زوجي لايضع حداً لاولاده من زوجته الأخرى - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 31-07-2008, 03:05 PM
  #1
ام الاحبة
عضو جديد
تاريخ التسجيل: Jun 2007
المشاركات: 4
ام الاحبة غير متصل  
زوجي لايضع حداً لاولاده من زوجته الأخرى

السلام عليكم ورحمة الله وبركاته وبعد/هذا اول موضوع لي هنا فاسالكم بالله تفاعلوا معي واجعلوا انفسكم في مكاني وارشدوني للطريق والتصرف الصح
انا زوجة اولى وعندي اطفال اكبرهم في المرحلة المتوسطة وعددهم ماشاء الله 6وزوجي متزوج وعنده 3اطفال الكبير في التمهيدي انا ساكنة في دور والزوجة الثانيةشقة المهم زود مع عيالي الله يصلحهم زوجي ومرته ازعجوني بعيالهم يبونهم مع عيالي 24ساعة ولازم اتحملهم ولاارسلهم لامهم اخليهم يلعبون مع عيالي واللي يبغى الحمام الله يكرمكم اكون معاه وبالمختصر المفيد اربيهم مع عيالي ومتى مابغوا ياخذونهم انا احب عيالي زوجي واعتبرهم مثل عيالي لكن اهلهم استغلوا الحب هذا والطيبة الزايدة تبون الصراحة ماينعطون وجه الله يسامحهم فهمت زوجي اني ماتحملهم مع عيالي دايم خلوهم يجون ساعتين يوميا وليس يوم كامل حتى نوم عيالهم ماعندهم مانع ينامون عندي لكن زوجي يقول خلي عيالي متى مابغوا يجون لاتردينهم واتحملي زعلهم مع بعض وصراخهم وحوسهم الله يشهد ماصبرت شغالتي الا يوم زدنا راتبها وانا طفشت منهم مع اني احبهم والله لكن اله يرحمنا برحمته قبل لازاد الشي عن حده انقلب ضده حاولت مع زوجي يحدد لهم وقت مافيه فايدة بالطيب وبالزعل وبالهوش مافيه فايدة انقلبت حياتي الي مشاكل حسبي الله ونعم الوكيل تخيلوا ما اقدر انام الظهر قيلولة لازم اراقبهم لان شغالتي الظهر تكون في غرفتها وقت راحتها وغداهاوتغسيل ملابسها ماتجي الا الساعة 3العصر والله يشهد نزلهم مرة عندي الظهر قلت بكيفهم ابروح انام واتركهم مع اولادي قسما بالله صحيت من النوم لقيت بناتي الثلاث في غرفتهم قلت وين اخوانكم قالوا سووا حوسة في الغرفة وطلعناهم وولدي في المتوسط نايم ووحدة من البنات تلعب كورة مع اخوها واوح في الحوش والقى عيالي زوجي برا يكسرون الخاطر والله البنت تعبانة وماقالوا لي مرتفعه حرارتها وجالسة عند باب بيتهم بشكل يخلي العدويرحمها عمرها سنة ونصف واخوها نايم على بطنه والثالث يدور عند اخوانه اللي بالحوش دخلتهم وعطيت البنت علاج والباقي جمعتهم على الغدى وش الحل معهم قولوا لي اتحمل عيالهم او اضغط على نفسي وانسى ان زوجته تتسدح وتتطبح مع زوجي وانا اكرف مع عيالهم قلت لزوجي مايصلح اتقوا الله قال مالك دخل فيهم في بيتي وعند اخوانهم والشغالة لو ما اداريها هجت وخلتني شوروا علي وادعوا لي قسما بالله ما اكذب عليكم تكفون وش الحل اروح لاهلي وخلي عيالي مع عيالها اخليهم يحسون مع اني متاكدة بيرمون عيالي على الشغالة ومااحد داري عنهم كلمت زوجت زوجي وقلت لها تنتبه لعيالها وقلت لو ارسل اثنين من عيالي تتحملينهم قالت لا قلت طيب انا ماتحمل قالت ابوهم وش اسوي فيه مع ان بامكانها تقول ابنزلهم العصر الان وقت راحة من يوم يتصل عليها وهو عندي نزلي الاولاد تنزلهم طفشت والله الله يصلحهم وعيالي وعيال كل من قال امين اللي
جعل المشكلة تهون زوجي يحبني اكثر منها واذا سويت لعياله معروف طار فيني بس ماعد اتحمل حتى الحمام الله يكرمكم يقول ودي ولدي مع ولده يتعلمون سوا اعمارهم متقاربة سنتين ونصف الله يفرج عن كل من ردت علي لو بدعوة صالحة وجزاكم الله خيرا


عفــــــــــــواً
تم تعديل العنوان لتوضيح المضمون
الاشراف

التعديل الأخير تم بواسطة ليتني اسلى ; 31-07-2008 الساعة 05:25 PM
قديم 31-07-2008, 03:32 PM
  #2
روز السعودية
عضو نشيط جدا
 الصورة الرمزية روز السعودية
تاريخ التسجيل: Jul 2006
المشاركات: 358
روز السعودية غير متصل  
وعليكم السلام وحمة الله


الله يفرج همك ويصلح أحوالك ,,,, حاولي تتفقين مع زوجك على وقت معين ينزلون عندك فيه مثلا ساعتين في اليوم وبس

الله يعينك ويقويك يارب
__________________
قديم 31-07-2008, 03:45 PM
  #3
جوري77
عضو دائم
تاريخ التسجيل: Jan 2007
المشاركات: 67
جوري77 غير متصل  
اختى كل شىء له حدود وانت ما قصرتي وبعدين امهم ما هي مر يضه ولا شىء وبعد ين خليكي اقوى من كذا والله يعطيكي على قد نيتك
قديم 31-07-2008, 03:45 PM
  #4
بياض الكلمة
عضو جديد
تاريخ التسجيل: May 2005
المشاركات: 11
بياض الكلمة غير متصل  
الاخت الكريمه ام الاحبه لك من اسمك نصيب
اسال الله ان يكون بعونك ويعينك على ماانتي فيه
نصيحتي لك بان تتفاهمي مع زوجك لاني اعتقد ان زوجك يبي يجلسون العيال مع بعض لانهم اخوه قد لايعرف انك تعانين منهم
ولاتنسي انك ايضا تتفاهمي مع زوجته وتشعرينها بمعاناتك وتحاولين ايضا ان تجعلي عيالك يطلعون ايضا عند زوجة ابوهم الثانيه لانها اذا حست بازعاج العيال اكيد اهي يمكن تبقي ابنائها عندها ويمكن تحس بمعاناتك

اقدر اصالتك وطيبتك التى تنم عن معدنك الطيب

ربي يوفقك
قديم 31-07-2008, 03:46 PM
  #5
عاشقة عيونه
قلم مبدع
 الصورة الرمزية عاشقة عيونه
تاريخ التسجيل: Jul 2007
المشاركات: 1,448
عاشقة عيونه غير متصل  
اختي العزيزة الله يعينك ويصبرك ويفرج همك يارب
ما ادري وش اقولك يعني زوجت زوجك رامية كل الحمل عليكي والسبب زوجك الي مو قايلها اشي
انت وين حقوقك
انا بقول خدي عيالك وروحي عند اهلك اسبوع راحة واستجمام
يمكن بعد هيك تبطل تنزلهم عندك
الله يعينك
موفقة
قديم 31-07-2008, 03:49 PM
  #6
زهوره الاموره
عضو متألق
تاريخ التسجيل: May 2007
المشاركات: 787
زهوره الاموره غير متصل  
السلام عليكم
اختي الله يقويكي ويعينكي والله صعبة انامتاكدة ان اولاد زوجك هم اللي ما يريدون يرجعون لبيتهم
لان الاطفال يحبون الاطفال وانت ما شاء الله حنونة
بيت اهلي عدهم نفس المشكلة ابناء اخي طول النهار عندنا وما يرضون يروحون لبيتهم يلعبون مع اخي الصغير(عمهم )

وايضا ما لقينا حل والدتي تعبانة عليهم تطعمهم وتحل مشاكلهم
وتقول انتظر الاجر من الله
انت ايضا الله ياجرك غير منك كان فرقت بين الاخوان
بارك الله بيكي ولا حرمك الاجر وان شاء الله يطلعون هم وابناءك من البارين بكي
عليك بالاستغفار
قديم 31-07-2008, 03:49 PM
  #7
زهرة نجد
عضو نشيط جدا
تاريخ التسجيل: Jun 2006
المشاركات: 293
زهرة نجد غير متصل  
الله يفرج لك ومالك الا ان تحتسبين الاجر فيهم لان والله اعلم امهم ماعندها احساس ويمكن ابوهم ما يستامن عياله الامعك لانه شايفها مع عيالها وما اعجبه وضعهم عند امهم وده انك انت الي تربينهم
وبصراحه ما الومك محد يتحمل عيال احد ابد عيالنا ويالله نتحملهم مالك الا الدعاء
اذا مره وصلت معك ما فيه الا انك تطلعين انت واولادك لاي مشوار ( معزومه, بروح لاهلي ,او بيجيني ضيوف) اي حجه عشان يرجعهم لامهم
قديم 31-07-2008, 04:38 PM
  #8
وحشتيني يامصر
عضو متألق
 الصورة الرمزية وحشتيني يامصر
تاريخ التسجيل: May 2008
المشاركات: 1,113
وحشتيني يامصر غير متصل  
الله يعطيك العافية على دعواكي المسبقة
ارى انك تخليك طبيعية مرة وانتي ايضا ارسلي لها الاولاد في اي وقت يكون زوجك فيه عندها وساعتها انا متاكدة انو بيضايق وهي بعد وعشان تخليك تبطلين ترسلين اولادك هي بتبطل ترسل اولادها هذا رايي
قديم 31-07-2008, 04:53 PM
  #9
ام الجود
عضو نشيط جدا
 الصورة الرمزية ام الجود
تاريخ التسجيل: Apr 2005
المشاركات: 454
ام الجود غير متصل  
أنا مع رأي الاخ أبو تريكة

انتي سوي زيها اذا صار هو عندها أرسلي الاولاد عندها وبكذا بتحس بالتعي الي تحسين فيه والله يكتب لك الأجر على خدمتك لزوجك
__________________


قديم 31-07-2008, 05:03 PM
  #10
justwanna
عضو جديد
تاريخ التسجيل: Jul 2008
المشاركات: 30
justwanna غير متصل  
اختي اقول لك على حل يريحك و لكن يستوجب تقسي قلبك شوي و تخلي عندك برودة اعصاب يعني حطي اعصابك بتلاجة و انسيهم
انتي باين عليك انك من النوع الامهات الحنون و هدا جلب لك التقدير من زوجك بس كمان مرته استضعفتك و استغلت هالشي , و النتيجه ان الان انتي مسوولة عن تربية اطفال لم تلديهم و لن تعوضيهم مهما فعلت عن مكانة امهم و رح تنسى كل تضحياتك بسعادتك و راحتك و راحة اطفالك مع اول تمرد من جهتك او احتكاك مباشر مع الست مرت زوجك ;; عشان باين من كلامك انها لا تقدر مجهودك و كمان زوجك مرتاح من الوضع ــ مادام اولاده في ايد تخاف عليهم. و اللي محروقة اعصابه هو للاسف انتي
و هنا اجي لاقتراحي البسيط , فالالول لا انصحك بالدهاب الى اهلك ... لا تخلي ساحة المعركة هههههه
و ابدي بخطوات بسيطة
انك تبردي يعصابك على الاخر ... واستقبلي اولاد زوجك بس ما تسوي كل الي يريدون .. لما يلعبون انشغلي باي شي و انسيهم , وادا يبون الحمام جاوبي انك مشغولة و خلي الشغالة توديهم يعني و كانك فجاة نسيتي شي اسمه تربية او اهتمام ... سوي نفسك مش ساءلة عليهم و لا تدوري متى اكلو و لا ما يكلون مع الانتباه طبعا انك تتقنين اللعبة , و لا ترجعي تحني او تحاولي تنبهين امهم .... فقط استمري بهدوء و دون انفعال حتى لو غير زوجك معاملته لك او اتهمك بالتقصير سوي و كانك ما فهمتي
و اهم شيييي ارجع و اقلك لا تنفعلي و لا تحني ... و اكيد لما مرت زوجك تشوف انك مقصرة اكيتد ما رح تفكر تخلي عندك عيالها
يا اختي فكري بنفسك و باولادك شوي و عطي نفسك حقها و الله يعينك
موضوع مغلق

مواقع النشر

الكلمات الدليلية
مشكلتي, الله, اللهم, الدارين, الجنة, الصفحة, ابواب, تفاعلوا, يرحم

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:08 AM.


images