اكيد الطلاق السبب وبدون تفكير
الطلاق انكسار وشرخ في حياة المراءه ونفسها
والله يااخوي انا اتعذب يوميا وكل ساعه وكل ثانيه وكل جزء من الثانيه
لاني تطلقت ومدة طلاقنا كان ساعات فقط وزوجي مقابل الطلاق
كلف نفسه ميتين الف ريال سعودي يدور على رضاي وتصليح خاطري
بس تتخيل اني مازلت اعاني وفي صراع داخلي عجيب
اخوي انت وش قدمت ازاء هذا الطلاق

اقصد انت وش قدمت لاانثى كسرت انوثتها
اخوي قدم لزوجتك رحله شهر عسل تجديد لكما وسترى العجب
قدم لها باقة ورد مع هدية وافضل ان تكون طقم ذهب لان الذهب
يحببنه النساء كافه
واخبرها برغبتك الشديده ان تسافروا وتقضوا فترة رومانسيه بينكما كما شهر العسل
اعزمها لوحدكما بمطعم امسك بيديها
زوجتك محتاجة قربك منها
محتاجة انت تبادر
اخي عالج كسر زوجتك
لما تنام خذها بحضنك وهي بديهي تترتب
جيب شغلات حلوه لها لو ايس كريم وشوكلت
اطلعوا شاليهات وادخلو مسبح مع بعض
افتح فيلم ونادي عليها وجلسها جنبك وتابع معها
تابع معاها اهتماماتها وشاركها
تحب القطط شاركها لو تدخل معها وتحممها مرتين ثلاث حتى تكسب ثقتها
والله زوجتك مسكينه حاسه بمدى آلمها

فعلا فكرت اني اتركها عند اهلها شوي منها استجمع قواي واعصابي تهدا شوي ومنها تعرف قيمتي

فرج الله همك

اختي مشكلتها انها مزاجيه بقوه
يعني ممكن اراضيها اغيب ساعه عنها احصلها نفس قبل اراضيها
وبعدين حتى انا عندي كرامه
ايش اللي كرامتها ماتسمح لها
المعروف ان الانسان اذا اخطأ يعتذر مو يخطي وينتظر الطرف الثاني يعتذر له

برأيي انو حل مشكلتك بسيط
زوجتك بحاجة للاحتواء اكثر من اي شي تاني والاهتمام اللي تطالب فيه ياليت انت تبدأ فيه
حاول تقترب منها بالطريقه اللي تحس انو ممكن تناسبها مو اللي تناسبك انت وبس

عوضها عن السفر والضائقه المالية اللي انتا تمر فيها بزيارات لاماكن مازرتوها قبل كدا
عيشها جو انو هيا حبيبتك ومافي حد يعبي مكانها بقلبك ولا يبسطك مهما غبت او هيا غابت
وفي شي مهم حابه انبهك عليه لا تطلبها فلوس ولا تتسلف منها ابدا
حسسها انو انتا مو بحاجه لها من الناحية دي لانو ممكن يكون احد الاسباب اللي بعدتها عنك

عموما وصلل لها عواطفك باي جلسة ممكن تجلسوها سوا حاول يعني بس بعيد عن الفراش والعلاقه وكدا
وانتقاداتك وتعييبك مو وقتها ابداا

وربنا يعينك ...

__________________
-

" وَلسوف يُعطيك ربُّك فترضى "

نعمناقشتها بطريقه رومانسيه جدا وذكرتها باول ايش كانت تسوي وكيف كنا مبسوطين وكيف صبرنا على اوقات صعبه مع بعض
قالت لي كيف تبيني عشان اعجبك قلت بالحرف ابيك فلانه الاولى بس
قالت فلانه الاولى ماتت ولا يمكن ترجع لان كانت شخصيتي فيها اخطاء وضعف وصلحتها وانا شايفه اني كذا صح واحسن من اول
فـ انتهى النقاش

بس هي المفروض تكون واثقه فيني وواثقه بنفسها خصوصا ان فيه مواقف بينت لها اني ماني حق خرابيط
بس هي تلومني على حتى اشياء مالي علاقه فيها

يعني مثلا اذا رحنا السوق يالطيف ماعمرنا رحنا السوق ورجعنا الا وتصير مشكله
ليه هذي تناظر فيك وليه هذي كذا طيب انا وش دخلني تقول لا لو انت ماعطيتها وجه ماناظرت فيك ومعك حرمه
قلت لها مره خلاص اذا رحتي عند اهلك خوذي خواتك وروحي السوق معهم لاتطلبين مني السوق اجل انا ماراح اوديك
تقول ليه اهلي هم المسؤلين عني والا انت
طيب وش اسوي كذا ماني عاجب وكذا ماني عاجب
فعلا شي يحير

ان شاءالله راح اجرب بكره يكون ليلة عطله اجرب واشوف وان شاءالله انها تقول كل شي

اختي الطلاق اكيد يؤثر على الطرفين
لكن كنت مجبور وسبق ذكرت القصه لان كلامها اوجعني بصراحه ماقدرت اتحمله
لكن انا ان شاءالله بكره راح اجلس معها واسمع منها بس ياليت انها تطلع كل اللي بقلبها عشان نرتاح من هالهم

امين يارب العالمين
همي وهم كل المسلمين والمسلمات
جزاك الله خير اخوي