السلام عليكم ورحمة الله وبركاته ..

بناات الله يسعدكم ابغى اسأل .. انا دايما اسمع ان جنس الجنين اذا قالو في البدايه انها بنت
بتكون في نسبه كبيره انه بعد فتره يبان انه ولد ويبان العضو الذكري ..

اما اذا قالو ولد مستحيل ممكن يكون بنت بعد فتره ..

انا عملت سونار 3D في الاسبوع 15 وقالتلي الدكتوره ولد وامس رحت للدكتور عملت سونار عادي ( في الاسبوع ال 17 و 5 ايام ) قالي ممكن يكون ولد ..

الحمممد لله ربي يرزقنا الطفل السليم المعافى كامل الخلقه ياارب .. لكن كانت امنيتي مرررررا اني اجيب بنووته مررا اعششق البنات .. وزوجي كمان مررا كان نفسه في بنت
لان عيلته كلهم اولاد مافي ولا بنت .. وانا عكسه عندي ماشاء الله 6 اخوات بس برضو نفسي يكون عندي بنت ..
وانا عندي ولد وزجي عنده ولد فكان نفسنا ببنت << راضين ولله الحمد ان كان ولد وفرحاانه برضو

لكن الخاطر كان ببنت .
ف ابغى اعرف هل ممكن يكون خطأ من الطبيب ؟؟ ومين حصل معاها كدا وقالولها ولد وطلع بنت ؟؟؟

__________________
لاتسعى لتصحيح ظن احد بك ££ خالقك ينظر لقلبك وهذا يكفيك