السلام عليكم

أنا حامل و الحمدلله ، اسأل الله أن يتمّ لي حملي بخير

أفكر - من قبل أن أتزوج - أن أكفل يتيم ( لقيط) و أرضعه مع طفلي
فيصبح لديه عائلة و والدين بالرضاع
بدلًا من أن يعيش بلا أهل في هذه الحياة
أربيه كـ أولادي ، منّ علي ربي برقة القلب و رهافة الحس
و أبتغي الأجر من الله
يالله !
عندما أفكر بشعوره و هو بلا أهل اتألم
و أسعد لأني ربي سيسخرني و زوجي لأحدهم ليتلقى تربية - بإذن الله - جيدة و في بيئة أسرية ممتازة و الحمدلله

..
ما رأيكم ؟
وماهي تبعات كفالة يتيم - لا سيما أنهه لقيط - ؟
و مال أمور التي قد أتعرض لها الآن و مستقبلًا ..؟
وماهي التجارب التي تعرفونها ؟

شكرًا

فكرتك جدا جميله
الله يجعلها في ميزان حسناتك

وحده من معارفي وصلت لل40 وما انجبت فقررت هي وزوجها بتربية طفل يتيم او لقيط
وسعت في الموضوع لمدة سنه حتى وافقو على تسليمها الطفل
بعد التاكد من حسن سلوك الزوج والزوجه وكذلك الوضع المادي وكذلك تقارب الوان البشره
والان هو مع عائلته الجديده وكل فتره وفتره يزورهم شخص من المركز للتاكد ان امور الطفل جيده..

بالنسبه للمستقبل الله اعلم اهم شيء تتاكدي انه اهلك رح يتقبلوه بووسطهم وكذلك ابنائك وان شاء الله ربي بيعطيك على قد نيتك الطيبه..

الله يعطيج على نيتج ياللغاليه
والله انج اصيله ولو منج اثنين بالدنيا جان الدنيا بخير
الغاليه جوفي فكري تبين ولد او بنت تكفلينه بشرط ..

احسبي حساب المستقبل ..
هل انتي قادره انج توفينه كل متطلبات الحياه ..
يعني جوفي الايتام عندنا هني الدوله تربيهم وادخلهم احسن المدارس واذا تخرجوا من الجامعات يزوجونهم ويسلمونهم بيت وسياره عشااان يكملون حياتهم
يعني تقدرين تقولين مدلعينهم واايد.. البنات ولاالولاد ..

وطبعن اذا سالج بيوم ليش انا اسمي
ولد جابر .. ورقمه مثلن 360

لانه عندنا الايتام اساميهم بالجواز ..
عيال زايد 350
عياال زايد .. 2
عيال زايد 600
.. الخ ...



فكري في هالناحيه شو بجاوبينه اذا جاف اسمه
عيال جابر 360 ...

المجهولين النسب طبيعي يوم الدوله تعطيهم بالجواز اسمهم ورقمهم وبس
بس اذا قدرتي تحولينه لاسم زوجج
راح يكون احلى هديه تقدمينه لليتيم ...
بس موب مهم كل هذا المهم الحنان لانه هالنوعيه انا درست معاهم بالجامعه تحسينهم معقدات لانهم فاقدات الحنان ..
بس انا متاكده لو تربى عندج راح يتمنى يكون ولدج بالفطره ..
والله يوفقج ان شالله واشجعج على هالفكره بس تحملي غدر الزمن لا ادور الايام وينعتونه لقيط ..
والله يوفقج ان شالله

يابختك بالآجر العظيم

الله يعطيك ع نيتك و ياجرك عليها
بس ياختي صعب هالشي .. مع ان اجره عظيم
لكن اذا مصرة ..
أنصحك تاخذين بنت مو ولد
وحدة اعرفها عمرها فوق الثلاثين متبنية طفل
بسبب انها ما تزوجت اجراءتها طولت لغايه ما استلمته
و هو عمره 4 شهور
و هو الحين عمره 10 سنين متعلقه فيه مرة
تقول اذا راح المدرسة ابكي عليه أخاف احد يضربه
مع انه مو ولدها سبحان الله ربي سخر قلبها عليه
لكن المؤلم في الموضوع انهم قايلين لها ..
لازم الطفل من عمر ست سنوات يدري انه مو ولدك
و لازم تعلمينه في هالعمر و ان ما عرف ناخذه
شروطهم مادري وش الحكمة منها
توجع القلب اكثر مما تنفع ..
يا اختي اكفلي لك يتيم بفلوس شهريا
ما يحتاج تجيبينه بيتك و بكره لا كبر
بتشوفين نفسيتيه تعبانه من المجتمع
ساعتها انتي اللي قلبك بيتقطع عليه
الزمن ماعاد يتضمن ..
انتي واثقة من نفسك و من زوجك وعارفه
شلون تربين بإذن الله .. لكن المؤثرات الخارجية
اقوى تأثير منك ..
عشان كذا ماني معاك في هالفكرة ..
اعذريني ...
والله يتمم لك حملك وولادتك ع خير يا رب

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ماشالله فكررره عظيمه
الله يرزقك رضاء الله
ارسول عليه السلام يقول"أنا وكافل اليتيم في الجنة كهاتين" وأشار للسبابة والوسطى.

ياحظك بالاجر والله
ماشاء الله

انا ودي بس امي مرة رافضه تقول التربية صعبه هاللحين ماصدقت انك انتي واخوانك تكبرون ولا مرة ودي *

__________________
رضيت بالله ربا وبالاسلام دينا وبمحمد صلى الله عليه وسلم نبيا ورسولا .

انا مع الفردوس غايتي
ادخال طفل ما تعرفين اصله يدخلک في مشاکل انت في غني عنها، اجرک عظيم عند الله ان کفلت يتيما سواء ادخلته بيتک ام لا.
فکرتک توحي بانک انسانة رائعة و مؤمنة بارک الله فيک.