السلام عليكم ورحمة الله وبركاته ،،،
صباح الخير ومساء الخير على الجميع ، ياشباب رفيقكم ععليمي وغشيم في السفر يعني حده الثمامه والطوقي والتنهات والصمان اما طريق المطار هذا ما يعرفه ، ونا رجال مقبل على زواج في شهر جولاي وابي اوسع صدر المدام وسوي فيها اني زكرت وابي اختبها برا الديره وامشيها ونتونس ولكن مابي اوروبا ولا امريكا ولا ديرة كفره ابي ديرة مسلمين وش تنصحون به خاصة في الصيف اروح لبنان ولا تونس ولا ماليزيا ولا تركيا ولا الامارات
يالنشاما ياهل الجوازين والثلاثه والختخته شورو علي وانصحوني وترى معي مرتي لا تعطوني الي يناسب الاعزوبي ابي الي يناسب ناظر قدام وانت ماتشوف الجاده لان المعزبه بتصير مسنتره اكيد والله يستر لا يصير الدركسون يمين .