هل الطلاق حل؟لانها حياة لاتطاق - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

إضافة رد
قديم 01-04-2019, 02:21 PM
  #1
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
هل الطلاق حل؟لانها حياة لاتطاق

السلام عليكم ورحمة الله وبركاته

انا قديمه بالمنتدى وسبق كتبت المشاكل حقتي من زوجي وهي كان تقصيره بالفراش وانحلت ذا المشكله والكلام ووجوده معي نادر مايقعد بالبيت ابدا
وللان يصحى يداوم يرحع من الدوام ينام مايتغدى من غدانا ولايبي واذا جاملني تخذ لقمه واذا فيه نومه نام واذا مافيه نوم طلع الاستراحه يشيش والعصر اهله والمحلات والمغرب شيشه استراحه والعشا مع اهله ولاتعشا طلع الاستراحه ولايرحع الا 2بالليل وحنا ولايطل علينا ولايقول تبغون شي ويتذمر لو اطلبه شي
انا ام لاربعة اطفال الان لي عشر سنوات متزوجه
الحين تطور الوضع ابحاول تفهمون حياتي بالتفصيل
السنوات الاربعه الاخيره من حياتي اشبه بكابوس
ويارب انه اخر كابوس بحياتي
الرجال انقلب حاله علي 360درجه
سبق واعترفت لكم ادخل برامج عشان انسى افضفض اتشكى واخذ راي فقط لاغير ماعندي خرابيط مجرد فضفضه
زوجي بما انه معدوم المسووليه زاد الحال كان اول يعطيني المصروف اربع الاف انا اللي اقضي للمطبخ والعيال والمدارس واللملابس والفسحه ولي لاخر الشهر مااطلبه ريال ومن نقل عند اهله واستقرينا
واقترحت عليه نسوي مشروع باسمي محل موسسه ومشي الحال وامور تمام وليتني ماقترحت عليه كذب علي وقطع المصروف وقطع حتى بطاقتي الصراف انتهت ماعاد يحول فيها ريال
انقلب وماعاد يعطيني ريال وصار يصرف بالقطاره
مرات الخبز ماهو عندنا ملابس من وين لوين عياله اذا جاعو اطلعهم لاهله ياكلون وهو طبعا ياكل عند اهله من اول عدا عشا ومن غير ذلك مستشفى مايوديني اسنان تحليل اشياء لازم مستوصف خاص مايدفع لدرجه ضرس مفتوح عندي له سنه وانا انتظره
وعزيمه مايحليني اعزم احد او اروح لاحد عشان مايجيب طلبات اوعشا كمان او واجب احد مايبغاني اختلط باحد
عياله لا العب ولاشي
صبرت ووصبررررررت وصبرت سنتين
واخر شي قلت لابوه قام ابوه عليه قال هذا مهو رجل قال هذي لسانها طويل وصراخ ماتحترمني ولاتقدرني
قال لابوه والله لاعرس وابوه يقولي قوليلي بس اذا ماوداك انا اوديك واذا نقص عليك شي انا اجيب
قلت هو ايش دوره بهالحياه هذي وظيفته ماهي شغلتك انت هو المسؤول قال ابوه طيب لوتزوج قلت ماالي قعده عنده ابدا خذ العلم وعياله ياخذهم
وطبعا ابوه هزء فيه ولانفع فيه ابدا
ولاتغير يتحدى ويتحدى
ولاوداني المستشفى الابعد مشاكل كبيره تدخل فيها ابوي انا اتصلت عليه قال ماتسنع بنتي انا اجي اسنعها
وداني وهو كان يحلفلي مامعه ريال وديون هالمحلات و و و واخر شي يطلع ربطات فلوس يفركها بخشمي يقول شوفي والله ماتشوفين منها الا حشوة ضرسك
بعد ايش بعد ماذقت الويل من الالم والبكي
وتحليل مايحلل لي تحليل مهم اممور مهمه
يقول لاتاكلين شوكلاته لاتقولين لي بعدين ضرسي ابغى اسويله حشوة اسنان
اصلا كرهني بالشوكللته كلها الكوفي وكل شي احبه
لانه يذلني ع كل شي الكوفي اطلبه يطلع روحي ولايجيب ويشرب ولايشتريلي واذا شرالي لازم يهيني ويكبه برى مع الدريشه ولا يرمي علي كلام يقول للعامل هاتلها كوفي سد حلقها عني والشوكلاه يشتري وياكل وعياله يطالعون يقول يسوس اسنانهم شي فضيع مااقدز انسى
وحاله مانعدل لين العام فجاه شهر سبعه حسن اخلاقه معي وانا احبك وانتي وانتي انا مصدووومه من تعامله معي للعلم العلاقه الخاصه ممتازه جدا صارت وهو مايقدر يستغني عني ولاعمري منعته حتى. بس قال كذا يبغاني احمل وفعلا ماجا شهر 8الا وانا حامل عندي ثلاثه اطفال اصغزهن4سنوات وانا حملت من هنا واجازه طويله وهو سافر برى من هنا وحبسني بالييت ولاوداني لاهلي وسكت ولاشكيت لاحد
وجا رمضان اطلبه نتقضى اطلبه يصلح اافرن اطلبه يصلح المطبخ اشباء مكسره اطلبه ياثث البيت ع الاقل غزفه جلوس لان بيتي له عشر سنوات اثاثه ولاغيز فيه شعره
كان زمان يوم كان كويس هوًيداوم ويرجعلي خميس وجمعه ماكان يقعد مع امه كثير
المهم اول يوم برمضان طلبته طلبات الفطور عند اهله قلت ماراح اروح ويدي فاضيه ورفض يجيبلي وقعدت مارحت لاهله وعصب وانتي مريضه نفسيا هم مسوين فطور من دونك ويبغو اليوم الثاني الفطور عندي قلت ولاسويت لافرن ولامطبخ ولامواعين ولاشي ماراح افطر احد ولامكان حتى عندي
ونتهاوش ويقولي الفجر لمي عفشك اوديك لاهلك. ولميت عفشي لانه اهانني لميت مابقيت لي شي الا اللي مابغاه هو الصباح يشيل الشناط يقول انقلعي لاهلك طسي لاهلك ورحت اسلم ع اهله يقول يالخبله محد يبغاك ولليبغولك سلام وامه هاوشتني انا وبنتي وابوه صد عني دليل انه كاذب علي ومشيت وطول الطريق نتهاوش طبعا سفر ووصلت بيت اهلي ونزلني وراح واعطيته حظر وراح يكلم اخوي يقوله اصلح بيني وبينها وسالني ابوي وعلمت ابوي اني مطروده من بيتي
وزعلو اهلي ونقاش بالحوالات كيف تنزلها وتسافر ماتفاهمنا هذا دليل انك غلطان يحلف انه عسان فطور ويحلف لاهلي انه ماطردني وانه ابغى تسع الاف مصروف وابغى باريس وابغى مدري ايش قلت من صدق العاقل فيما لايعقل فلا عقل له يكذب علي ليته بس يجيب اكلنا وشربنات وعلاجنا مانبي شي وانجن يوم شاف اهلي واقفين معاي قام يرسلي من ارقام غريبه ارقام اخوياه وعمال يقول لاتدخلين اهلك ويهددني ولاهز شعره براسي ولاهمني كنت ابتطلق منه وبس



وقلت لابوي واخواني عشان مااظلم الرجال
والله انه كان كويس معاي خمس سنوات ولين نقل عند اهله وفتح الموسسه والمحلات انقلب وتغير علي مره كان مايرفض لي طلب وايش قلبه امه ولا الفلوس امه تغار مني ولويجيب لي جزامه جاب لامه فطوره غداه عشاه كله مع امه




وانتهى رمضان وجا اول يوم بالعيد ورفضت وحلفت مااطلع له الا لين يجيب ابوه لعبه هي السالفه حكما من اهله وحكما من اهلها اذا رضى بشروطي كان بها
وابوي وامي يبكون عندي كنت حامل لي شهرين انتي عندك عيال عشان عيالك اطلعي تفاهمي معه مع ابوك وطلعت لاجل دموع الغالين والزجال حاط وجل ع وجل قلت شروطي علاج مايقصر نفقه مايقصر البيت يسنع هالبيت واسمي يشيله من المحلات والموسسه ولا يعطيني ميلغ عن اسمي ابوي يتكلم عنه ويقول تراه حلف لي وقالي انه غلطان وجا ييغى يرحعك ويقولك اللي تامرين فيه يصير قلت طيب بسمع منه هو وهو ولاحرف قاله ولاتكلم قال زي ماهي عندها شروط حتى انا عندي شروط
ويهدداسافر برى اسهر اروح مالها شغل فيني
وتحذف تويتر وسناب مده شهر بس
ضحكت قلت وليه ع اساس بموت من دون هالبرامح ماهمتني ابوي زعل قال ليه قال تشوف صديقاتها والسنابات وتبي مثلهن بكل شيقلت طيب اهم شي كل شي يتصلح قاله ابوي طيب اموركم باذن الله زينه انا اقترح عليك تقعد اسبوع هنا تغيرون جو تنبسطون تقعدون ع البحر وشطف ابوي وسافر وحجزلي طيران الحقه حتى مااخذنا معاه
وطلع ابوي يبغانا نتفاهم طلع ورى ابوي وابوي رجعه عندي قال اقعد معها طيب خاطرها والله ولاكلمه رجع وقمت وقلت لابوي ماني مرتاحه له افهموني ماني مرتاحه ارجع محد حاس فيني وحجز لنا بعد خمس ايام
ورجعت وهو قايل لابوي اغير جوها ونفسيتها ثلاث ايام نقضيها بعيد عن الاهل ومن رجعت وداني لبيتي ولااخذ بخاطري واهدالي ذهب سلسال انا وبنتي
لكن الانسان اللي رجعتله شايف عمره ولاهو شايفني شي وماتغير بولاشي

وطبعا امه طلعت اشاعه ان ولدها بيعرس وانا رحت زعلانه عند اهلي

وطول حملي نفسيتي تعبانه حتى لبسي ضاق علي وغير حماتي تشتريلي تتصدق ارمي اللبس في وجهه شوف غير الناس تتصدق علي وانت راتبك كم 14الف من غير المحلات والمؤسسه
وتطور الوووضع لين قربت ولادتي وانا ماقضيت لنفسي ولا للبيبي ولين تهاوشنا هوشه كبيره يقول تاخذين اللي انا ابغي مو ع مزاجك ويحاسب بالبطاقه ريال ماتاخذينه وانا هنا انهرت اتصلت ع ابوي قدامه يبه فكني من شر هالرجال شوف له حل ماعاد نفع معاه شي شين وقوي عين والله ماعاد اتحمل يبه وابوي يتصل فيه ليه وش فيه ويقول مالك دخل انا اعرف اربيها قال ابوي ماهو على كيفك بنتي ذي امساك بمعروف او تسريح باحسان قال ادري تبون طلاق طلاق والله مااطلق لو على جثتي والله مايفرقني عنها الا الموت والله ويحلف
ويقفل بوجه ابوي ويرجع ابوي يتصل يقول شبكه اكلمك بعدين ويسحب ع ابوي الوالد زعل كثييييير للنه انسان قليل ادب وقليل احترام قام ابوي قاله انت منت رجال ولانت كفو ولاجثتك من زينها عاد مهو على كيفك لاصرت منت محسنها ولاعاد تبغاك تطلقها غصب عنك
وارجع اكلم الوالد واهلي يرسلون لي ملابس انا والبيبي واخواتي كمان وبعدين وداني اقضي لي وللبيبي
طبعا قبلها رحت اكلم امه اقولها بالله يرضيك اهلي يرسلون لي ملابس بالله يرضيك انه نتهاوش عشان توست وسلطه وزبادي وقالت لا وتضحك ونتهاوش عشان فسحة عياله روتقول بس هذي مشاكلكم قلت لها واتعب ويسحب علي اسنان اموت منها ماودني يرضيك تقول عادي الامور بسيطه وتافهه وتبغين تفرقين عيالك عشان هالاموو التافهه بيجيب والرجل اللي يقصر ع اهله مهو ر جل كانت رده فعلها بارده ويضحك مع امه تقول تعالو كلو عندي انتي وعيالك
وفعلا زاد بعدها علي وانجن وامها المصونه مبسووووطه

وولدت وهو كان معي ربي يسر ولادتي قدامه والرجال يقولي يوم طلعت بس كذا الولاده اصلا انتي ماحسيتي بالولاده بدال مايقول الحمدلله ربي يسرها لك بس سلم علي اول مطلعت من غرفت الولاده الحمدلله ع السلامه
طلعت ماقال الحمدلله ع السلامه ولايقصي ولايجيب وكان يبغى يجيب شغاله وامه حلفت مايجيب وتاخذ شغالتي هذا قبل ولادتي ومن دخلت بيتي ماجت الشغاله ولاحد قام فيني غير اختي ماقصرت هي وزوجها سمح لها تقوم فيني اسبوعين تنام عندي وبعدها انا قمت بنفسي واطفالي

طبعا انا جوالي خرب وسالفه الجوال سالفه جوالي كان ماله سنه جديد اطلبه يركب عليه استكر يقول كيفي مابي اركب من بيصلحه اذا انكسر انا ولاانتي من بيدفع انا ولا انتي عجزت وانا اطلبه وطبعا انكسر حوال قزاز واربع مرات ينكسر ويصلحه اخر مره كل من وداه عنده ماتصلح ولايتصلح ابد وهذا خلال سنه لين ولادتي مامعندي جوال واطلبه وساحب علي لين صار عمر البيبي اربع شهور كل شهر يقول الشهر اللي بعده
وتوه شرى لي الجوال ولاهو اللجوال اللي في خااطري
كان بيجيب لي جوال بالف ورفضت قال اجل اانتظري جابلي ب3500جوال بس اربع شهور قاعده بدون جوال يجمع قيمته ع قولته

طلعت من الاربعين لاهديه ولاطلعه ولاشي محاسبني ع كل شي حتى الحديقه ماتطلعين سوق كل شي ولاتعزمين اذا عرمت مايجيب لي صحن حلا
واذا وجبت نافس او حرمه تعبانه يعصب ويهاوش ماتروحين وليه خساير وحلا ومدري وش

ورجل مايقعد بالبيت نهاءي اقوله مالومك بيت يسد النفس بويا واثاث قديم كله قدييييمممممم من عشر سنوات

طلبات مطبخي لو اطلب ورقيات للسلطه يماطل اسبوع واذا جابها رماها قال كولي عشب اسلوب وسخ
فواكه بعد بطلعت الروح
اسناني بعد ولادتي ابكي بكا منها وداني اعطوني مضاد لين يروح الالم بعدين حشوات الاسنان ولاصلح لي ولاضرس للان
اسلوبه معي وسخ جدا وتعامله سئ حدا
انا مو بس محترمته الا مدلعته انا غبيه يوم وجعت وصدقت وقلت بيتعدل كل شي لدرجه قلتله يتصلح كل شي واسحب ع اهلي وانت اسحب ع اهلك مانبي حياتنا مكشوفه بس هو انسان سئ سئ حتى لو اصوره مع عياله يدفني دف لاتصورين
وبنت اخوه يتصوره معاه ويحطون ايديهم ببعض ويصورون والبنت بالثلنوي لاشافني قام يتغزل فيها ويدلعها ويبوس ايديها ويمشط شعرها ويلمس رقبتها وشهالقمر شهالدلع وش هالنور اعيوني ماشوف كيف تخف اضاءتك ونورك وكلام معسول وعيونك الجميله والبنت العن منه بالكلام
جيته بالزين والكلام العسل مانفع وطبعا ماسكت عن هالحركات الوسخه قلتله اقسم بمن احل القسم لوتكررها قدامي لافضخ فيك لو ان هالحركات ع طهاره تسويها قدام ابوك يالرحوم والله يجعل شهوة البنت في ذمتك اذا انا تلمس رقبتي اثار كيف بنت مراهقه بالثانوي انتزماتستحي. ولاتخاف ربك والله يجعل شهوتها بذمتك وانت مسؤول يوم الدين والله لواشوف هالحركات لاصورك ولاعلم ابوك كانك نقي افعل هالشي قدام ابوك وش شيقولك ولاواحد من اخونك زي حركاتك الوسخه
المهم انا سكت وصبرت وعديت ولاجل اطفااي وامي ابوي كان بس يقولون اصبري بيتعدل ولاتطلبين واسكتي و و و و ماستفدت شي من هالنصايح الا انه زاد
‎ هو يقول انتي لسانك ولسانك ولسانك هذي شكواه مني
قمت عليه قلت من زينك ومن زين هالحياه معاك وتحجز لي لحالي اذا اخذت البيبي نعمه والله مااقعد لك وانا وياك مانصلح لبعض ابدا نتفارق افضل وهو رافض الفراق

الحين انا صراحه مدري شسوي لواعلم ابوي والله ليقوم
الدنيا مايقعدها
حاولت معاه بالحسنى مانفع معاه
ولما ازعل ملنفع معاه
شخصيته جنوبي شرقي جاف ناشف مكشر ولاعمري سمعت كلمه حلوه ولامدح ولاشي وكل هالناس يمدحون فيني وبعيالي وطبخي وافعالي وهو ولاشي بس يذمني
حتى عيالي من حفظة القران الكريم اللي حافظ جزءين واللي جزء اطفالي كلهم اول وثاني ابتداءي

وامه تمشي عند الناس تقول ولدي مايقعد معنا بس يحفظ عياله قران وهي تكذب لانهم كرمو عيالي
والحقيقه انه انا اللي محفظتهم واسمع لهم واتابعهم وولدها مايطب البيت كيف يتابعهم ولاعمره سمع له سوره وحده

امانه كيف اصبر ع انسان كذا هو وامه
وطلباتي غير مجابه واجبه عليه و شوكلاته اشتهيها ابكي ولاذقتها كابتشينو اذا اشتراه لي ذلني عليه ومرات يرميه من الشباك بعد ماياخذه لي

للعلم يحلف لي انه ديون وضغوط ولو اقولك بتعايري فيني وانا ماشفت شي احسه كذاب اشوف حوالات مبالغ كبيره وايداعات ومنه ماشفت الا الذل والاهاانه


وهو يقول انا رجل مهان في بيتي

ويحلف والله لتزين الحياه والله لازينها بعينك والله لازينها في عينك هالحياه
احس اسلوبه تهديد كنه بيقول بعرس
رغم انه حلف لابوي انه ماراح اتزوج ولاافكر حتى
لانه هو انجن يوم خويه تزوج وزوجته قريبه لي مره انا قعدت ادعي ع خويه ذا وماوفقه ربي خمس شهور وتطلقت الثانيه هجت عنه تقول وجال مايصرف ولايقعد معي ويسهر بالاستراحه لاخر الليل ولاهو حق مسؤوليه نفس شكواي انا من زوجي



الحين انا اخر مره رحت لاهلي قبل تسع شهور ونفسيتي تعبانه جدا ويقول لاتطلبيني اهلك اذا بغيت اوديك من شهر 12بعيذ الاضحى انا انجنيت قلت والله من يعطلون عيالي لاروح الاجازه كلها من الحين اقولك


رجل غريب عجيب قلتله انا لوعندك غيرك شمسوي فيني مهو غرور بس انا من جد ماقصرت معه بشي واطفالي من حفظت القران الكريم الحمدلله ومع ذلك اشوف نفسي مقصره والله على مااقول شهيد

للعلم بيخاف من دعواتي لان وقت ادعي مقهوره ومكسوره وربي يستجيب دعوتي على طول
مره كذا ظلمني ودعيت عليه اذا انك بخلان علينا وكل ريال قصرت فيه تدفع اضعافه بخراب سيارتك وفعلا خربت وثلاث شهور تصليح

ودعيت ع خويه الظالم وربي موافقه وتطلقت زوجته

ودعيت ع جوالاته تنكسر اذا عندك قيمة الجوال وماشريت لي وتكسرت خلال يومين

ودعيت عليه قبل يومين تهاوشنا بالسوق طلعني وانا توي داخله السوق يقول اصلا انتي ماتخلصين ولاتخلص طلباتك ولاتخلص اغراضك لذلك اطلعي
هذي كلمته ماتخلص الطلبات ولاتخلصين وطلاق بالثلاث ان اغراضك ماتخلص قلت طبيعي لازم طلبات ولازم كل شهر اغراض مطبخ هذا مريض ولا ايش
قلت الله لايكثر خيرك ولايكثر مالك ويمحقه محق قد مانت مقصر علينا ولايباركلك فيه دام مقصر علي انا وعيالي


والله انه مر الصرافه يسحب له فلوس وطارت حوالي 600ريال انجن الرجال وعصب ويصارخ علي دعوتك هذي قلت ماجاك شي وربك كريم والله هو الغني وكل قوي فيه اقوى منه

وانا الحين زعلانه لي اربع ايام ولاني طايقته وقلتله تحجز لي انا والبيبي ورافض والعيال عندك

ماعاد اتحمل ولااطيق شي ولااطبخ ولاشي اسويه
شوركم وهداية الله

باروح اهلي مدري اخذ الاطفال ولا لا وبسحب عليه اربع شهور هو يتعدل ولا يفارق
الله اعلم

للعلم امه تقول لاختي الحرمه اللي زوجها مقصر معاها وبالمطبخ والمستشفى وليه تقعد عنده وتصبر عليه تطلق وتترك له عياله

اخاف اترك عيالي تزوجه امه الظالمه
واخاف اخذهم كمان يزين له الجو وتزوجه

والله ماعاد فيني حتى قدره للتفكير شورو علي الله يرحم والديكم وامي وابوي كلهم مريضين ولافيهم حيل للمشاكل صح بيوقفون معي لكن ماودي ينقهرون ويزعلون

انتظر ردودكم بفارغ الصبر واسفه للاطاله والكلام المخربط
وسافعل ماتقولون لاني اثق بكم وبحكمتكم
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
رد مع اقتباس
قديم 01-04-2019, 03:04 PM
  #2
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
رد: هل الطلاق حل؟لانها حياة لا

للعلم زوجي حنون مع عياله ويحبهم ويعشقهم ولكن لايدافع معهم لواحد يضربهم من اخوانه ولايزعل ع اخوانه كف وضرب مبرح ولايشتري لهم االعاب او يتخذ بخاطرهم ببقاله الابعد طلعت روح البقاله


ومايقدر يعيش من دوننا يقول وجودك يكفي حتى لوماقعدت معاكم

قالي كلمه مره عجزت انساها والله ماطلقك الا اذا صرتي عجوز ومحد ياخذك ولايطل ببوجهك هذاك الوقت اطلقك


ويقولي انتي تكرهيني وماتحبيني ولاتطيقني وانا كلي ماني عاجبك وللمالي عينك
وفي احد غيري براسك واذا قلتيلي من هو بطلقك مدري كيف تفكيره هذا


اشياء تذكرتها قلت اقولكم ياليت تشورون علي بحكمتكم
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
رد مع اقتباس
قديم 01-04-2019, 08:35 PM
  #3
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
رد: هل الطلاق حل؟لانها حياة لا

رجعت اقرى مواضيعي واتضح لي ان الشخص هذا ممريض نفسي ونفس الشخص باختلاف ردود افعالي وانه الزين والشين معاه بنفس رده الفعل وانه اهم شي نفسه ووناسته وبس ومهمل ومقصر ومايستاهلني
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
رد مع اقتباس
قديم 01-04-2019, 08:51 PM
  #4
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
رد: هل الطلاق حل؟لانها حياة لا

ياناس ردوووووو علي ادري ان موضوعي فيه اسهاب امانه ردو علي ابغى حل
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
رد مع اقتباس
قديم 02-04-2019, 11:34 AM
  #5
NANA99
عضو دائم
تاريخ التسجيل: Sep 2018
المشاركات: 76
NANA99 غير متصل  
رد: هل الطلاق حل لانها حياة لا

سبحان الله كنك تتكلمين عن اللي عندي.. يتشابهون كثير..
لكن قرار البقاء او الطلاق قرارك انتي بس..
ما انصحك ابدا تسألين اي احد بهالشي.. لكل انسان قدرة تحمل..
ممكن غيرك يشوف هالامور ممكن نتحملها.. واحد ثاني مايقدر..


بس بقول لك شيء مهم من واقع تجربه شخصيه وسماع تجارب
انتي باقية معه لعيون الخمس سنين الاولى صح؟
وعلى امل انك ترجعين معه لذيك الفتره الذهبية
ابيك تتأكدين من شغلة واحد.. زوجك ما تغير..
زوجك طلع على حقيقته.. الحقيقة تبين مع العشرة..
الواحد يقدر يكون مثالي اول سنه سنتين ثلاث خمس.. وبعدها ستوب..
كل ما طالت العشره انكشف المستور..
فنصيحتي لك لاتعيشي متعلقه على امل ترجع الفتره الذهبية..
لاني فاهمه زيييين ايش اللي ببالك الان..
والشغله الثانية.. شيلي من بالك انك المسؤولة عن تصرفاته..
لو مهما صار بينكم لا تشعري بالذنب ابدا ابدا..
كل نفس بما كسبت رهينه.. لاتصدقي كذبة انك انتي السبب..
هالنوعيات من الذكور اذا تعاملوا بشكل سيء حملوك المسؤولية..
فلا تصدقي هالكذبة..

نجي لعيوبك.. واعذريني بكلمك بصراحة لاني عانيت مثلك..
تقديرك لذاتك ضعيف من الداخل مهما تصنعتي القوه الخارجيه..
وهو عارفك وكاشفك ودارس كل نقاط ضعفك..
جربتي تشتغلي فترة على نفسك وتعالجي هذا العيب..
يمكن بعدها توصولون لنقطة وسط بينكم..
او عالاقل تخف ثورة الغضب اللي تعيشيها الان داخلك..


بخصوص اولادك..
حبايب قلبي مالهم اي ذنب.. مساكين والله..
لاتفكري بيوم تتركيهم له او حتى تهددي بهالشي..
احتسبي الاجر فيهم وراعيهم واحضنيهم ومافي قوة بالكون تفرق بينك وبينهم..


الله يصلح احوالك
رد مع اقتباس
قديم 02-04-2019, 01:53 PM
  #6
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
رد: هل الطلاق حل لانها حياة لا

اللهم امين يارب بالعكس انا احس اني استحق الافضل والاحسن بكل شي بحياتي

ليش قلتي تقديرك لذاتك ضعيف

من اي موقف

وانتي الصادقه ظهر على حقيقته

الله يجبر قلبي وقلبك اختي
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
رد مع اقتباس
قديم 02-04-2019, 08:32 PM
  #7
NANA99
عضو دائم
تاريخ التسجيل: Sep 2018
المشاركات: 76
NANA99 غير متصل  
رد: هل الطلاق حل لانها حياة لا

اقتباس:
المشاركة الأصلية كتبت بواسطة محبه لدنيآي مشاهدة المشاركة
اللهم امين يارب بالعكس انا احس اني استحق الافضل والاحسن بكل شي بحياتي

ليش قلتي تقديرك لذاتك ضعيف

من اي موقف

وانتي الصادقه ظهر على حقيقته

الله يجبر قلبي وقلبك اختي
تقدير الذات يختلف عن الاستحقاق.. ايوا انتي استحقاقك عالي..
بس المشكلة بتقدير الذات..
خليني أضرب لك مثال..
زوجك فرضا طلب منك شغله مالك مزاجها او مالك رغبه فيها..
صعبه تقولي (لا).. تشيلي هم هالكلمة..
ولو قلتيها وهو زعل.. حسيتي بالذنب وانك المفروض ما اعترضتي..
هذا مجرد توقع مني..

انتي جربي تغيري تعاملك مع نفسك ومع زوجك
جربي مليون طريقة واذا استنفذتي كل الطرق اتخذي قرارك بقلب مرتاح
رد مع اقتباس
قديم 02-04-2019, 08:37 PM
  #8
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
رد: هل الطلاق حل لانها حياة لا

اقتباس:
المشاركة الأصلية كتبت بواسطة NANA99 مشاهدة المشاركة
تقدير الذات يختلف عن الاستحقاق.. ايوا انتي استحقاقك عالي..
بس المشكلة بتقدير الذات..
خليني أضرب لك مثال..
زوجك فرضا طلب منك شغله مالك مزاجها او مالك رغبه فيها..
صعبه تقولي (لا).. تشيلي هم هالكلمة..
ولو قلتيها وهو زعل.. حسيتي بالذنب وانك المفروض ما اعترضتي..
هذا مجرد توقع مني..

انتي جربي تغيري تعاملك مع نفسك ومع زوجك
جربي مليون طريقة واذا استنفذتي كل الطرق اتخذي قرارك بقلب مرتاح
بالضبطططط صدقتي اخاف يزعل ويانبني ضميري طيب كيف ارفع تقدريري لذاتي الله يسعدك رتبتي لي هالنقطتين كنت مشتته بينهم ولاافزق بينهم
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

التعديل الأخير تم بواسطة محبه لدنيآي ; 02-04-2019 الساعة 08:38 PM
رد مع اقتباس
قديم 02-04-2019, 10:17 PM
  #9
NANA99
عضو دائم
تاريخ التسجيل: Sep 2018
المشاركات: 76
NANA99 غير متصل  
رد: هل الطلاق حل لانها حياة لا

اقتباس:
المشاركة الأصلية كتبت بواسطة محبه لدنيآي مشاهدة المشاركة
بالضبطططط صدقتي اخاف يزعل ويانبني ضميري طيب كيف ارفع تقدريري لذاتي الله يسعدك رتبتي لي هالنقطتين كنت مشتته بينهم ولاافزق بينهم
شوفي يوتيوب او اقرأي كتب او ادخلي كورسات
مع الوقت راح تتغيري للافضل وراح تحسي بهذا الشي
شخصيا فهمت تقدير الذات من المدربه رهام الرشيدي

ولما تتغيري بتكوني عارفه كيف ترسمي حدودك
وبيرتفع تقدير ذاتك وتكوني واعية وفاهمة نفسك أكثر

وبيكون فيه احتمالين:
اما زوجك يتغير للافضل ويكون محترم نضجك وتطورك
او يزيد شراسه معك لدرجة تخليك مقتنعه انه مايناسبك نهائي


الله يصلح امورك ويكتب لك الخير
رد مع اقتباس
قديم 03-04-2019, 12:15 AM
  #10
wa1121
عضو نشيط جدا
 الصورة الرمزية wa1121
تاريخ التسجيل: Jan 2016
المشاركات: 3,873
wa1121 غير متصل  
رد: هل الطلاق حل لانها حياة لا

القضية في رايي ليست تقديرك لذاتك
لكن نفسك اللوامة هي من تجعلك تتنازلين وتطيعينه خوفا من الله
مثلا النفقة تقابلها الفراش
ما ينفق ما في لكن لما تتذكرين انك ستكونين ملعونة تتراجعين


اذا قوليها له مباشرة انك مانك مسامحتيه
على حقوقك المالية وحاولي اثارة وازعه الديني ان كان عنده

والله يكون معك
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:38 PM.


images