السلام عليكم
اغلبكم يعرف ان زوجي حقود ولئيم (باعترافه هو عن نفسه)
قبل كم يوم قال لي انه بيسافر دوله عربيه مع اصحابه
يكثر فيها الفساد والتعري
انا تضايقت وبررت هالشي بغيرتي عليه
وهو حاول يحتويني ويطمني.. بالاخير استسلمت
وامس الصبح صحيت لقيته محول لحسابي مبلغ كبير جدا
سألته عن السبب.. قال دلعي نفسك وانا مسافر
شكرته بعمق وقدرت تصرفه
طلعنا امس بالليل مشوار
وكان يتكلم عن ترتيبات سفرته اللي مدتها اسبوع
وقال لي ان واحد من اصحابه بتلحقه زوجته
يعني هو بيجلس اسبوع معهم والاسبوع الثاني مع زوجته
انا قلت: ماشاء الله فكره مره حلوه ايش رايك نعمل مثلهم؟
قال: الفكره حلوه بس احنا متفقين نسافر عالعيد
قلت: عادي هذي بدل اللي بالعيد
بعدين تغير صوته وقال: خلاص بلا زن
مارديت عليه
ورحع يقول: مو انا اللي اقلد الناس واغار منهم واضح؟
برضو مارديت عليه
واستمر هو يتكلم وانا قلت خلاص انسى
قال: انا اليوم دلعتك الصبح ومطلعك امشيك وجايه تنكدي علي!
قلت: شكرا على هديه الصبح ولا نكدت ولاشي
قلت له: تعليقي عادي ومن حقك تقبل او ترفض
المهم هو فجأه كنسل باقي المشوار
ولقيته ماسك طريق البيت بيرجعنا بدون عشاء
ويقول عني اني: لصقه ونشبه!! وانانيه!!
قلت: لو سمحت ابغى الصراف
وقفنا عالصراف وسحبت كل المبلغ اللي حوله لحسابي
ودخلنا البيت ورحت وضعت المبلغ بظرف
وكتبت عالظرف: شكرا جزيلا
ورحت انيم بنتي
وهو جاني والشرر بيطلع من عيونه
يقول: تردين هديتي؟
قلت له بهدوء: الفلوس ماتهمني، اهم شي النفوس الصافيه والكلمه الطيبه

قال: احسن
واخذ الفلوس وحطها بجيبه
وبعد ساعه رحت له لقيته جالس يناظر التلفزيون
قلت: يافلان انا ما ابغى الا حياه فيها هدوء يكفي مشاكل
طبعا حملني المسؤوليه وكان متضايق ليه ارد فلوسه
قلت انت اللي بالسيارة تكلمت بالفلوس جوا النقاش!!
بعدين ليه تجرحني عالطالعه والنازله ترى والله تعبت
هو طبعا قال جملته المشهوره: اني امثل عليه واني بوجهين!!
واتهامات مره هبله
بعدين فجأه رفع نعاله وقال ترى هذي تسوى اخوانك اللي شايفه نفسك فيهم!!

اول مره يغلط على اخواني!!! وهم ماعمرهم ضروه بشي!!

انا تغير صوتي ووجهي من الصدمه
وقلت: النعال ارفعها بوجه اخوانك مو اخواني.. ماتوقعت توصل وقاحتك لهالمستوى!!

رحت وتركته


وطبعا انا نمت وهو نام وصحى لدوامه (عساه مايرجع)
وانا اقول بخاطري الله ينتقم منه ويارب مايتنهى بسفرته
وشاكه فيه اصلا على هالعصبيه والاصرار المخيف
انه رايح يفرغ شهوته ببنات الحرام
لانه مايلمسني بالاسااااابيع مثل ماتعرفون
ويفتعل اي مشكله معي ويتوقع انه بيسكتني بكم ألف
ويتهمني اني انكد عليه قبل سفرته
وهو اللي عصب وضخم الموضوع!!


المفروض الان اني اروح لاهلي بعد يومين
اجلس عندهم لحد ما يرجع الباشا من رحلته
لكن انا مفكره اروح لهم واقفل جوالي ولا اكلمه
سافر مات عاش هو حر
ولو بيغلط بتشويه نار جهنم
انا تعبت من حرق الاعصاب هذا
وافكر ابعد عنه اسبوعين او ثلاثه ويمكن اكثر
وهو اصلا زاهد فيني وماراح تفرق معه
لكن يمكن يعيد حساباته معي
خصوصا انه زودها بالمشاكل والعصبيه
وصلت فيه يتكلم عن اخواني اللي يسوونه هو واهله كلهم
هذي لحالها كرهتني فيه
صحيح ما ابغى اغث امي وهي مريضه
لكن كرهته وصرت اشوف كائن حقير ولئيم لابعد حد


ادعوا لي ان الله ياخذ لي حقي منه
لاني جد وصلت لمرحله عظيمه من الصبر

مستجدات
الرد 134
http://www.66n.com/forums/showpost.p...&postcount=134
مستجدات
الرد 175
http://www.66n.com/forums/showpost.p...&postcount=175

الله يكون بعونك ياكنافة..

برضو نرجع نقول السبب الاساسي اللي محسسه بالنقص هو الضعف

بس بقول كلمة ولا اقصد اتهام

فتحي عيونك

المبلغ قبل السفرة والتودد اللي بدون مناسبة وبغرابة له دلالات

فتحي عيونك وانتبهي

كلامك صحيح تصرفه غريب
والمبلغ المفاجئ اتوقع كان لابراء الذمه وحتى يسكتني
حاس قلبي فيه بلاء من وراء هالسفره
وهذا شجعني اكثر لرد المبلغ اللي هو يتوقع انه بيسكتني فيه

الرجال مو خالي.. اموره لها فتره مو مضبوطه
وانفعاله العجيب على اقتراح ذكرته يأكد شكوكي
ومع ذلك يتهمني بالنكد واني استكثر عليه الوناسه

الله يصلح اللي بينكم

سبق صدتي عليه خيانات ؟؟

لو كنت مكانك اخذت المبلغ ، وسلامة عمرك سافر آلى نهاية العالم
مردك بترجع !
اما اتعب نفسي بأفكار انو رائح يخون وكذا احسها راح تشقيني
وكيف اعرف اذا خان او لاء!

الله يفرج همك ويهديه
نصيحتي لك استخيري قبل يسافر ولو منك أخذ الفلوس وادلع نفسي فيها انا وبنتي

نسيت اسال

كيف صلاته؟ افضل ولا على نفس الحال؟

لا.. اساسا جواله مغلق برقم سري
وهو حاذف كل التنبيهات اللي تابعه للبرامج
يعني لو يجيه واتس اب مثلا مايطلع عالشاشه

مشاكلكم كثيرة واوقات الصفاء عندكم قليلة

لازم تعرفين أسباب كثرة المشاكل

اذا تحسين ان فيه بينكم حسد فارقوا انفسكم لان مشاكلكم كثيرة وفيه نفور بينكم

اذا كانت كلها بسبب حقد زوجك فالله يعينك لان بو طبيع مايجوز عن طبعه

اذا بسبب ضعف زوجك ، كثير ازواج عندهم ضعف ماسووا ربع اللي يسويه زوجك

ابتعادك عنه فترة فكرة ممتازة خليه يراجع نفسه وتصرفاته وانتي ترتاحين بعد

لو مارديت الفلوس له كان ممكن احرقها
ما ابغاها ولا ابغى اصير مغفله حتى هو يطمن

نفس الحال.. يصلي لكن متأخر
واحيانا يجمع المغرب مع العشاء بحجه انه نايم