اقتباس:
المشاركة الأصلية كتبت بواسطة غريب 2010
ما عليه اختي ملامح
كلام والدك غير صحيح مو الكل يتوفق في التجاره
ولا الكل عنده راس مال ولاتقولين لي خليهم يجمعون حديد
ولاتقولين ان الزرق كثير ، الرزق للأجنبي صح لكن للمواطن لا
كثير شباب جربوا وفشلوا
وانتي ما تدرين عن ظروف الشباب وكيف ان الاجنبي ياخذ اللقمه من فم الشباب
شكراً لك
|
لا أخوي ماعليش عندنا في المملكه فيه رزق الحمد الله لكن الشباب ألحين مايبي يشتغل ياخذها بارده مبرده والدليل علي كلامي شف بعض الجنسيات عندنا من العرب يجي مامعه ولا ريال وتلاقه غني بعد فتره الدليل فيه فرص لكن من يشغل عقله ويدور رزقه
ومستحيل اخوي تقول غير كذا إلي مجتهد ربي يوفقه ويرزقه لكن إلي متبطح تحت المكيف نوم للظهر هذا وين ووللأسف أغلب الشباب كذا إلا من رحم ربي
وأعتبره عذر البليد الرزق للأجنبي مالقينا أعذار قلنا الاجنبي
صح التجاره اقول لك مو الكل يقدر عليها وهذا قلته لكن إلي يبي يشتغل في اي شغله بيلاقي
والمملكه فيها تجار كثير ونسبه كبيره في المملكه مقتدرين ماديا
وعلي فكره أبوي الحمدالله يعتبر تجار كان أول فقير جدا وكان يشتغل يصلح الكهرباء في البيوت صح الزمن تغير وأبوي جاء في وقت الطفره لكن علي فكره ألحين أغلب إلي في عمر أبوي جاو في وقت الطفره لكن الأغلب ماعنده إلا بيته يعني الفرق في إلي بيتعب وبيجتهد وأي أحد مستحيل يقول المملكه مافيها خير وكل هالاشياء إلي نشوفها دعايات بس شوشره وتخريب وإلا الحمدالله أحنا شعب افضل من غيرنا وحتي هالمقاطع يجيبون رجال في عز قوته ويقول الفقر ومالفقر ألحين أنت رجال رح اشتغل لو في سوق الخضره يشيل هاذي وراها رزق
مايتكلم ويقول الفقر إلا حرمه ضعيفه وإلا رجال شايب او مريض أما الرجال في عز قوته لا
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه