زوجته ما عمري غلطت عليها بالكلام.. هي اللي كانت ولازالت تغلط وانه ساكتة .. حسبي الله ونعم الوكيل

أما زوجي..
يا روح عدلي السؤال... قولي تقدرين تغلطين عليه ؟
صوتي ما ارفعه عليه بأقصى لحظات عصبيتي..

زوجي صح يحسب للكلمة مليون حساب
بس في النهاية مو ملاك..
سبق وكتبت في احد الردود زوجي متشبع من التراكمات.. ويفسر تصرفاتي على تصرفات سابقة وآنه غيرتها.. بس هو محتاج لفترة من التغيير
فكرني خالفت اوامره عشان اراقبه..
وانما لاحقا عرف مني ان خالفت اوامره لشيء ضروري .. ووريته محادثتي مع بنته ومع الشغالة

__________________

حاجة الناس إليكم من نعم الله عليكم ، فـ لا تملوا النِعم ☁✨

اللي صار البارحة ظنيته نايم مع ذلك قلت له فلان ابيك تحضني... ما رد فكرته فعلا نام
لما قربت منه آنه بقوم بالامر بنفسي على اساس انه نايم قال .. انا اسمع ترى

ابتعدت في طرف السرير .. الظاهر مل من كثر ما تقلبت مو جايني نوم و مقهورة
قمت نمت عالارض.. ولما قعد قبل اذان الفجر شافني بس ما قمت ظليت عالارض
ولا جهزت ثيابه حق يطلع المسجد .. ولا جهزت كوب الماي .. ولا سويت شيء من اللي كنت اسويه
انتظرته يطلع وقمت صليت لما رجع سألني صليتي ؟ و نزل المكتب يشتغل..

قبل شوي اتصل فيني قال انه راجع البيت .. بس وقته ضيج بيتوضأ وبيروح المسجد حق صلاة الظهر فقال لي بسرعة نزلي لي جنب الباب بعطيج شغلة وبمشي
لما نزلت له عطاني هدية .. وتعذر لي .. وقال اوعديني ما تكررين اللي صار .. قلت له اوعدك .. واوعدني ما تمد يدك علي .. قال تنقص ايدي اذا سويتها مرة ثانية


هذا اللي صار...
بصراحة لازلت مشتتة .. هل اللي صار صح
هل لما يرجع اتعامل عادي و طبيعي..
او ابين له اني زعلانه ... مع اني اعرف انه لما يعتذر ويتأسف مرة ما راح يكررها مرة ثانية عن نفس الموضوع

__________________

حاجة الناس إليكم من نعم الله عليكم ، فـ لا تملوا النِعم ☁✨

مبروك الصلح
خلاص هو وعد ووعد الحر دين
حاولي تنسي الموضوع

زين
الله يكملك بعقلك وجمال روحك الجميلة ..

مهما حصل وصار اعتبريها كبوة جوااد ..
حصل خير أحيانا نحتاج الى صفعة تعيد لنا رشدنا وتعيد لنا كيف نحن اسرفنا على انفسنا .
حبيبتي ركزي على نفسك و إحتياجك
قلتي انك تتألمين وشعرك يتساقط ومريضة ..
قفي مع نفسك وعالجي نفسك ..
أنت نوارة البيت ..انت السكن لزوجك
انت المسئولية في جعل البيت جنة وارفة الظلال
دائما رددي
انا استطيع تجاوز الامر
انا استطيع العلاج.. وربي سيشفين ..
انا نوارة البيت
وانا لزوجي الزوجة الصالحة والسكن الرائع ..
عززي لنفسك برسائل إيجابية
زين
انت امرأة اكتملت فيها الانوثة والرقة والقوة وحسن التصرف ..


وقدامك العافية
لا تنتظري الاعتذار منه الآن أصبري حتى تتشافي النفوس وتستطيع ان تتواصل مرة أخرى ..

__________________






استودعتك الله من كل شر ومن كل حاسد وعدو ..

الحمد لله فرحت لك والله ..

الآن التفتي لنفسك وأرقي نفسك كثيرا
وأجعلي لنفسك عليك حق ..
ربي اجعل أختي زين نوارة البيت وأجعل ماألم بها من أمر تكفير لذنوبها ..

__________________






استودعتك الله من كل شر ومن كل حاسد وعدو ..

أكثري من الحمد يابنتي
لك الأجر إن شاء الله وخيرهما الذي يبدأ بالسلام..

أنت خطوت الخطوة الأولى بطلب الحضن وهو الحمد لله أكمل الخطوة واعتذر وقدم هدية..

طريقته في تقديم الهدية والإعتذار دليل إنه حاسس بفداحة عملته ولايريد المواجهة ولا الكلام والحوار .. الأمر بالنسبة له انتهى. وصفحة انطوت بمجرد وعدتيه ووعدك واعتذر ...

ما أتوقع راح يتقبل منك التحدث في الموضوع..

فإنت كمان نصيحتي لك قفليه..

نعم أنت مجروحة جدا ومتألمة... لكن تعامله الطيب وحسن عشرته لك سيكون بإذن الله تعالى بلسم ودواء..

الله يفرج همك ويصلح حالك..ويكملك بعقلك.

خطوة جيدة
بس سبحان الله ربط فعله بفعلك. ما يعتذرون خالص لوجه الله
قولي له فلان انا وعدتك. ما اسوي اللي سويته. لكن هذا مو تبرير لضربك لي على (وجهي)لازم تقولي وجهي
فَلَو يا فلان حصل بالغلط مني فعل مو متعمد يشابه ما قمت به
هل ينقض هذا وعدك


ادري ما يحبون النقاش الكثير
بس سبحان الله. شيء لازم يتوضح
والله أعلم

__________________

ما ادري يا زين. هل اللي سويتيه شي خطير ؟
مو فاهمة وجهة النظر في عدم ذكر الموقف

__________________

بالنسبة لسؤالي عن الموقف زين
فالموضوع و اغلب المواضيع هنا عن الحياة الخاصة
فهل تفصيل الموقف يعتبر اخص من الخاصة؟

هذه نقطة.
النقطة الثانية
قد يكون فعلا ما فعلتيه استوجب شرارة غضب شديدة. لا اقول ضرب
و عليه لا تحتاجي لان تناقشي معه اكثر عن وعدك بعدم تكراره. لانه فعلا امر نادر ان تتجاوزيه

لكن ان يكون موقف بسيط متوقع صدوره بتكرار من البشر. فالوعد هنا قابل للنقض. بشكل غير متعمد

__________________

كلامج بلسم يا ضي..
هذا اللي راح اسويه..
باقوم بنفض غبار الهم من علي وبسوي لي نشاط وبعدها بطلع لبيت اهلي بالليل
ابي انسى واعيش... ثقتي برب العالمين انه وكيلي وحسبي وسندي.. وما بيتركني للهم وللضياع

فعلا... اعرف انه متأذي من نفسه
ما راح افتح الموضوع بتاتا
دام انه اعتذر .. رب العالمين بعظمته وجلاله .. يغفر ويسامح مع ان قد يكون بعلم الغيب عنده ان هذا العبد سيعود للذنب
منو آنه عشان ما اسامح عبد لله مثله مثلي..

الله يسمع منج يالغالية

يبارك بعمركم اخوي..
نعم.. وعد الحر دين.. سبق وقلت زوجي مو ملاك
بس فيه من الصفات اللي تخليني اتجاوز
واعرفه ما يوعد بشيء ما بينفذه.. يحس الامر فيه تقليل لرجولته

__________________

حاجة الناس إليكم من نعم الله عليكم ، فـ لا تملوا النِعم ☁✨