك يارب بخير .......حاسه اني مللتك لكن سامحني فانا بحاجة لمساعدتك.......بتمنى تكمل مساعدتك حكيتلي بعد العيد ومش شايفاك بتروح عالعيادة قلت يمكن بدك بموضوع مستقل .......مش عارفة ياريت تساعدني .........وتشوف ردي هناك كمان يعطيك العافية

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة

الحين رديت عليك بس أهدي أشوي
وأكتبي لي نتائج آخر توجيه كتبته لك وهل أطلقتي قدراتك ومواهبك وكتبتي الجملتين
وشفت ردك الأخير وحبيت نتايهع هنا بدل العيادة .
بانتظارك.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

اوك بعتذر كتير لانه لسة ما جاوبتني.......ما عندي لوحات حلوة زي ما تفضلت بقدر اعمل الي حكيت عنه بكرت او بورق عادي؟؟؟؟؟؟؟؟وقصة اعلقها صعب ممكن احطها بالدرج مثلا وهيك لانه مابدي حد يشوفها فهمت عليا كيف؟؟؟؟؟؟؟؟بس انا بدي ابشرك انه انا نوعا ما صار عندي ثقة بحالي بالشغل بحاول اثبت للمديرة اني افضل وصار عندي احساس انه غيري مش افضل مني عشان يقوم بالعمل صح وانا لا........الحمدلله ما شاء الله بديش احسد حالي......قصة الوسوسة قلت مع تعب الشغل لكن مع اجازة نهاية الاسبوع بدت تظهر بشكل كبير......عندي طاقة وارادة اكون احسن لكن بدي ثقة وايمان بحالي اكتر مش عارفة كيف......بالنسبة لاختي صرت احس ما بفضى افكر بهيك قصص افضل بس الا ما يفكر الواحد بالاخر........انا حعمل التمرين ابتداء من اليوم ان شاء الله بس تجاوبني على سؤال بخصوص اللوحة والتعليق......بس ازا سمحت انا بدي اعمل هادا الاشي قبل ما انام عشان بكون عندي دوام ما بفضى دوامي مسائي بنفع ولا لا.؟؟؟؟؟؟؟؟الله يوفقك ويسعدك ومبروك كمان مرة الحفيد الله يجعله حامل للقران ويطرح فيه البركة يارب.....

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة

ابنتي الكريمة أريد أن أتغير
الله يبارك فيك وعقبال حفيدك إن شاء الله وأنتي بصحة وسلامه
بالنسبة لعمل الكرت أو اللوحة فاعمليها بأي شي بسيط عندك ولو ورقة بيضا أو صغيرة تكتبي الجملة وتكون في حقيبتك الخاصة وكل ما تفتحي الحقيبة تقريها واللوحة الثانية أكتبيها على ورق ولو صغير وخبيها بمكان قريب من نومك.
وأنتابع بعد التمارين.
أنا مبسوط منك كثير حسيت أنك تقدمتي كثير وثقتك بنفسك عالية ما شاء الله وراح تطلع مواهبك وتحسي حالك متفوقه كثير وما تهتمي بكلام اللي حولك.
أتشكرك اكتير بنتي..

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

يسلمو كتير لاهتمامك ولثقتك فيني عنجد انبسطت كتير بكلامك هادا خليتني اتشجع كتير .......الله يخليك يارب يارب لعل وعسى يصيرلبي حفيد هههههههه بعد ما اتزوج ههه سوري اكيد ربنا كبير ولطيف بعباده.....ثقتك فيني رغم انك ما بتعرفني غير بالمنتدى شجعتني كتير عنجد يسلمووووووووووووووووووو كتير كتيييييييييييييييييييييير الله يسعدك بالدنيا والاخرة عنجد كل كلمات الشكر مش حتقدر تعبرلك عن مدى شكري وامتناني بجد يسلمووووووووووووووووووو الله يوفقك ويناولك شو ما بدك يارب........

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة

السلام عليكم......سامحني ان كنت حكتب بطريقة مش مرتبة .......لاني كتير مضايقة.........اليوم صارت مشكلة ......قبل العيد بفترة نكدت عالكل والكل طبعا حافظلي اياه واخويا الوحيد بكلمنيش لليوم ..........طبعا الكل بلومني ........فاليوم المشكلة مع اخي.......كنت بدي اتفرج عالتلفزيون قبل ما اداوم راح نام هناك وحكيتلو بديش بدي اتفرج طبعا قلت بديش اعملي نكد من الصبح طنشت خفت اهلي يبهدلوني لانه بابا بالذات لما بحكي مع اخويا مش منيح بقلي عيب في حين انه بتجاوز اخي حدوده وبابا بقله برواق..........المهم لما روحت حكيت بالموضوع وكانوا متخانقين معه فراحوا عصبوا عليا وماما صارت تقلي انتي اصلا كل النكد مني ومعه حق مال يكلمك والخ من هادا الحكي حزت بنفسي طبعا بستاهل لاني لو ما نكدت عليهم قبل العيد ما كان صار هيك لكن كل اشي بحملوني مسؤوليته زهقت انا قرفت ......طول عمرهم بميزوا فلان وفلانة عليا وانا تعقدت من خواتي كلهم اشي بقرف....حرام نفسي يفهموني نفسي يبطل اخي مقدس لانه الوحيد.......بابا من عصبيته كان طالع مشوار حكى ان شاء الله بنروح ما بنرجع حكتله ماما واضلي بوجه هاي عني يعني......صرت احس انه بهمش يفقدوني ما الي قيمة كل ما احس حالي منيحة برجعوا يهدموا فيا عنجد مليت كرهت خواتي من تحت راسهم........مرة يحكوا فلان اكبر وفلان شب وفلان ما بعرف شو عقدوني........بتمنى فكرتي وصلت عنجد الدمعة بعيني زهقت ليش الاهل بحسوش في اولادهم.........كل همهم اني اكون مصدر سعادة الهم بغض النظر شو بحس مضايقة ولا مبسوطة كلهم انانيين عنجد بحكي.......

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة

تبتي الكريمه
إذا بدك تتعدل بطلي حساسيه والاهل بدهومش يميزوا بس أنتي باتشوفي هيك وهما بفرقوش بين لولاد وبدهم يفرحوا بيكم بس لما تحكموا رايكم وانتم أولادهم فيزعلوا منكم ويعصبوا بس
وحتى أنا أعصب من بناتي وبرجع أررضى بس لا تتحسسي من إي إشي ولا توقفي عند أي شي يرفع ضغطك وطنشيهم. خليكي قد ما قلت عنك بنتي

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

اوك يا رجل الرجال.......بس اهلي بحس دايما بجروا وراء احاسييسهم يعني اختي المتزوجة عشان كانت برة وهيك هلأ بدللوا فيها اشكال والوان الها ظروف بس عندي يقين حتى لو ما كان عندها ظروف كانوا بدهم يشبعوا رغبتهم انه بنتهم تيجي عندهم ويعملولها وهيك......واخي هادا بدل ما يحكوا انه مشاعره مش طبيعية ويأنبوه خانقتني عشان بدي اتفرج عالتلفزيون من حقي اسمها غرفة معيشة ......بس بتعرف يا رجل الرجال انا سبب بمعاملة اخي الي لاني كنت اعمله خناقات وبحسه كرهني مشاعره مش طبيعية لكن المشكلة انه انا صرت احسن بس برضو هو شايفني اسوأ وحدة انا مش متخيلة هادا الاشي تخيل لا موجود بعمري ما حسسني اني منيحة مع اني بشهادة الكل طيبة لدرجة وخدومة وبحاول قد ما اقدر ما ازعل حد.......بتعرف ؟كتير حزت بنفسي كلام ماما كلي نكد وانا السبب بطريقة اخي ما تحسست زي ما حضرتك مفكر لا بس صرت افكر كتير .......كلامك على راسي من فوق ......بس لو تعرف المواقف الي بابا عملها لما بتخانق مع اخي كنت حكيت معي حق طبعا ما بقدر اغير اهلي لكن صرت احكي بدي اقلل احتكاكي فيهم.....عشان بجد اليوم حسيت اني مظلومة.......بس حضرتك لما تعصب على بناتك ما بظن بتنسف الحجات الحلوة الي فيهم صح؟؟؟؟؟؟؟؟؟اهلي بفقدوني الثقة بحالي كتييييييييييييييير مش قادرين يحسوا بهالشي.........بتعرف حابة اقلك شي هما بفرقوا الظاهر وهما مش حاسيين عشان يشبعوا احاسيسهم انه ولد وحيد والكبيرة كانت اكبر والصغيرة الدلوعة طيب شو ذنبي اني بالنص؟؟؟؟؟؟؟؟؟؟؟اسفة بس بتمنى اكون وصلتلك الفكرة يعطيك العافية

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة

ابنتي الغاليه
هالمشاعر عندك يسموها عقدة الابن الأوسط إقرئي عنها بالنت وشوفي كيف بتنحل

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

شو يعني؟؟؟؟؟؟؟؟؟؟ما بدك تساعدني؟؟؟؟؟؟؟؟؟؟؟؟؟؟انا بحكي هون عشان الاقي مساعدة مهو كان ممكن اشوف بالنت وما احكي سامحني مش قصدي بس شكلك زهقت مني اسفة كتير

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة