كلامك صحيح ميه بالميه والمشكله انه هذي عادات وتقاليد وابوها متمسك حيل بالعادات والتقاليد لكن في امل لي اني اقعد معاه لما يجي رمضاو واروح ابارك لامه وجدتها بالشهر والعيد وصورتها الي عطاني ايها هي امه وعطتني 3 اصور بدون لا يدري احد غير امي وخواتي وجدتي بس اتحى ابو البنت ما يدري

وانا لما كنت ادور دورت على الدين والنسب والجمال وحصلته ولله الحمد عندها

والله يجزاك خير على الرد

يعني لما تقول لامك. تكلم عمك
او انت تكلم عمك
انك تتواصل معاها بالوتس اب على الاقل
ماهو ردهما بالضبط
؟

انت ما تقدر تتكلم معهم بالأسلوب و لين و بالشرع عن جواز ذلك و ان مافيها شي؟؟

__________________

والله يجزاكم خير على الرد

بس ياليت لو تعطوني حلول لانه صار إلي صار وأنته الأمر

وأنا بالأساس عندي رهبه من الجموع لما اطلع واتكلم قدام مجموعه من الناس ارتبك

اما بخصوص العادات والتقاليد فجدي وابوي وعماني وخوالي وولد خالي كلهم تزوجو مثل ما تزوجة وجاهم اعيال والحمدلله ما صار ان لامو المجتمع على انه ما صار مثل ما قلتوا بان يقعد وياها ويكلمها ويتعرفون على بعض
واما بخصوص جديتي بالزواج فقد سألت وبحثة وقريت بخصوص أشلون أخلي حياتي الزوجيه أحسن وأشلون أتعامل مع زوجتي وبس أكثر شي أحتجته وعلى أساسه كتبت هذا الموضوع هو أول لقاء بيني وبينها وانا قريت وسمعت الكثير عنه بس كله كلام نضري بدون لا أسمع لا يذكرون تجارب عن اللقاء الأول بيننا وهو ليلة الدخله وبغيت أعرف منكم وخصوصن ألي تزوجو

وبغيت نصايحكم بكل شي مثل شنو الهديه ألي أقدمله بليلة الدخله ونحوها

يوم انك شفت انه ممنوع عندهم النظرة كان رحت خطبت من بيت يسمحون بها..

عموما انت تملكت وانتهى الموضوع

لاتفرط بموضوع التواصل مع خطيبتك واجل الزواج شوي..

ومو لازم يصير بينكم شي اول ليلة

اجل الموضوع اسبوع على الاقل لين تاخذون على بعض

__________________

اختلافي عنك لا يعني اختلافي معك

الف مبروك يا حبيبنا الله يوفقكم ويألف بينكم
فيه دورات مفيده ومجانية للمقبلين عن الزواج
اكتب في قوقل دورات للمقبلين على الزواج في (مدينتك) وابحث كذلك في تويتر

لا تشيل هم ليلة الدخله
اسال اخوانك عيال عمك كل واحد بلحاله قل لهم ابي نصايح وخطط هجوميه ودفاعيه وراح يعطونك تكتيكات المحاربين القدامى

وفقك الله

ما اقدر
اما بناحية الشرع فأبوه ملتزم ويعرف أنه عادي شرعًا وأنه أمرتي وما فيها أي شي لو أتكلم معاها

لاكنه ما يرضا بناءً على العرف وهو حيال متمسك بالعفر والعادات

الله يجزاك خير على الرد
وشكرًا على النصيحه

الله يبارك فيك
الله يجزاك على الرد


هههههه حلوه تكيتكات المحاربين القدامه

اذا هي قريبتك و رقمها موجود عند خواتك خذه من عند واحدة منهن
و ارسل لها رسالة انك انت زوجها و حابب تتعرف عليها
خلي الموضوع سري بينك و بينها دام الاعراف و التقاليد لها السلطة الاكبر عندكم

الله يجزاش خير على النصيحه
هي من نفس فخذي بس بيني وبينه من ناحية الجدان تقريبًا 10 جدان أو أقل أما أمها فتقربلي أكثر لأن بيني وبين أمها جدين
لو كان رقمه عند خواتي كان خذيته من يوم ملكة بس ما عندهم رقمه