تبين حل ؟!
لسانك هاللي ماكلته القطوة طلعيه
وش بتخسرين ؟!
اخوان من هالنوعية البعد عنهم غنيمة
بس بعد ما احوسهم وابرد ناري فيهم
مو كل الاخوان اخوان
واخوة يوسف اقرب مثال لك
وعلى فكرة انت مو ضعيفة

مصارحتك لوالدتك ضرورية عشان تفهم وتعي للأمور

ولو كان لها موقف قوي ضد النميمه لاردع اغلبهم لانها أمهم لا تقف موقف المصدق والمشحون الله يهديها

مو ضروري تكلمينهم عن الفتنة والنفاق والنميمة في نصايحك. لهم حديثهم عن ذكر الله وفضله عن رمضان
وعظم هذا الشهر عن فضل الصلاه علي النبي صلي الله عليه وسلم
عن الجنه ونعيمها عن النار عن حياه الرسول وسيرته أشياء كثيره شوفي البنات الصغار ًالمراهقات تحب

هذه الأشياء وبعض الزوجات قد تكسبيهم لك وتاخذين اجر اعملي لهم جلسه كلها ذكر الله

حاولي اي كلمه تسمعينها مباشره او غير مباشره ما تكبريها
لأنهم ناس يريدون الشر وتضخيم الأمور أبعدي قدر ما تقدري عنهم

وأمك الله يحفظها وش تبي الطفل بهذا العمر هي مو بقادره تربيه وتقوم بشؤونه
حرام تأتون بطفل في بيئة مثل كذا هم ما رحموك وانتي بناتهم وشلون عاد طفل غريب

ما أظن إخوانك واخواتك بيتركونه بحاله وأمك ليس باستطاعتها حمايته ولا رعايته
حاولي تصرفين أمك عن الفكرة الطفل

ومسألة حملك راجعي الطبيب وهم وش مفكرين انك بتجيبي عيال وتعطيهم أمك تربيتهم
لما يقولوا انتي ما تجيبي عيال وبنجيب طفل لأمكم عجيب أمك خلاص خلفة وأنجبت الدور عليك انتي

وهن اذا بيبرون أمك بولد ليه ما يعطونها من عيالهم ناس غريبه
وأمك وش موقفها من هذا الحكي أكيد أمراه كبيره ولها رأي سديد

اخر شي حاولي تجنبهم قد المستطاع وانشغلي بزوجك وحملك
وحاولي تتخلصين من الرواسب التي تكون بسببهم

عزيزتي.. بعض الناس يستقووا عليك لأسباب
إما أنك بالحقيقة أفضل منهم ويودون كسرك حتى لا افرحي بنفسك
او حقدهم الشديد وابتعادهم عن الدين..
لا تهتمممي
طنننشي
ربي خلقك في أحسن صورة..
وقلبك حنون
فإما الخدحي حقك منهم في ساعة الحدث وتنفجري فيهم.. وهي مرة واحدة فقط ستصدمهم ولن يتجرأوا عليك بعدها
أو أن تتجاهلي
اختاري أن تعيشي بحرية وقوة
نحن معك.. فأنت تستحقييين

حياك أختي شوك
احيان احس صدق أكلته القطوة
وأحيانا يجي عندي مية رد لكن مابي المشاكل
لأن بيكبرونها على راسي لايكلون ولا يملون وانا
اطفش خلاص نفسي قصير بحركات الحريم
مابي أبرد ناري ابيهم مايكيدون لي بس
لتني أصير وحدة ثانية أحط حد للموضوع
شكرًا على وقفتك معي 🌹

انتبهي خليك على ماانتي
التنازل مطلوب و مردهالك أكيد بتحس اذا طنشتي وصار بالك طويل
نصيحه لك ادعي ربك يحنن قلوب العائله باأكملها لك
وشغلي سورة البقره او اقريها انتي الله يهدي سركم

حطيتي يدك عالجرح
الرواسب اللي تضايقني تزيد لآني ما أرد اعتباري لحظتها
حاولت أتخلص منها قبل لكن يوم زادت المشاكل وقت زواجي
جلست افصفص الرواسب كلها وحدة وحدة شي سوا لي كآبة
وحسيت أني حقودة اللي مانسيتهاوتأزمت اكثر
لكن أمي الله يحفظها طيبة. تسمع لهم وعندهم أسلوب فضيع
للاقناع لدرجة أني أصدقهم احيان ولاني أنا الطرف الهادي
تقدر تسمعني كل شي ما ارضى سماعه بعكسهن تسمع لهن وبس
وحكاية الطفل ما عندهم جرأة وما أتوقع ان الموضوع صحيح رغم
انه انعرض كثير أتوقع من باب الدق بالكلام وأمي رافضة الفكرة
وجلستي صارت مع بناتهم لان الكبار بروس بعض وإذاعطوني وجه
عشان يشرشحوني ويغلطون علي وإذا زعلت قالوا ننصحها وهي ماتفهم
والبنات كل شوي تنسحب وحدة من عندي تنظم لهم
لحد أمس اسأل وحدة من البنات بطريقة عامة
عن طريقة مكرونة سكتوا وكان رد البنت لاختي لاتردين عليها قلت رجعنا !!
وفوق كذا اذا شافوني مع البنات اللي للحين ماقلبوا علي
قالوا الشغلة فيها احزاب للأسف بوضعي هذا ما اقدر اتجنبهم
لان بنت أختي الكبيرة احبها وتدق علي تقول حنا عند جدة وصاروا يضايقوها حتى اختها
لانها زينة معي وما أبغى اخليها لحالها عندهم حتى أمي ما اجيها الا ساعة اذا هن موجودات
كثر كلامي وقلة حيلتي
مشكورة على وقفتك معي🌹

فعلا أنا أفضل منهم عالاقل ماعذبني الحقد مثلهم
الله يسعدك ام يوسف أحسك تأخذين بيدي
شكرًا لك🌹

تنازلت عن كرامتي عن حقوقي عن قراراتي عن شخصيتي
واداريها كله عشان اتقي شر لسانها
لكن مازادت الا عتوا ونفورا
ودائما ادعي ان الله يحنن قلوبهن وينزع مابها من غل وانا
موقنة انها احدى اثنتين اما ابتلاء او عقوبة
في الحالتين اسأل الله لي ولكم الأجر وان يرفع مابي

حبيت قلبك الم الحنين ماهو مخليك تتصورين حقيقة الاوادم اللي عندي
أشكرك جداً على وقفتك معي 🌹

حشا ماهن حريم مثل الأطفال وربي

الله يعينك ويصبرك
وزين أمك رافضه الفكرة
بس انتي عندك مشكله انك مو قادره تنفصلين عنهن
روحك. معلقه فيهن وعقلك مشغول بهن
انتي البعدي عنهن وكأنك في مدينه ثانيه دام أمك ما عليها
قصور ولا خلاف حاولي تجنبيهم تري احيان البعد يزيد المحبه ويخفف المشاكل

واتبعي الكلام اللي قلته لك ولا تستنين النتائج السريعة واستعيني بداعيه وقت جمعاتكن

باين أنهن بعيدات عن الله

والله يجمع قلوبكن ويصلح حالكن أكثري الدعاء لهن بظهر الغيب


،،،

عزيزتي تاكدي بانك لستي ضعيفة
انما هي الظروف التي جعلتك تتصرفين هكذا بضعف نوعا ما ماتمتلكينه من حب لاخواتك وعدم دعائك عليهن دليل قوة
انتي ماعليك طنشي كلامهم ولاتدقفي على اي كلمة وقللي زياراتك لهن والجلوس معهن
اشغلي نفسك باي مشاركات في تطوير الذات. ..وانشغلي بحياتك الزوجية. .والانجاب بيد الله مش بالسنتهم
الله يعينك