تهنينها على ايش بالله ..!؟
هي آثرت تقاعد العمل بتقاعد ميثاق الزوجيه شنو استفادت الان ...!
طلقها وتزوج غيرها وهي عنده بنفس البيت ....؟
وبعدين ماطلب منها ترك العمل والاستقاله وانما حان وقت التقاعد ولابد ان تتقاعد مايكفي خروجها للعمل 25 سنه ...!؟

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

الطلاق بيده مو بيدها !
بأمكانه يقنعها بطرق مختلفة اذا رفضت خلاص يرضى بالامر الواقع ويخليها براحتها..
طالما شرطت مو من حقه يطلبها تتقاعد نهائياً ..
اللي بوصله انه الزوج يقدر يقول رأيه بس مو من العدل انه يفرض رأيه..
وحاسه انه هددها ( تقاعدي ولا طلقتك ) وصار الموضوع تحدي .
وهوا كمان ايش استفاد ؟ ماراح يحس بطعم السعادة غير مع ام اولاده لو مين يتزوج ..
ولاتنكر انه الخطأ على صاحبك !

الخطا على الاثنين
هو طبعا صعب عليه يبدى حياه جديده
وهي صعب عليها تلقى وحده تاخذ مكانها
لكن تظل البيوت اسرار ومانعرف وش السر الاساسي لانفصالهم بعد هذا العمر

تصدقين مبتعثة انا اشوفه فعلا مايبغى دكتورة او طبيبة
وبنفس الوقت ما يبغى وحدة امية او ما عندها شهادة
خير الامور الوسط
و النصيب يجي لهذي و هذي
الله يرزقك بمن تقر به عينك

اللهم امين جزاك الله خير استنكار

فعلا كلام سليم أخ ياسر

ماشاء الله تبارك الله !
الله يكثر من أمثالك ..

اعتقد ان الموضوع هذا يحتاج لتعريف ماهي المرأة الناجحه.

اذا الزوجه موظفه وعندها شهادات عاليه وبمنصب كبير لكن شغلها يأثر على بيتها وزوجها هل تعتبر ناجحه؟ اذا طالعه من الصباح وتاركه عيالها بالبيت مع الخادمه تربيهم تعتبر ناجحه؟

اذا الزوجه ماعندها وظيفه وجالسه بالبيت تهتم فيه وتجلس مع عيالها تطلع فاشله؟

للاسف مجتمعنا صار يربط النجاح بالشهادات والمناصب رغم ان ياما شفنا ناس بشهادات عاليه لكن غير ناجحين بحياتهم وياما شفنا ناس بدون شهادات ربو اجيال نفتخر فيهم

ايضا هل الرجل ذو منصب عالي والي دايم مشغول عن بيته وعياله يكون ناجح؟

برأيي الشخصي، النجاح ليس عباره عن شهادات او منصب او مال ولكن عباره عن القدره على التربيه السليمه الصحيحه. التربيه على الدين وعلى تحمل المسؤوليه.
تربيه الولد ليصبح قادر على تحمل صعوبات الحياه وتوفير لقمة العيش وتربيه البنت لكي تصبح قادره على الاهتمام بالاطفال لتزرع فيهم الثقه بالنفس والرحمه.

استغرب من الي تقول ان وظيفتي اهم من زوجي. وبكره اذا تزوج عليها تقول مافيه خير وخان العشره. طيب وينك عنه من اول؟

يعني لو ان زوجتي موظفه وعملها مأثر علي، ولا عاد صارت تفضى لي. وش الحل؟ هل انا ملزوم اني اتحمل؟

انا زوجتي موظفه وبعطيكم امثله على كيف عملها مأثر على حياتنا.

1- تطلع للدوام وتترك عيالها مع الشغاله بالبيت لحالهم. وصل المرحله ان الشغاله الي تأكلهم وتشربهم وتغير لهم. ابد صارت امهم
2- تصير لها مشاكل بالدوام وتأثر تلى نفسيتها بالبيت
3- قل الاهتمام فيني كزوج نظرا لانشغال بالها مع عملها
4- الجماع اصبح شبه معدوم لانها تنوم الاطفال بدري علشان بالنهار يكونون نايمين

طبعا مالي دخل براتبها هي حر فيه وفوق هذا اعطيها مصروف.

طيب انا كزوج اذا مالقيت اهتمام. وش اسوي؟

للأسف هذا اللي حصل معاي انا و زوجي .
توني راجعه من الابتعاث خلصت سمستر واحد ماجستير وزوجي ماقدر يجيب قبول بكالوريس وقرر بدون سابق انذار اننا نرجع خلاص،،
مع اني يشهد ربي علي ساعدته ووقفت معه طوال فترة اللغة واللي يبي اساعده فيه ماعندي مشكله أأجل شغلي على بحث بس عشان اساعده وافهمه واجب قرامر بالرغم من (وجود اطفال +تخصص صعب+ اعباء البيت) ..
لكن الحمدلله على كل حال ربي اكيد اختار لي الافضل الآن

راتبها حره فيه وتعطيها مصروف هذا واجب وحق من حقوقها ،، واكيد انها تصرف على نفسها وعلى اطفالها منها على اقل احتمال
لكن انت تبحث عن الاهتمام ، هل انت مهتم فيها وتساعدها بالاطفال ؟ هم مسؤوليتكم انتوا الاثنين مع بعض لا تلقي اللوم عليها هي بس ، بعض الرجال واقول بعض الرجال وليس انت اخي خالد المقصود * يفكر انه اذا اشتغل واعطى اهله المصروف انتهى دوره بالبيت * لا طبعا ، كلكم راع وكلكم مسؤول عن رعيته ، الاطفال والتربية السليمة امانه برقبتك انت وهي ..