ابي الحل في مشكلتي مع الكوابيس المزعجه عند عيالي في البداية كانت فيني أنا باستمرار كوابيس مرعبه كلها حيوانات وقطط تهجم علي ومع اني كنت اقرا عليها قران الا انه مايأثر فيها هي تهاجمني وانا اقرا قران او أكبر لين اقوم من النوم وبعدين صرت اشوف اشخاص يرعبوني واقرا قرآن ومااافي فايده وصرت ازعج زوجي واقوله بين فتره وفتره قومني انقذني من اللي آنا فيه ومرات اقوم مرعوبه ولازم اقوم زوجي واحضنه واحكي له الحلم اللي رعبني وخوفني بطريقة هستيريه وارتجف من الخوف وياويله يتركني وراه وراه على طول لدرجة انه لو راح الحمام الحقه واقوله لاتقفل الباب و اوقف عند الباب قريبه منه انطره يطلع لاني اكون وايد مرعوبه ادري بتقولون قران والخ انا سويت وحطيت البقره بس احس الكوابيس عنيده وازعاجي لزوجي متواصل وهي متواصله بتخويفي لين صرت اطنش واذا حلمت بهالكوابيس كل اللي اسويه اني استمر بقراية المعوذات وانا في الحلم واقاوم لين اقوم واحضن بزوجي من الخوف ماصدقت صحيت ورديت للواقع وماوجي اناممره ثانيه لاني خايفه ارجع للكابوس مره ثانيه!!
وللعلم زوجي مرات قليله جداً يحلم بكوابيس اكون اتفرج عليه قبل انام لاني ماودي انام وشوي يتكلم زوجي بصوت عالي ومو مفهوم ويصارخ ويخوفني واصيحه بسرعه وفي بالي انه نفس كوابيسي واقوله شفيك اكيد نفس احلامي يقولي لا حلمت ناس يبون ياخذونج وانا امنعهم قلت له يعني مو حيوانات ولا شياطين يقولي لا واحيانا اشوفه يصارخ كأنه خايف من شي فأصحيه واسأله شفيك تصارخ فيقولي مايتذكر وش حلم بس ماشاء الله زوجي شجاع عادي يحلم ويصارخ ويرد ينام مو مثلي حتى من صراخه في الحلم اخاف واقعد سهرانه وخايفه و اقول بنفسي حتى زوجي ماخليتوه بحاله !! واظل سهرانه خايفه احلم واتروع
المهم بعد معاناه طويله جداً خفت عني هالكوابيس ونوعا ما صارت نادره ولكن !!!!!!!!!!!وللأسسسسسسسسسف الدور صار لبنتي !!!
عمرها 11 سنه جنننتني باستمرار تصيح وتقومني من عز نومي تصيح وتحيكلي شنو حلمت وتكون مرعووووووبه وايد وانا حاسه فيها جربت هالكوابيس فاحضنها واشوف زوجي يتقلب يعني يبي ينام فاطلع من عنده اروح غرفتها اقرا عليها واذكرها بأنها ماتنام الا بعد ماتقول المعوذات وانام معاها لانها ماتهدني من الخوف ويمر يوم وتتكرر نفس القصه ياللللللللللله جد بعز نومي تقومني وتصيح وانا اخليها تحكي لي شنو شافت علشان ترتاح وألمها واروح غرفتها حتى مازعح زوجي وعلى هالحال ازعاااااااااج لي وقت النوم وتخويف لبنتي الحبيبه ياليت الكوابيس تستمر فيني وبس ولا تتحول لعيالي وكوابيس بنتي فيها شبه من كوابيسي سابقاً باختلاف ان بنتي تشوفني في الحلم بس بشخصيه مختلفه وهي ان بنتي تحبني كثير فالاشخاص اللي تشوفهم في الاحلام تتشكل فيهم واحده تشبهني وتقول بنتي يمه تكونين شريره في الحلم ونظراتج تخوف انتي اللحين صج تقولين لي قولي المعوذات بس في الحلم تمنعيني وتقولين لي لاتقرينها وانا استقرب منج انتي طيبه واحبج بس اللي اشوفها في الحلم شريره واعرف انها مو انتي لمن تعصب اذا قريت القران او اذا صادني روع منها وترد تسألني بنتي يمه ليش في الاحلام انتي شريره !!
وماعندي شي اقولها غير اقري المعوذات وماعليج من اللي تشوفينه وانتي تدرين هذي كوابيس
بعدين صارت تقولي يمه احلم بجن ويقولون لي انهم جن واشوف اشخاص ماعرفهم واصوات نفخ وزفير واغمض عيوني وماافتحها لاني اكون خايفه وغير الالم اللي يهز جسمي كله مثل الكهربه وأتألم منه واقوم من النوم وانا تعبانه ومهدود حيلي ولو ماروح لج بموت من الخوف وطبعاً كلامها يعور قلبي لأن اللي تقوله لي مر علي وحسيت بالآلام هذي وهدة الحيل وهي مسكينه تقوم من سريرها وتطلع من غرفتها وتروح غرفتي تحتمي فيني وهذا زياده في الرعب لها لأن انا والله ماكنت اقدر اقوم من مكاني مجرد ينتهي الكابوس واقوم من الحلم على طول ألم زوجي واحضنه واصيح واحكيله الحلم بطريقه هستيريه علشان جذيه انا صبوره مع بنتي واتحملها واللي خلاني اكتب هالمشكله انها اليوم تقولي يمه انا احلم واحس انه صج مو حلم واشوف بنت على يمين سريري تنط عند ويهي تشوفني وتنزل واشوف ويها وعيونها حمراء تنط شوفني وتنزل وانا من اشوفها اتروع واموت من الخوف وقالت لي يمه انا تعبت واخرت هالاحلام هذي مو حاله سورة البقره وحطيتها ومعوذات واقراها بس مافي فايده
وانا بصراحه خفت على بنتي الاشياء اللي تشوفها اكثر من اللي مرت علي وهي ماقالت لي السالفه هذي الا قبل اتنام من شوي فقلت لها انتي شجاعه ومايقدرون يسوون شي تراها احلام بس وفي قلبي اقول من يعطيني أنا الشجاعه أول!!
واللي يعور قلبي اكثر ان ولدي ابو 10 سنين نفس الشي لقيته نايم بغرفة اخته على الأرض ومتلحف سألته شفيك مو نايم بغرفتك قالي يمه حلمت بجن واشياء تخوف وقريت قران بس ماراحوا يمه مايخافون من القران وخفت ومالقيت غير غرفة اختي اقرب لي فقلت بقلبي ياربييييييي حتى ولدي هذا دخل القائمه !!!! بس هو مو كثير مثل اخته وللأسف واللي عذبني كثير هو ولدي حبيبي الصغير عمره خمس سنين باستمرار اذا ما كان يوميا يقوم يصيح من سريره ويروح غرفتي خايف اقوله شفيك يقولي خايف وبالنهار اساله شفيك شحلمت يقولي وحش حلمت بوحش مايعارف يعبر بس فهمت انها كوابيس ويقولي ماما ماحب الليل احب الصباح الليل يخوف اذا نمت اشوف وحش وطبعا ماقمت انام افتكيت من الكوابيس اللي تزعجني صارت بنتي تحلم وتخاف وتقومني من عز نومي واذا مو بنتي ولدي الصغير وصار شي طبيعي ماقدر امد ريولي وانا نايمه لأن بنتي أو حد من عيالي نايم عند ريولي من الخوف أما الصغير ابو خمس سنين لانه يرافس وقت النوم ويزعج ابوه فيضطر زوجي يقوم من السرير ويروح لغرفة عيالي ينام بسرير اللي نايم عندي وعلى هالحال حالي وزوجي وعيالي وقت النوم شي غير طبيعي وصار شي معتاد يدخل علينا حد من العيال وعلى طول ينام عندي وزوجي يعارف طريجه على طول يقوم ويروح بأي سرير فاضي من أسرة عيالي اللي نام فيهم حد عندي
وصار شي طبيعي الخدامه لمن تقوم الصبح تشوف زوجي نايم على سرير حد من عيالي وشي طبيعي تلاقيني انا نايمه بسرير بنتي وشي اكثر طبيعية تلاقي الصغير نايم بغرفتي انا وابوه !!
صار كل واحد فينا ينام بوادي ثاني !! انا انام عند الخايف من كابوس مرعب والغالب الخايف ينام عندي كوني اخاف معاه لان مرت علي هالكوابيس وادري بمقدار الخوف عندهم فأكون خايفه احلم بالكوابيس هذي فأفضل ينامون عندي واتحمل رفسهم وازعاجهم فيضطر زوجي هو اللي يطلع من الغرفه !
واحيانا بنتي اذا قامت خايفه وراحت غرفتي ولقت الصغير نايم عندي يا اذا مرعوبه كلش تنام عن ريولي بنهاية السرير او تروح لغرفة اخوانها تنام
يعني حالة غريبه ومزعجه عندنا وقت النوم وماقول الا الله يخلي لي زوجي وابو عيالي احس معاه بالامان وماشاء الله عليه مكيف عمره يقوم وينام بغرفة العيال تيكت إيزي المهم ينام وماشاء الله عليه ينام على طول مو مثلي خوافه من الاحلام وانزعج واتعب من كوابيس عيالي وهذا غير ان عيالي مايروحون الا عندي انا يحتمون فيني مايدرون ان اللي يحتمون فيها خوافه مثلهم وتحتمي بابوهم وماقول الا يارب ماتمر الكوابيس هذي على باقي عيالي ويارب عيالي اللي تجليهم الكوابيس يتخلصون منها بأقرب وقت
وهذي حالي عذاااااااااااااااب وقت النوم والله حااااااااااااله أبي حل أبي أرتااااااااااااااح
والله ماعرف ارتاح مثل الناس الكوابيس جننتني ولانها راحت مني انتقلت لعيالي وهذ شي اصعب لأنهم يخافون وانا اسهر معاهم وزوجي مسكين متشتت ويقولي انا من يدخل الصغير يحضنج انا اعرف طريجي اطلع على طول وانام بغرفته
وللعلم انا اشغل القران في بيتي وخاصه البقره وصار شي طبيعي اقوم من النوم الاقي ولدي نايم بغرفة اخته ومشغلين البقره واذا مو موجود عندهم المسجل يفتحون سورة البقره من النت
وانا اقول حرام اللي يصيرلهم تو الناس عليهم وبنفس الوقت مثل ماقالت بنتي ابي حل كرهت حياتي وصارت كلها الم وعذاب وكلامها يعذبني ويحسسني بالذنب والمسؤوليه احس ان انا السبب لاني لمن استمرت قرايتي المعوذات والقران واشغل البقره لمدة طوييييييييييييييييييييييله وغير عنادي باستمرار المعوذات رغم المي الشديد ورغم روعي وخوفي الا اني كنت استمر بقلبي كنت احس لساني يصير ثقيل وكأن يد تسد فمي وتمنعني حتى احرك شفايفي بس كنت استمر بقلبي والحمدالله راحت من عندي الكوابيس بس انتقلت لعيالي وهذا ألمه وعذابه اكبر علي وغير السهر لازال موجود فإذا كانت الكوابيس تسهرني اللحين عيالي من كوابيسهم يسهروني ويقوموني من عز نومي !!
وغير التفرقه بيني وبين زوجي مانقدر ننام مثل قبل بهدوء لازم الباب مفتوح ولازم نتوقع حد فيهم يدخل علينا وطبعا يطلبوني انا وكرهت هالكلمه وقت النوم ( ابي ماما ) لانها بصياح وخوف وواضطر اطلع مع اللي قومني من النوم اسمع كابوسه المزعج وواقرا عليه المعوذات واشغل القران واسكته اذا كان يصيح خاصه بنتي او ولدي ابو خمس سنين اللي صار ماينام الا اذا قالي يالله ماما تعالي نامي معاي لانه خايف من الوحش اللي هي الكوابيس او اتفاجأ فيه نايم عندي بالسرير وزوجي طلع ينام بسريره !!
فياليت تقولون لي الحل ترى المشكله من زمان بس انا عن نفسي مو مشكله انا كنت استمر بالقران صج اخاف وارتعب بس لساني مايوقف من القران حتى وانا بعز الكوابيس وحتى ولساني يثقل علي وماقدر احركه كنت اقراها بقلبي واللحين فهمت عيالي وقلت لهم اقروا وماعليكم وخاصه بنتي وهم مستمرين بالقرايه والكوابيس مستمره اكثر واحيانا يلتبس عندهم الواقع من الحلم
عيالي قطعوا قلبي شلون اساعدهم !!
ابي اعرف وش الحل مع هالكوابيس

__________________

السلام عليكم ورمة الله وبركاته
اختي الكريمه تم نقله هنا ليلاقي التفاعل المطلوب
وبحفظ الله

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

انتم وبيتكم وعيالكم تحتاجون شيج يرقيكم البيت يامسكون ياعين فيكم او عمل استعينو بسورة البقره خلوها شغاله ليل ونهار والبيت رشو فيه ماء زمزم مقري عليه واشربو منه

بعدين يمكن في بيتكم منكرات زي القنوات الفاسده والاغاني طلعوها او تماثيل وصور او حيوانات او عدم المحافظه على العبادات كلها تجذب الشياطين تخلصو منها والله يفرجها عليكم

مثل ماقالت بشرى ساره يمكن بسبب صور معلقه أو منكرات في البيت أو أن بيتكم مسكون ..
لازم تعرفين السبب اسألي أحد المشايخ الثقه..

حبيبتي الله يهون عليكم الحل عاجلا غير اجلا :

اولا ازيلي كل مافي منزلك من صور وذوات ارواح ومجسمات واي شي يمنع دخول الملائكه للمنزل وخاصه غرف نومكم انت وعيالك نظفيها تماما وشيلي منها اذا فيه دش او اشرطه اغاني او فيديوا اوصور او اي شي يمنع دخول الملائكه

ثاني خطوه امنعي الاغاني وتشغيلها في منزلك منعا باتا وليكن لك في سوره البقره عبره ودواء باذن الله يعني من تصبحين حطي شريط البقره في المسجل وخليه يقرء ويعيد ويقرء ويعيد طوال اليوم وحبذاا لو قراتيها انتي وعلمتيها ابناءك

الخطوه الثالثه عليكي بالمحافظه على الاذكار والاورده اليوميه وخاصه قبيل المغرب وعند النوم عند الاستيقاظ ولتكثرواالوضوء ولتكونوا دوما على طهاره

الخطوه الرابعه عليكي بالقرب من الله فكل ما يحدث بكم هو كيد ومكر شيطاني اسال الله ان يحفظكم منه وقد عانيت منه انا وكان زوجي حالته مثل حالتك كوابيس بشكل مرعب وانا بعد ولكن استعنت بالله وقهرتهم بالقرءان

اختي لا تؤجلي الموضوع ولا تدعي للشياطين فرصه في بيتك عودي الى الله واحسن الظن به وعليكي بالقرءان وخاصه البقره فان اخذها بركه وتركها حسره ولا يستطيعها البطله وهذا قول الرسول صلى الله عليه وسلم

نصيحه لوجه الله لا تخافين ابد وقوي قلبك وايمانك بالله وصدقيني ربنا قالها عز وجل( ان كيد الشيطان كان ضعيفا ) ولتكوني قويه للتغلبي على حالتكم وغالبا الحيوانات والقطط والكلاب والثعابين والحرباء والوزغ ما تكون جن والعياذذ بالله فاقهريهم بالقرءان وباذن الله سوف تتحسن احوالكم

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

تذكرت الشغاله إذا مو مسلمة استبدلوها بمسلمة..

اعتق اعتقد والله اعلم هذا جن يبون يضايقونكم بالبيت
ارجعو للي كانوا ساكنين قبلكم واسألوهم
وشيلي كل مجسمات ذوات الارواح من بيتك
وخلي تلفزيون طول اليوم يشتغل على القرآن
وشغلي لهم البقرة 3 ايام متواصلة
وقبل ينامي حصني نفسك وحصنيهم وقولي ( استودعكم الله الذي لاتضيع ودائعه )
واخيرا لازم وضروري تنادون شيخ يقرا عليكم وفي بيتكم

ربي يسهل امورك ويحفظك وزوجك وعيالك من شياين الجن والانس بحوله وقته
حددي باي مدينة انتي عشان اخوانك واخواتك بالمنتدى يساعدونك ويعطونك ارقام شيوخ للرقية والتحصين

خواتي الغاليات
ليتني اسلى .. بشرى ساره .. كل الغلا .. امل الحياة.. لوتس
جزاكم الله كل خير وماتقصرون وانا كل اللي قلتوه بعيده عنه والحمدالله

وانا ما اعلق صور ولا احط تماثيل الحمدالله انا ادري انها تمنع دخول الملايكه وانا ماسمع اغاني لا انا ولا عيالي وعندنا اكثر من دش في البيت علشان المشاكل بين العيال كل واحد يبي شي العيال الصغار يبون قنوات الاطفال والكبار يتابع القنوات الرياضه ودش لزوجي هو اللي غير يتابع افلام اجنبيه وام بي سي اكشن وللاسف يسمع اغاني
اما انا وعيالي مانسمع اغاني وعيالي فاهمين والحمدالله لاكبيرهم ولاصغيرهم يسمع اغاني واصلا مانحب الاغاني والحمدالله
وانا اقعد مع عيالي الصغار او مع ولدي الكبير اتابعهم بس زوجي الله يهديه ويصلح حاله باستمرار عند الدش افلام ويسمع اغاني ويدخن بشراهه وباستمرار قاعد في المقعد يدخن ويتفرج واذا بسولف وياه ماطول عنده لان المكان مو طبيعي من التدخين فاطلع لاني ماحتمل التدخين
ومع ان هذا حاله فهو ماعنده مشاكل ماتضايقه الكوابيس وللعلم قبل تقولون انصحي زوجج والخ والله العظيم اني حاولت وباستمرار بس كل ماله اردى هو طيب وفيه خير بس مادري شفيه صار مايسمع النصايح ومو راضي يهتدي ودايما ادعيله بصلاتي بالهدايه وانه يوقف تدخين ومره كان ينزل مطر فدعيت ودعيت لزوجي بالهدايه وقلت وان شاء الله يوقف التدخين نهائياً فزعل مني وقالي لاتدعين اترك التدخين اقوله ابيلك الخير قالي مابي اتركها !!
وممكن يعصب علي لو نصحته او قلت له خل نشوف شي هادف بدال هالافلام الاجنبيه اللي ماتخلص او البرامج البايخه بعد يزعل يبيني يا اسايره يا يزعل مني فقلت خلاص بترك نصيحته وبكتفي بالدعاء له لاني احس انه مايبي يوقف التدخين ولا يبي ينهدي وهو والله ما كان جذي كان يدخن قبل يتزوجني بس تركها سنوات طوييييييله بس رد لها اللحين وتدخين غيييييييييييير ادمان مو تدخين وصار له كذا سنه على هالحال من ادمان التدخين وادمان الدش والاغاني وانا اشرح لكم حال زوجي علشان اللي يقولون لي لازم نطلب شيخ اقولهم شلون اذا هذا حال زوجي شلون بيوافق نجيب شيخ وهو يزعل حتى من دعوة هداية له !!
بعدين هو لا فكر ولا شغل باله موضوع كوابيس عياله عادي عنده هالازعاج بيطلع من الغرفه وينام بمكان ثاني وانتهت القصه المهم ينام ولو حس مثلي بالكوابيس اللي احنا نعاني منها كان حس بعيالي ومعاناتهم

وبعدين شلون اقوله نبي شيخ وهو ماسأل نفسه عياله وخاصه بنته وقبلها زوجته ليش تزعجهم الكوابيس مافكر انهم يحتاجون لشيخ اقوم انا اقوله نبي شيخ صعبه هو اصلا مو مكترث للموضوع ومع هذا رغم انه مقصر بدينه وله فتره طويله يعيش بفتور في الدين لدرجة وصلت فيه انه يصلي في البيت واحيانا يجمع ومع هذا ماتأذيه الكوابيس مثلنا فما أظن ان للتقصير بالدين علاقه بالكوابيس والدليل زوجي

اما بنتي الغاليه فرغم صغر سنها الا انها محافظه على فروضها وتصلي بوقتها حتى صلاة الفجر لو ماصحيتهم انا تصحيني اهي اصلي وتصحي اخوانها وولدي ابو 10 سنين الله يحفظه يقوم معاها ويصلي الفجر ويروح المسجد اللي جنب البيت بس ابوه لمن درى انه يروح المسجد عصب عليه يخاف عليه يطلع بروحه وبنفس الوقت يرفض يروح معاه يبي ينام وولدي الكبير مع انه مكلف بس يصلي في البيت ومتأخر وقليل يصلي الفجر في المسجد ومع هذا بنتي وولدي اللي بعمر 10 سنين هم اللي تزعجهم الكوابيس وولدي ابو خمس سنين اتوسم فيه خير وبعد مسكين يتروع
اما زوجي ماعنده مشاكل ويسهر وينام ومافي كوابيس بالعكس والله يهديه ويصلح حاله ان شاء الله
وبالنسبه للخدم عندي خدامات واندونيسيات وكلهم مسلمات وانا بين فتره وفتره اعلمهم امور الدين وفيهم خير ومستبعدتهم تماماً
وفيلتنا يديده احنا أول من سكنها يعني ماهي مسكونه وانا قبل اسكنها كانت الكوابيس تزعجني يعني هي تلحقني انا
وبعدين انا من زمااااااااااااااااااان اعاني من هالاحلام مو من اللحين و كنت اوهم نفسي اني اتخيل بس زادت عن حدها يعني الم يترك اثره فيني حتى بعد ماينتهي الكابوس وبدايتي كنت اشوف زوجي بس ماحب اشوف عيونه متروعه منه ماعندي جرأه مثل بنتي اشوف الشخص اللي نايم عندي مع اني متاكده ان زوجي مو موجود وطلع وكان يختلط علي الحلم من الواقع واستمر بالقران لين يفك عني
وبعد فتره طوييييييييييله تخلصت من الكوابيس هذي وصارت نادر تزعجني لين اختفت حسيت اني انتصرت عليها بس ...........
بنتي ...!! تعور قلبي ليش يروحون لبنتي؟؟؟
نفس اللي عانيته تعانيه بنتي بفرق بسيط انا بداية الكوابيس كنت اشوف كهيئة زوجي وهي تشوف هيئتي وتدري مو انا وتحكيلي اشياء نفسها مرت علي هي بالذات غير عيالي
عيالي نادر يحلمون بالكوابيس هذي باستثناء ابو خمس سنين صار لازم الاقيه نايم عندي
وبنتي بداية الكوابيس عندها انها اليوم اللي ماحلم بشي اتفاجأ ببنتي تصيح ومرعوبه من اللي شافته وخافت منه ولمده سنه على هالحال ويمكن اكثر من سنه ولين تخلصت أنا منهم صارت الكوابيس تزعج بنتي باستمرار
وهذا شي يخليني احس بغضب وعصبيه
يعني معقوله ينتقلون لبنتي!! شنو يعني بالوراثه!!!!!!!!!!!!!!!
لازم لهم وريث يزعجونه ؟؟ ومن اللي يزعجونها بنتي !!!!!!
توها صغيره بدري عليها والله
واللي يصير لها يعصبني كثير وبنفس الوقت يحسسني بالذنب
احيانا اقول ياليت يردون لي ولا يزعجونها اللي شفته ومر علي اشياء صعبه ماحبها تمر على بنتي
ومع اني كنت طول الفتره اقول لها عادي هذي احلام وخيال بس صارت تقولي يمه احلم فيهم يقولون احنا جن !!
يعني انا افهمها واقولها ان اللي تشوفه حلم وخيال وهي تحلم انهم يقولون لها احنا جن وآخرتها معاهم !!
حتى ولدي اللي بعدها لمن شفته نايم بغرفة اخته وقالي خايف من الحلم سألته وش حلمت قالي حلمت بناس مو محدده اشكالهم بس كانوا سود وكثير وقفوا صف جدامي وكنت احس بروع منهم وجايين عندي وماعرف شسوي وفجأه كلمني واحد عند اذني وشكله مثلنا آدمي وقالي هذول جن قولهم اعوذ بالله من الشيطان الرجيم ويقول لمن قلتها تراجعوا لورى لين اختفوا وقمت من النوم مرعوب
يعني بالله عليكم شسوي أنا اقولهم تراها كوابيس شي عادي شي خيال مو حقيقه بس هم في الحلم ينقال لهم هذولا جن !!
واللي يعور قلبي اكثر في عيالي وخاصه بنتي انهم كأنهم في حرب قبل النوم تحصين وقراية قرآن ويشغلون القرآن وبعدين احباط الكوابيس مانفع معاها
بنتي تكسر خاطري عذاب نومها وانا حاسه فيها واقولها طنشي لاتخافين استمري في القران وهي تقولي انا استمر بس لمتى ؟؟ ابي انام مثل قبل ابي انام مثل الناس ابي احلام مثل قبل مو احلام كلها الم وخوف
قولوا لي شسوي ؟؟ اقولهم ارجعولي انا ؟؟
وإذا ارجعوا اخليهم واسكت وما اقرا قران ومااقاومهم علشان مايرجعون لبنتي !!
ولا وشوا شالمطلوب مني ؟؟
ابي اساعد بنتي وش الحل ؟؟

الغاليه امل الحياه قلتي :
انا قهرتهم والله العظيم قهرتهم بس ............... !!
هم قهروني بعد !!
وفي بنتي !!

__________________

حبيبتي اول حاجة شغلي سورة البقرة في الغرفة دايم

حبيبتي مرة اشتريت بجامه ونمت كله كوابيس بجد جنيت ( اكتشفت انو البجامه كلها رسمات )

احيانا تكون في شياء ما ننتبه لها ..

حاولي تحفظينهم الاذاكار واحرصي يقولوها قبل ما ينمو وانتي معاهم

واحيانا يكون من الضغط بالنهار ( يعني واحد من اخوانه ضاربه او مزعله او قاهره ) فيفرغ بالليل

بالنهار حاولي يكون مبسوط وراح يرتاح بنومه بالليل

انتبهي يكون احد يخوفهم ( بالقطوه او الشرطة او الوحش ...............)

اولاد اخوي تعبوني نمت مره معاهم جنيت بس اكتشفت الضغظ اللي بالنهار


انتبهي حبيبتي من الوسوسه (( انتي اقرئي الاذكار وبعد كذا اتوكلي على ربك وخلاص لا تحملي هم احد ولا تخافي من احد ترى الجن اضعف من ما تتصورين )

والله والله والله الامر هونيه بيهون ولا تفكري بشي ء غير راحتك وانسي موضوع الجن

أعوذ بكلمات الله التامات من شر ما خلق خلاص دعاء عن النبي صلى الله عليه وسلم

( انتبهي بنتك تاخذ فكرة انو هي ما تنام علشان الجن ترا عمرها ما تنام وراح يستمر معاها الموضوع للكبر ))
حبيبتي بالنسبة لزوجك ادعي له بالهداية لكن لا تقولين اترك الدخان ( لانه بيعاند صدقيني ) في طريقه اعلمك ياها بس بشرط ((( هههههههه (( تدعي لي ربي يفرج كربتي ))))

المهم اكلي زوجك طماطم سوي عصير طماطم وشربيه يوميا وغصب عنه ولا تجبين طاري انه تبغينه يترك الدخان حتى ما يفهم

وراح تشوفين النتيجه ...

عملتها مع اخوي وما شاء الله الآن تركه ( طبعا مع الدعاء له في ظهر الغيب وليس امامه )

الطماطم تغير طعم السيجارة مع الوقت فيصير ما يستسيغها ابدا يبدأ يتركها تدريجيا


والله يوفقك